-
استفسار عن سعر بيرسونا
بسم الله الرحمن الرحيم
هل يا جماعة سعر البيرسونا 2010 مانيوال فول اوبشن 80000 جنيه بس ؟؟؟؟؟؟؟
الكلام ده لاقيته علي موقع contactcars
ContactCars | بروتون - برسونا
ولقيته في موقع تاني كمان فأتمني حد يؤكدلي هذه المعلومة لأني ان شاء الله كنت خلاص هشتري fsv gl 70000 جنيه بس لقيت السعر الغريب ده للبيرسونا فممكن ازود لاخري واجيبها
اتمني لو حد يعرف هل السعر ده صحيح ام لا يجاوبني وهل اصلا العربية موجودة بالسوق ؟؟؟؟؟
-
حضرتك العربية موجودة فى التوكيل (بيرسونا 2010) مانيوال فول اوبشن .. وانا لسه شاريها من اسبوع تقريبا وكان تمنها 82 الف جنيه .. وعليها بوليصة تأمين هدية تمنها لو جبتها من اى شركة تأمين برة فوق ال 3الاف جنيه فتقريبا سعرها كدة اقل من 79 الف جنيه كمان دلوقتى .. والله هى عربية جميلة وانا فعلا مبسوط بيها لغاية دلوقتى ويا رب تفضل كدة على طول .وربنا يوفقك للاختيار الصحيح.
-
شكرا يا باشا علي الرد السريع بس لو ممكن تقولي ايه الاوبشن اللي نازلة العربية بيها وربنا يباركلك فيها ويديك خيرها ويكفيك شرها
-
يا باشا ربنا يخليك و يرزقك باللى فيه الخير
1- جنوط 15 وكاوتش محترم جدا
2-كاسيت سى دى ام بى ثرى black bount (المانى)
3- 4 سماعات
4-طبعا باور وتكييف
5- 4 زجاج كهربائى
6-كمبيوتر رحلات
7- جهاز انذار واتنين مفتاح مدمج فيهم زراير الانذار.
8- فوجات امامية(مصابيح شبورة).
9- باركنج سنسور
10- ساعة رقمية
11- مرايات كهربا
12- قفل للزجاج من جانب باب الساائق( علشان الاطفال)
13- مسند بين الكرسيين الاميين (شيك من وجهة نظرى) ويفتح منه مكان لكوبين للراكبين الخلفيين
15- فرامل abs
16- ebd
17- طارة رياضية ( مقاسها صغير) مالتى فانكشن
18- 2 اير باج
19- تحكم فى نور التابلوه وشدة اضاءته
20- مش فاكر :))))) واسف لو كنت نسيت حاجة .. بينى وبينك اصلى لسه بكتشفها:))
-
روعة ما شاء الله
شكرا لردك مرة تانية
-
يا باشا انت تأمر .. وربنا يوفقك للى فيه الخير
-
طب يا جماعة السعر ده لفترة محدوده ولا ده هيبقي سعرها علطول وهي لسه موجوده عند الوكيل ولا لا
-
اعتقد دي هتبقى اسعار موديلات 2010 علشان يخلصو من الخزين
-
الف مبروك مقدما
السعر الاصلى هو 86 الف وانت وشطارتك فى نسبة الخصم عشان ليهم مقدار معين لى الخصم يعنى انا جبت البيرسونا من 10 ايام بـ 83 واخى asas2 جابها على 82 وبصراحة لة تقدر تشد على نفسك كويس وتجيبها يبقى تمام أوى العربية فعلا تستاهل اكتر من السعر دة
وبالنسبة للاوبشن فية حاجة زيادة على كلام اخى asas2 وهى قفل الابواب ولا تستطيع فتحها اللا من الخارج فقط
-
مبروك يا شباب على عودة المنتدى
و كان عندى إستفسار عن باقى أسعار فئات البرسونا يعنى أوتوماتيك بكام و هاى لاين؟
و كمان عاوز أعرف سعر 2011 الجديدة
مشكورين يا شباب
-
حضرتك اللى كنا بنتكلم عليه ده هو ( البيرسونا الفول اوبشن مانيوال) ب ٨٢ دلوقتى من التوكيل .. هو ده الهاى لاين مانيوال
اما الهاى لاين اوتوماتيك ٢٠١٠ فمن اسبوع مكنش فى فى التوكيل غير لونين الأبيض والشامبين وكانوا عاملين ٨٨ الف للواحدة معرفش لسة موجودين ولا اتباعوا علشان هم بيخلصوا ٢٠١٠ خلاص
اما البيرسونا الهاف اوبشن فدى خلصت من التوكيل من زمان تقريبا من شهر ٩:36_1_50[1]:
-
شكراً جزيلاً يا asas2
دى أخبار جميله و معناها إن 2011 على وشك الظهور
و كمان سعرها مش هيرتفع لأن لو هيفضل فى السوق 2010 و 2011 بيرفعوا سعر الجديدة شوية
إنما طالما 2010 خلصت يبقى الجديد بنفس سعر القديم
هانت :)
-
ربنا يرزقك باللى فيه الخير ان شاء الله
Content Relevant URLs by
vBSEO 3.6.0 PL2