ضمان السيراتوالخليجى

**damneder** · 04-12-2010 08:50 AM

ياجماعه انا محتار جدا فى موضوع الضمان ده
قدامى امان الشرق و aaa
aaa مميزاتها ان ليها فروع كتير ومنها تكنووان
انا محناج اعرف الفرق بين الاتنين وهل اسعار الصيانات تفرق ولا لا
وهل التعامل فى تكنو وان بامان الشرق او aaa يختلف ؟؟
ارجو من كل الجميع اخيار الافضل فى الاستطلاع عشان اعرف النتيجه
ِِِ

**damneder** · 04-12-2010 05:53 PM

ياجماعه محتاج رايكم بجد الموضوع محير بالنسبه ليا ولازم اخد قرار بسرعه

**Arabino** · 05-12-2010 04:03 AM

انا عن نفسي شغال على aaa وواخد منهم ضمان سنتين و رحت عملت صيانه ف وليد توفيق العبور ناس قمه فى الاحترام صراحه و شغل زى الفل و فى الانجاز.... مجربتهومش ف التقيل و ربنا يبعد عنى التقيل و عين اللى عايز يلبنبسنى فى التقيل ههههههه كفايه عليا الصيانه العاديه

**mohamedaghali** · 05-12-2010 09:42 AM

انا جربت امان الشرق مع تكنوا وان فى مشكله فى زرار فتحه السقف واتعملت ضمان بصراحه والنا س بتصلوا بيا كل فتره يعملوااستطلاع راى وليا واحد صاحبى حصلت معاه مشكله فى الدراع اللى بيرفع فتحه السقف مع ِ aaaورفضوا يصلحوه بس انا ماشفتش ايه اللى بوظ الدراع ده لان ممكن يكون سوء استخدام منه او حاجه بس والله واعلم متهايالى ان الاتنين مش هايسدو فى التقايل لان التوكيل اساسا بتهرب من التقايل وربنا يستر ومنحتاجش لحاجه خالص

**yasso0101** · 05-12-2010 10:48 AM

انا بفضل امان الشرق لان ادارة المنتدى ليها اتصال مباشر مع امان الشرق فلو في حاجه حصلت لا سمح الله ادارة المنتدى ممكن تدخل

**fddf512** · 21-05-2014 10:22 AM

انا مع aaa بس جربتهم في مشكله دراع النور بتاع الفوجات رفضو التغيير والاصلاح بحجه اني مركب زينون مع اني مركبه بمعرفتهم وباعترافهم وفي الاخر لما كلمت الاستاذ محمد مدير aaa قالي تعال مصر وانا اصلحهولك.. وتم الاصلاح لا التغيير...

**prooo** · 01-06-2014 07:33 PM

من وجهة نظري الضمان ده ملوش اي لازمة لانه لاقدر الله في الحاجات التقيله محدش هيعمللك حاجه .... وانا شايف انه عمليه نصب شرعيه على الناس واللي هتدفعه في السنتين مش هتاخد بيه اي حاجه غير حاجات بسيطه ..... زي المشاكل البسيطه بتاعت الناس اللي ردت .... غير كده لو لاقدر الله فيه مشكله في فتيس او في موتور محدش هيعملك حاجه ......