السلام عليكم
الى خبراء الدفع الرباعى و النصف نقل ....
كيف يمكننى شد سيارة معطلة على جانب الطريق , و كيف يمكننى شد سيارة ازا كانت غارزة فى الرمال ؟
عرض للطباعة
السلام عليكم
الى خبراء الدفع الرباعى و النصف نقل ....
كيف يمكننى شد سيارة معطلة على جانب الطريق , و كيف يمكننى شد سيارة ازا كانت غارزة فى الرمال ؟
معطلة على جانب الطريق...
حسب نوع السيارة... و المسافة اللي هيتم شدها أد ايه؟
لو فتيس أوتوماتيك مش من المحبذ جر السيارة... بيكون الأفضل حملها علي سيارة انقاذ...
بالنسبة للسيارات الغارزة... و ديه اللي ممكن أفيدك فيها أكتر على قدر معلوماتي...
حسب المكان اللي العربية غارزة فيه... لأنك ببساطة ممكن تدخل و تغرز انتا كمان معاه...
و حسب نوع السيارة اللي غارزة.. هل هي دفع رباعة ولا ثنائي؟
و حسب نوع الغرزة و مكانها.. هل العربية غارزة في شوية رملة سايبة؟ ولا فوق غرد رملي عالي؟
و لو فوق غرد رملي... هل درجة انحداره شديدة؟
كل ديه عوامل لازم تعرفها عشان تبقا درست الموقف صح....
حبيب قلبى مينا باشا
انا كنت عاوز اعرف ازاى اشد عربية ,
عشان عربيتى جابت ديسك و اسطوانة , عشان انا جريت عربية ايسوزو دبابة على مطلع المدق الى فى احر الطريق الدائرى الى مودى على طريق الفيوم
عربيتى طلعت اصيلة , وصلتنى لغاية الميكانيكى و حلفت براس ابوها ما هى متحركة
على فكرة ... الدبرياج ما كنش مظبوط بقاله كام يوم و بيعمل اصوات مش الى هى و كمان سحب العربية قل
طيب ... مسحبش عربية تانى حفاظا على الدبرياج ؟؟؟
انا جبت ديسك و اسطوانة و بلية جداد بـ 1200 جنيه , و الميكانيكى شغال بقالو يوم كامل و لسة مخلصش , ربنا يوفقوا و يخلص
ازيك يابو حميد... اخبارك ايه؟ :)
أولا الحمد لله أن العربية وصلتك للميكانيكي...
موضوع أنك تقطر حد... مفيهوش مشكلة خالص... بس يستحسن مايكونش بيتكرر كتير...
أكيد مش هو اللي خلصلك على طقم الدبرياج... ممكن نقول أنه كان القشة اللي قطمت ظهر البعير... يعني الطقم أصلا كان خلصان...
الميكانيكي المفروض ماياخدش في تركيبه أكتر من نص يوم... و من المفضل تكون معاه... ايه اللي يضمنلك أنه هيركبلك حاجتك؟؟ مش ممكن يروح يملالك الاسطوانة القديمة؟ أو يحط أي حاجة من عنده....الحرص واجب....
مينا باشا
انا اسف للتأخير فى الرد , انت معلم فعلا , صح كدة يا باشا , العربية كانت مبتسحبش بقالها كام يوم , و حسيت بخشونة لما كنت بدوس على الدبرياج , بس راحت لوحدها , انا قلت لما اروح للميكانيكى بالمرة ابقى اقوله على الموضوع ده
انا كنت مع الميكانيكى لما ركب الديسك و الاسطوانة و فضلت معاه لغايو لما شبط الفتيس