تجاره اعضاء بشرية و لا اية ؟

السلام عليكم
النهاردة جالي خبر غريب جدا سمعتة من واحد زميلي
في اسكندرية و بالتحديد في اشاره الابراهيمية كان في راجل مجنون علي طول بيقف فيها و معاه كوره قدم بيلعب بيها وسط العربيات و دا السبب ان في ناس كتير جدا عارفاه عندنا في اسكندرية بالرغم من كتر المجانين في اشارات المرور
المهم
الراجل دا لقوه ميت وسط الزباله ( لا حول و لا قوه الا بالله العلي العظيم)
بس المفاجاه انهم لاقوا كلييتة مسروقتين
يا تري اية الموضوع دا
هل في حوادث تانية مشابهة في الفتره دية و لا دا مؤشر علي تجاره جديدة دخلت مصر من اوسع ابوابها اسمها تجاره الاعضاء البشرية؟
و خصوصا كتر الناس الغلابة و المشردين الي ملهمش ماوي و لا حد حيسال عليهم لو اختفوا
و زيادة اعداد الناس الي معاها فلوس من الهوا لدرجة انها ممكن تشتري اي حاجة و اختفاء الطبقة المتوسطة الي كلنا منها ؟

دي مش جديده .. دي سرقه اعضاء ... حاجه عاديه خالص ...

تجاره الاعضاء بقلها زمن في مصر يا ميدو اما الطبقه المتوسطه فهى ابتدت تنقرض فعلا زي الزمالكاويه بالظبت :p

يا حلاوه دا انا بقي الي مش عايش في الدنيا و لا اية ؟
انتم بتتكلموا بجد؟

اه يا عم والله ..
كمان خد بالك لو حد عندك بيعمل الزايده او اي عمليه .. لازم حد يكون معاه جوه .. طالما فيها فتح بطن الامر مايسلمش ...

لا مش معقول

حقك عليا .. انت شكلك مش عايش معانا ...
الناس بقت وحشه ...

اقتباس:

---

المشاركة الأصلية كتبت بواسطة medo80

يا حلاوه دا انا بقي الي مش عايش في الدنيا و لا اية ؟
انتم بتتكلموا بجد؟

---

اه والله ياميدو تجاره الاعضاء بقلها كذا سنه في مصر وكان في مستشفي في اسكندريه بارضو بتاخد اطفال الشوارع وتاخد منهم

اعضاء بشريه وتديهم فلوس وياريت بتديهم في ايديهم لاءه ده كانت بتديهم لسمسار اللي كان بيجيب الاطفال دول وهو بقي يا اما يعطف

عليهم ويدهم حقهك يا اما يديهم ملاليم ......

مستشفي اية دية ؟ و اتعمل معاهم اية ؟

والله مش فاكر اسم المستشفي بالظبت بس هى كانت مستشفي خاص ومتهيالي انها كانت في الشاطبي

والموضوع اتفتح في برنامج البيت بيتك من كام شهر كده وكان فيه تحقيقات من وزير الصحه بس مش

عارف الموضوع وصل لفين بس اكيد اطببخ زي اي حاجه بتطببخ ..بدام مافيش اخبار تانيه عنه

لا حول و لا قوه الا بالله العلي العظيم

لا اله الا الله

لا تعليق :(

معلش سؤال غبى

انا عملت عمليتين اعرف ازاى ان عندى كليتين ولا واحده ؟ او اى حاجه ناقصه!!!! ؟

ربنا يرحمنا

لا حول ولا قوة الا بالله

انا عارفه الولد ده كان سنه فى أوائل العشرينات ةكان بيصعب عليا جدا

بس انت متأكد من الكلام ده انه مات فعلا !!

ما هو نور الشريف قالها في فيلم الصرخة " اتسرقنا حتي لحمنا"....وعجبي عليكي يا ام الدنيا

انتو فاكرين حكايه الراجل اللى قالوا انه قتل جيرانه فى الصعيد من حوالى سنتين وبعد البحث والتمحيص قالوا ان الراجل مجنون وكان بيقطع جثث الضحايا لقوا ان الجثث مفتوحه بطريقه طبيه معينه مايعملهاش غير دكتور ومسروق من الضحايا الكلى والكبد والقرنيه وطبعا الراجل الغلبان هوا اللى لبس القضيه ومازال الفاعل الاصلى حر طليق

الراجل ده بيفضل مختفى لفترة و بيرجع تانى و ممكن دى تكون اشاعة

اقتباس:

---

المشاركة الأصلية كتبت بواسطة ams

معلش سؤال غبى

انا عملت عمليتين اعرف ازاى ان عندى كليتين ولا واحده ؟ او اى حاجه ناقصه!!!! ؟

---

و لا سؤال غبى ولا حاجة ....... من حقك تطمن

قوللى بس العمليتيين دول كانوا إيه و مكان الفتح (الجرح) كان فين بالظبط

كمان متقلقش ما دام عملت العملية فى مكان نضيف و دكتور كويس عمره ما هيعمل كده ...

اللى بيعملوا كده هم شوائب فقط هتغور فى داهية قريب إن شاء الله.

لا المره دية مش اعتقد انها اشاعة
و عموما كلام منطقي
واحد غلبان مفيش حد يسال عنة لو اختفي
و فية ناس عندها استعداد تدفع اي مبلغ علشان قطعة غيار
و في ناس من الجوع و لا الطمع و لا الوضاعة مش عارف المهم يعملوا اي حاجة علشان بضعة جنيهات
كدا الحلقة اكتملت
انا شايف انة كلام منطقي

اقتباس:

---

المشاركة الأصلية كتبت بواسطة meza

و لا سؤال غبى ولا حاجة ....... من حقك تطمن

قوللى بس العمليتيين دول كانوا إيه و مكان الفتح (الجرح) كان فين بالظبط

كمان متقلقش ما دام عملت العملية فى مكان نضيف و دكتور كويس عمره ما هيعمل كده ...

اللى بيعملوا كده هم شوائب فقط هتغور فى داهية قريب إن شاء الله.

---

شكرا على ردك :)

بس على فكره سؤالى فعلا غبى:D

لان العمليتين كانو فى زراعى نيههههههههههههههههههههههه هههههه:D

بس السؤال بجد لو حد عمل الزايده مثلا يعرف منين ان كانو خدوا كليه ولا لأ ؟ حتى ولو كان المكان كويس وكمان الدكتور

اقتباس:

---

المشاركة الأصلية كتبت بواسطة ams

شكرا على ردك :)

بس على فكره سؤالى فعلا غبى:D

لان العمليتين كانو فى زراعى نيههههههههههههههههههههههه هههههه:D

بس السؤال بجد لو حد عمل الزايده مثلا يعرف منين ان كانو خدوا كليه ولا لأ ؟ حتى ولو كان المكان كويس وكمان الدكتور

---

بص يا سيدى
مكان الجرح بتاع عملية الزايدة غير مكان الجرح اللى نقدر نوصل بيه للكلية

الحاجات اللى ممكن تدعوا للقلق إن الفتح يكون من قدام فى البطن و يكون كبير زيادة عن اللزوم و متجه للجنب (فى حالة عملية الزايدة) و برضه لو العملية طولت فى الوقت
برضه لو الجرح فى الجنب تحت الأضلاع من ورا كده يبقى داخل على الكلية عدل ........ فلو العملية مكانتش ليها علاقة بالكلية أساساً ... كده يبقى فيه حاجة غلط

و طبعاً ده كلام بناء على معلومات عامة يعنى ممكن يكون فى طرق تانية أنا معرفهاش ....... فلو فى طبيب جراح فى المنتدى هيقدر يفيدنا أكتر.....
...............
بالنسبة بقى لحالتك لو الجرح كان فى الزراع ثم إتجه إلى الكتف ثم الجنب إلى الظهر بطول حوالى متر و 60 سم يبقى كده المفروض إنك تقلق شوية :D

هناك شىء انا متاكد منه مائة فى المائة ان هناك الكثير من الاشخاص معندهمش اى مشكلة فى التسبب فى سرقة اى جزء من اجزاءك البشرية اذا سنحت له الفرصة ، المكسب كبير و لا و رقيب عليه ، هناك الكثير من البشر ممكن يسرقوك سواء بكيفك او غصب عنك او حتى بدون علمك لا مشكلة فى ذلك ، الهدف واضح امامهم و اهم سائرون فى تنفيذه و لا مشكلة فى طريقة التنفيذ التى قد يعتبرها الاسوياء موضوع نادر حدوثه او بعيد عنهم ، يعنى ممكن هولاء الاشخاص اللى السبب فى كل البلاوى اللى احنا عايشين فيها فى مصر من جريمة و احتيال و سرقة اعضاء يقوم بفعلته كما تقوم انت بعمل غرزة فى الطريق لتعبر مسرعا يعنى الهدف واضح ، بتبقى عارف انك بتعمل حاجة غلط بس المانع النفسى نسبته 3 فى المائة يختفى و يتلاشى مع وضوح الهدف ( الطريق الخالى امامك بنسبة لمثال السيارة و المكسب الكبير بالنسبة للحرامى او الجراح الحرامى )

انا استخدمت المثل ده لايضال الواقع المرير الذى نعيشه حاليا و يتفاقم لمن لا زال يعتقد ان هؤلاء الفئة بعيدة عنهم

لا تعليق عندى اقوله فى النهاية غير ما اقوله دائما ( يا رب سلم )

اقتباس:

---

المشاركة الأصلية كتبت بواسطة ams

شكرا على ردك :)

بس على فكره سؤالى فعلا غبى:D

لان العمليتين كانو فى زراعى نيههههههههههههههههههههههه هههههه:D

بس السؤال بجد لو حد عمل الزايده مثلا يعرف منين ان كانو خدوا كليه ولا لأ ؟ حتى ولو كان المكان كويس وكمان الدكتور

---

علي فكره احنا مصريين .. ممكن نشفط الكليه من الدراع ههههههه
:D:D:D

أرسل أصلا بواسطة ams
معلش سؤال غبى

انا عملت عمليتين اعرف ازاى ان عندى كليتين ولا واحده ؟ او اى حاجه ناقصه!!!!


اسهل حاجه تعمل اشعه تليفزيونيه علي البطن و الكليتين
طبعا لو انت شاكك - يعني بلا رعب ع الفاضي

د. اشرف هنداوي

طيب الموضوع ما هوا طلع منتشر اهه ( سرقة الاعضاء البشرية )
بس ما سمعناش عن اي حد اتمسك و لا اي حد اتعاقب و لا كلهم كبار و لا اية ؟

انا رايي ان الناس دلوقي مش عارفه تجيب فلوس ازاي و لا منين فانعدم من عندهم الضمير الانساني

اقتباس:

---

المشاركة الأصلية كتبت بواسطة achrafhendawy71

اسهل حاجه تعمل اشعه تليفزيونيه علي البطن و الكليتين
طبعا لو انت شاكك - يعني بلا رعب ع الفاضي
د. اشرف هنداوي

---

شكرا على ردك لكنى ارى ان الخطوره تكمن فى عدم امكانية اكتشاف اختفاء العضو بدون حدوث مشاكل
حيث انه من غير المنطقى ان يقوم احد بعمل هذه الاشعه و هو لا يعانى من شىء اى ان المشكله تظهر على المدى البعيد

اقتباس:

---

المشاركة الأصلية كتبت بواسطة meza

بالنسبة بقى لحالتك لو الجرح كان فى الزراع ثم إتجه إلى الكتف ثم الجنب إلى الظهر بطول حوالى متر و 60 سم يبقى كده المفروض إنك تقلق شوية :D

---

هههههههههههههههههههه :Dناقص تقول والمتجه الى الاستاد ياخد زراع ams بدلا من صلاح سالم:D

اقتباس:

---

المشاركة الأصلية كتبت بواسطة Xpert

علي فكره احنا مصريين .. ممكن نشفط الكليه من الدراع ههههههه
:D:D:D

---

ليه هو انا موتسيكل ؟؟! هعهعهععهعهعهعهععععععععع:D

اقتباس:

---

المشاركة الأصلية كتبت بواسطة ams

شكرا على ردك لكنى ارى ان الخطوره تكمن فى عدم امكانية اكتشاف اختفاء العضو بدون حدوث مشاكل
حيث انه من غير المنطقى ان يقوم احد بعمل هذه الاشعه و هو لا يعانى من شىء اى ان المشكله تظهر على المدى البعيد




هههههههههههههههههههه :Dناقص تقول والمتجه الى الاستاد ياخد زراع ams بدلا من صلاح سالم:D



ليه هو انا موتسيكل ؟؟! هعهعهععهعهعهعهععععععععع:D

---

نينينيههههههههههههههههههه ههههههههههههههههههههههههه ههههه:D

الناس بقت جشعه
ومن سنتين فاتوا حدثه بني مزار في الصعيد (تقريبا اسيوط انا مش فاكر بالظبت)
اللي قتل كذا عليه اطفال ورجال ونساء واخد منهم بعض الاعضاء لدرجه انهم قالوا انه اخد اعضاء تناسليه كمان

الاخوة الافاضل هدوا من روعكم و لنتناقش بموضعية
هل إنتشر الفساد بمصر .....الاجابة نعم
هل طال الفساد اوجة متعددة بما فيها الطب ....للاسف الشديد نعم
هل يوجد أطباء لا يراعون الله في عملهم .......نعم
هل انتشرت سرقة الاعضاء حيث لا يأمن الشخص إجراء عملية دون التأكد من "تمام " اعضائه...... الاجابة لا
ببساطة شديدة لا يوجد جرم دون دافع (ما عدة الحالات المرضية السيكوباتية ) و عليه ماذا يستفيد الجراح من حصد أعضاء لن يستفيد منها
عمليات نقل الاعضاء سواء من حي أو ميت تحتاج إلي إمكانيات رهيبة لا تتوفر إلا في أكبر المستشفيات و يجب أن يكون المتلقي جاهز تماما للعملية لأن لا يمكن الحفاظ على الجزء المراد زرعه إلا لسويعات قليلة ....المعامل و الفحوص المطلوبة لضمان عدم حدوث لفظ للعضو المزروع تحتاج لايام
وقانا الله و إياكم شر المرض