-
aramex - shop and ship
السلام عليكم
حد مشترك فى ارامكس (شوب اند شيب) ؟ هل فعلا الموضوع مجدى و الحاجة بتقف ارخص و جودة اعلى ؟
و هل الدفع بيكون عند الاستلام ؟ وهل دائما الحاجات بتتجمرك ولا ساعات و ساعات ؟
و يا ريت لو حد يدينى ليست بافضل المواقع لشراء الملابس و الالكترونيات
-
-
-
أنا مشترك من حوالي سنتين
هي الفكرة مش في التوفير، بالعكس، إنت بتدفع زيادة في مصروفات التوصيل
لكن الميزة فيها في الشراء من مواقع لا تقوم بالتوصيل لمصر والميزة التانية سرعة التوصيل
فيه حاجات وصلتني من أمريكا في 7 أيام فقط قبل كدة
-
انا مشترك فى shop and ship
الصراحة الحاجة اغلى من العادى فى مصر بس فرق الماركات و كل حاجة بتتجمرك مفيش حاجة مبتتجمركش
نيجى للبس مثلا : لو الt-shirt ب 35$
35 * 5.8 = 203 جنيه دا سعره (بتتدفعه بالcredit او debit card )
203 * 1.43 = 290.29 (دا السعر بعد الجمرك + ضريبة المبيعات لان اللبس و الجزم عليهم 30% جمرك و 10% ضريبة مجمعة يبقى 43% جمرك + ضريبة مجمعة).
أرامكس بياخدوا 67 جنيه على النص كيلو و كل نص كيلو بعد كدا ب 50 جنيه , اى لبس وزنه بيبقى فى المتوسط حوالى 350 جرام الا لو حاجة شتوى او jeans بيبقى اتقل و خلى بالك العلبة اللى الحاجة بتتشحن فيها بتوزن برده .
قول لو هتشترى polo او قميص العلبة و القميص نص كيلو يبقى كدا 67 جنيه
67+290.29 = 357.29 و بياخدوا حاولى 40 جنيه رسوم لو الجمرك كان اقل من 150 جنيه و 65 لو اكتر ( منها رسوم تخليص و حاجات من الكلام دا) يعنى 357.29+40 = 397.29 و ساعات الجمرك بيبقى اكتر من الفاتورة بحاجة بسيطة.
يبقى لو الهدف ان الحاجة ارخص مش هتبقى ارخص نهائيا , نفس الكلام بالنسبة للالكترونيات و الlaptop و كل حاجة هتبقى اغلى و هتخسر الضمان , بالنسبة للlaptop هتلاقيه فى امريكا ارخص يمكن 1000 جنيه فى المتوسط بس هتتدفعهم فرق شحن لانه بيوزن جامد و هتخسر الضمان.
الفايدة من ارامكس تشترى حاجات مش موجودة فى مصر و سعرها معقول بره او مركات غالية اوى فى مصر زى lacoste مثلا و الكلام دا لانه بيتباع فى مصر باضعاف تمنه فلما تجيب الحاجات دى من بره هتبقى بنص التمن غير الحاجات اللى مش موجودة فى مصر و نفس الكلام مثلا فى ناس بتجيب كروت شاشة مش موجودة فى مصر و حاجات كدا.
دفع تمن الحاجة بيكون على النت و الجمرك و الشحن و مصاريف التخليص عند الاستلام.
-
هو شوب اند شيب ملوش دعوة بالجودة ..حضرتك بتشترى الحاجة من بره وتدفع تمنها وهو بيوصولهالك فقط وبالتالى الدفع مش عند الاستلام
هو زى مالاخ الفاضل قالك ميزته انك حيخليك تشترى حاجات منش موجودة فى مصر وبسعر تقريبا اقل من مثيلتها الاقل جودة
يعنى فى حاجات حتلاقيها ارخص من هنا يعنى انا كنت شارى كاميرا بامكانيات اعلى وبسعر يساوى حاجات اقل فى مصر (بس مش فرق سعر رهيب بعنى)
الهدوم ممكن تجيب حاجات ارخص واشكال وماركت مش موجودة فى مصر
بتفيد فى الهدايا لما تجيب حاجات شيك ومش موجودة فى مصر وبسعر مش مبالغ فيه
الجمارك معروفة من الاول وبتسالهم عليهم بيردوا عليك فيها
ومرة جبت ساعة ومتجمركتش لكن كل الحالات التانية اتجمركت
-
افضل ميزة في آرامكس هي شراء منتجات من امريكا او بريطانيا غير متوفرة في مصر لكن ليست بالضرورة ارخص وتزداد ميزة ارامكس اذا كانت الشحنة خفيفة الوزن مثل اجهزة المحمول واسطوانات البرامج او الالعاب وما شابه
-
طب لو الواحد حب مثلا يجيب
Ipad apple
من هناك .. تفتكروا الوزن و السعر هيعلي قوي عن مصر "؟
أعتقد في فرق 2000 جنيه
Content Relevant URLs by
vBSEO 3.6.0 PL2