العربية المرعوشة

**mido70007000** · 05-12-2010 04:14 AM

خللى الكهربائى يعملك تقوية خارجية كتاوت

**abo_lamar** · 05-12-2010 06:14 AM

جرب تنظف الأيدل كنترول تاني وبعد ماتركبه تعمل ما يسمى Ideal Learn وربنا يسهل وتظبط معاك
http://www.nilemotors.net/Nile/71086-a.html
ده رابط طريقة عمل الأيدل ليرن

**احمد ابراهيم** · 05-12-2010 09:31 AM

المشاركة الأصلية كتبت بواسطة elakawy

جرب تنظف الأيدل كنترول تاني وبعد ماتركبه تعمل ما يسمى ideal learn وربنا يسهل وتظبط معاك
http://www.nilemotors.net/nile/71086-a.html
ده رابط طريقة عمل الأيدل ليرن

نضفت يا باشا البوابه و المانفولد و عملت ايدل ليرن بالفعل

**M.Zaher** · 05-12-2010 11:38 AM

هوه انت لسه مجربتش تفصل الدينامو
روح لميكانيكي يوقعلك السير و دور و شوف و انت واقف

**احمد ابراهيم** · 11-12-2010 01:16 PM

انا اسف يا جماعة على التاخير بس للاسف مواعيد شغلى مكتفانى و بتقضى على اليوم كله

المهم نزلت امبارح و جربت افك السلوك بتاعة البوبينة واحد واحد من ناحية البوبينة .. لقيت الاول شرارته كويسة .. التانى شرارته ممتازة و ممكن يلقط مع اى حاجة جنبة لو مش مقرب السلك منه مسافة مناسبة ... التالت فى الضياع ضعيف جدا يكاد يكون ملوش لازمة و لازم احط السلك على حرف المخرج بتاع البوبينة عشان يلقط ... الرابع كويس زى الاولانى

المهم روحت للكهربائى جبنا بوبينة صينى جديدة لتجربة بيها هل العيب منها و لا لا

المهم ركبنا البوبينة الجديدة و لكن للاسف مفيش جديد نفس الرعشة موجودة

فرجعت البوبينة الصينى و قولت كده كده هجيب بوبينة فقولت هجيب الاصلى بتاعها

السؤال بقى

1 هل البوبينة الاصلى ممكن تمنع القصة دى ؟؟؟
2 هل البوبينة الاصلى بيكون عليها ضمان مثلا لان بصراحة فرق السعر كبير من 180 ل 450 فالواحد محتاج ضمان ؟؟؟
3 اجيبها منين ؟؟؟
4 هل اجيب سلوك بوجيهات اصلى و لا مبتفرقش كتير ؟؟؟
5 هل ترتيب سلوك البوجيها بيكون 1 4 2 3 ؟؟؟؟؟المفروض زى المكتوب على البوبينة صح ؟؟؟؟

شكرا لتعبكم و متابعتكم معايا
و ان شاء الله نتقابل فى المقابلة و الله مستنيها بفارغ الصبر

تحياتى
احمد ابراهيم

**MMamdouh** · 11-12-2010 01:36 PM

واضح ان المشكلة مش فى البوبينة لان نفس العيب اتكرر مع كذا بوبينة

البوبينة الاصلى معليهاش ضمان زيها زى الصينى... بس على الاقل انت عارف ان الاصلى مش حتتوفى بعد اسبوعين زى الصينى

البوبينة الاصلى موجودة عند ابو الحسن

يفضل تركب طقم سلوك جديد... مش شرط الاصلى... فيه سلوك كورى فى السوق شغالة كويس جدا

الترتيب فعلا من فوق لتحت هو 1 4 2 3

MMamdouh

**احمد ابراهيم** · 11-12-2010 02:11 PM

انا عايز اعرف دلوقتى ايه الخطوات المتبعة بعد ما اغير البوبينة عشان الرعشة دى تروح
انا محتار يا ريت حد يدلنى و لا الرعشة دى موجودة فى كل العربيات و استسلملها و خلاص ؟؟؟

**MMamdouh** · 11-12-2010 02:13 PM

ضفيرة البوبينة نفسها

و طالما الميكانيكى بيقول شعر فى البوبينة الصينى قولة حجيبها على حسابك و اجربها شهرين و لو مباظتش حديك تمنها و شوف حيقول ايه

MMamdouh