انا معايا اسكورت 1300 cc موديل 1998 مشتريها من المالك الأول وبحالة ماشاء الله فوق الممتازة فيها تكييف وسنتر اوريجينال والكاسيت الأصلي بتاعها ... اشتريتها اول شهر اغسطس اللي فات بـ 29000 جنيه.
عرض للطباعة
العربية ظريفة ولما تبقى مظبوطة بتبقى جميلة جدا
لكن بصفة عامة حتتعبك في صيانتها فخليكي في المنتشر وما تسهل صيانته وتتوفر قطع غياره في نفس الفئة السعرية
ظريفه ازاى بس يا بحرى باشا :8954[1]:
اسألنى انا مجربها وكانت حالتها ممتازه
العربيه صوتها عالى...وتقيله...وموتورها قديم وتجميعه بطىء...دة غير انها ملهاش سوق خالص....وصيانتها صعبه مقارنه باليابانى والكورى....وتفتقد النعومه والاداء....حتى ال 1600 منها ال z-tech تقيل فى الطالعه الاولى وبعد كده بيبقى معقول...بس ثبات ممتاز وصاج محترم وبتستحمل ودى اللى بتخلى الناس تجيبها....بس لو انا مقبل على شراء فورد اجيب المنوديو افضل مما تتخيل ومش اغلى كتير
انا راى اى حد مقبل على شرئها يفكر مره واتنين
أنا عندي صديق ضابط بحري ومعاه العربية من الزيرو..كانت مع والده..ومحافظ عليها وركوبتها جميلة جدا وقوية وأداؤها كويس جدا
هي فعلا صوتها عالي نسبيا ولكن هي أصلا لها بطانة عازلة في الصدر والكبوت بتمنع كتير من الصوت
المشكلة لما بتهمل فيها بتكون كارثة محققة
المونديو أحسن كتير طبعا مفيش كلام جميلة جدا وأكثر من ممتازة..مع صديق برضه..أول ما جابها كانت خطيرة وللأسف أهمل فيها وحالتها اتأخرت جدا
المسألة اهتمام مش أكثر...وبرضه صعوبة الصيانة وقطع الغيار بتخلي ناس تخترع فيها وتعمل شغل أي كلام فده بيأثر عليها