عرض للطباعة
طلمبة البنزين ابتدت تصفر.. مما يوحى بقرب موسم النهايه..
و طبعا انتو عارفين دى حاجه ما ينفعش فيها اى ترميم او تصليح.سيارتى ليجانزا
اتوماتيك 2000 سى سى .
باسأل حضراتكم .. ينفع اجيب طلمبه بيجو او بى ام .. او تويوتا .. او اى ماركه محترمه ، و تركب
و تشتغل زى الفل .. و الاّ لازم بتاعتها ؟
و اذا كان ينفع ..ينفع اجيب طلمبه بتاعت موتور 1600 و الا دا يبوظ العربيه؟
و يوفر بنزين ؟
متشكرين
اعمل حاجه بسيطه .. انزلُي تحت العربيه هاتلي الرقم اللي مكتوب علي الطلمبه و اكتبه هنا .. ده لو طلمبه بوش .. و اقلك ايه اللي يركب عندك ;)
حاضر يا بيشو و لو انى هاتبهدل خالص ..انا كنت فاكرها جوه تانك البنزين
و متشكر لسرعة ردك يا كبير..
و قلبى معاك فى الكرنك اللى بيلق دا ،
هم .. مش عارف .. هيا عندنابتبقي ممكن راكبه جوه التانك و ممكن تحت العربيه ..و ممكن ماتطلعش بوش اصلاً كمان ..
طب استني كده هاراجع الاونلاين كتالوج بتاع بوش .. هاشوف دايو موجوده ولا لاء .. مش هيا ليجانزا برضه ؟
اى نعم ليجانزا .. اصلى ( فابريكا دواخل) 99
هيا عندك جوه التانك فعلاً ..
Were is the fuel pump located in a 1999 Daewoo leganza?
The fuel pump is located in the gas tank. I was able to access mine through the floor under the rear seat with no problem. I hope this helps
البوش كتالوج مش مطلعها .. استني اما ادور شويه يمكن اوصل لنوعها ..
و ماطلعتش بوش
fuel Pump Assy-module
daewoo Part Number 96255734
هنا بقي الحاجه الوحيده اللي قدامك .. التريال و الايرور .. اشتري واحده بتاعه بي ام او مرسيدس .. علشان دي جوه التانك .. و جربها .. (بس خللي كهربائي اللي يجربها .. و شوف رأيه الاول ) ..
يعنى بتاعة البى ام تنفع ؟ و بكام ؟ و انى موديل؟
سؤال بس.....ايه المشكلة في تركيب الطرمبة الأصلية؟
أصل هيه مش شطارة او حاجة حلوة ان يتركب حاجة مش بتاعة العربية خصوصا لو مهمة زي دي!!
ماهه انا معرفش ... هوه البي ام موديلات اعلي من 90 بتستخدم الطلمبه جوه التانك ..انما هل هاتتوافق مع العربيه او عدمه دي تستشير فيها كهربائي يكون بيفهم في الانجكشن ..
انما هيا لو كانت بوش .. البوش بيشتغل مكان بعضيه في معظم العربيات ;)
طب ما أروح لمحل قطع الغيار أطلب الطرمبة بتاعة العربية و خلاص!
سؤالك مهم جدا يا نادر .. و انا كنت بسأل على فرق الجوده
طمعا فى الاحسن ..ان كان فيه تجربه سابقه و نجحت ، كما فى تجربة وضع رشاشات البى ام فىالدايوو مكان رشاشاتها الاصليه
و عشان افتح مواضيع كتير يستفيد بيها باقى الاعضاء ..
و ادينى اخويا بيشو عرّفنى البارت نمبر بتاع الاصلى بتاعها ، و هى معلومه لم اكن لاستطيع بمفردى معرفتها .. و المحلات كل واحد يقسم ان بتاعته : هى الاصلى
و شكرا و تحياتى القلبيه لك
مجهود جميل طيعا يا استاذ مدحت...لكن انا رأيي بالذات في موضوع الطرمبة ده...بلاش التجارب..لأن ممكن تدفع مبلغ كبير و تطلع مش هيه او يطلع فيه فرق ضغط ما بين الأصلية و الجديدة...أسلم شئ اشتريها من التوكيل حتي لو أغلي...بس تبقى ضامن
و طرمبة البنزين من الحاجات المعمرة و مش بتحتاج تتغير غير كل عدد لا بأس به من الكيلومترات...ممكن يصل لعمر العربية في بعض الأحيان..
و الله يا استاذ نادر كتر خيرك .. كا ن ممسوح من مخى تماما ان اروح اجيبها من التوكيل مش عارف ليه .انا سألت عليها فى السوق لقيتها متوسط 550 جنيه
طلبت ضمان كله جاب ورا فاتورة شراء اصلى مختومه .. هانزود لك 80 جنيه !!
بكره ها شوف توكيلهم فى ابو رواش و اقولكم ايه الاخبار ..
أي طلمبة بوش هتركب عندك وبكفاءة بس احذر من الصيني
السوق مليان طلمبات صيني مكتوب عليها بوش وبتبدأ من 140 جم
لما اروح التوكيل املا عينى من الاصلى .. لو تمنها فى المتاح ع البركه..
لو استهبال .. يبقى عرفت شكل الاصلى و ما يميزه ، عشان يبقى عندى
مرجعيه اعرف بيها الاصلى من التقليد
شكرا شافت.. و ها خد معايا فى ورقه رقم البارت نمبر اللى بيشو طلعهولنا من ع النت
الرقم مش علي ضمانتي .. استني احسن لحد ما استاذ محمد ممدوح يجيبهولك برضه و اتاكد الاول .. او روح و هم هايبقوا عارفين ;)
للاسف من العيوب الشائعة و المستديمة فى سيارات دايوو طلمبة البنزين بتتغير كل سنة تقريبا و سعرها حوالى 500 جنيه و بتبوظ من غير اى سبب . بصراحة حاجة غربية و ثقيلة فى نفس الوقت و ممكن تعملها معاك فى اى وقت و اى مكان . و بتغير الطلمبة و معاها عوامة البنزين و فلتر داخلى كل ده مع الطلمبة الجديدة . انا سمعت انه ممكن تغير الموتور بس بتاعها . انا جربت موضوع تغيير الموتور بتاع الطلمبة دا فى بيجو 206 و ماشتغلش كويس و اضطرينا نشترى طلمبة جديدة ب1250 جنيه . حاجة عظيمة .
مالها الطلمبة الكهربة اليابانى بتاعت زمان .
طلمبة الدايو walbro مش bosch
MMamdouh
اول مرة اسمع قصة طلمبة كل سنة دى... انا معايا عربيتين لانوس واحدة منهم بقالها 10 سنين و التانية 7 و غيرت طلمبة واحدة كانت فى الضمان تبع مشاكل الطلمبات اللى كانت فى اوائل دفعة 99اقتباس:
المشاركة الأصلية كتبت بواسطة fakoussa
تقريبا الناس اللى بتغير طلمبة كل سنة كانت بتشترى الطلمبات دى:
http://www.nepeanhistoricalsociety.o...water_pump.jpg
MMamdouh
هع هع هع .. و الله ارخص و معمره تمام ..
انا لقيها فى التوكيل مش وال برو .. لقيتها GM
' طالبين 800 جنيه .. ما اشتريتش .. و ما نابنى الا المشوار السخن لابو رواش .. و رحت و انا راجع نازل
محل ابو الحسن فى شارع وقوف الجيزه بين السرا يات طالب 550 فى واحده صينى مكتوب عليها Boch
ما اشتريتهاش .. روحت و انا مش عارف اعمل ايه ، و ما شى مكسوف و محبط انى راجل
عديم الطلمبه .. و هو اخر لقب كنت ارحّب بالصا قه بى .. فى اخر ايا مى
هعهعهعهع Boch هعهعهع
حلوه دي .. حتي بوش بقي المضروب بتاعه بوخ هههههه
النهارده فكينا القديمه و غسلناها بزيت اتوماتيك و ركبناها من غير توصيل ، طردنا الزيت .. و ركبناها تانى ، و لسه بتصفرررر
هى بس كنت عاوز اشوف حضرتها شكلها ايه دى اللى مالهوش مثال
و لقيتها طويله و فرعه و بيضه و مش ملزوق عليها اى اسم و لا جنسيه
مجرد رقم غامض مختلف كمان عن اللى بيشو عطاهونى
انا هاخليها بأه حتى اخر العمر..ايه يعنى بتصّفر.. ما انا كمان باصفر ساعات
اشتر الطلمبة الاصلى من التوكيل وركبها برد احذى قطع الغيار معظمها مضروب بره
دلوقت بقى لها يومين فى بيتها .. بطلت تصفر لوحدها كده
و بتدينى البنزين اللى انا عاوزه من سكات
و القديمه تحلى
بالقراءه الدقيقه فى كتالوج السياره اتضح ان مفتاح العربيه الاصلى
به كود ترميز ، و هو ما يطلق عليه بلغة الاجانب " ايموبلايزر "
و وظيفته اعطاء اشاره كهربائيه لطلمبة البنزين لتشتغل ،
فتدور المحرك و تنطلق. و عندما يكون المفتاح مش اصلى
تمتنع الطلمبه عن ضخ الوقود وتفشل محاولات سرقتها .
لسبب ما الاولاد عملوا مفتا ح على الاصلى من ورايا
و كانوا معرفش ازاى بيطلعوا بيها و كل حاجه ..
و لكن الظاهر هذا سبب نوع من الارتباك لموتور الطلمبه
نظرا للتشابه الجينى بينى و بينهم مما سبب رفع عقيرتها بالصفير( يبدو انه كان تحذير فقط )ر الذى كاد يودى بطردها من الخدمه ، ظلما
و لولا حكمتى و طول بالى ..لحل مكانها طلمبه حقيره اصغر سنا .. و اقل حنكه
فا عتبروا يا سريعى التغيير
اسف يا جماعه .. رجعت الطلمبه للصفير و كل اللى يركب يقوللى
انت عاوز لك طلمبة بنزين .(.و ده مش كويس للبرستيج بتاعى )
فيه كهربائى قاللى احنا ممكن نجيب الموتور الروتارى اللى جوا الاسطوانه
البلاستيك جديد بحوالى 270 + فلتر جديد ب 30
و نركب نفس الاسطوانه و العوامه و نلم الدور..قاللى هو اللى بيبوظ فيها الموتور فقط
اذا عملنا كده ونفعت هاقولكم
يا عم مدحت هاتلك طلمبه بنزين و اشتري دماغك ... بلاش مصاريف و وجع دماغ علي الفاضي ... اشتري طلمبه البنزين جديده و امرك لله ;)
شوفوا اخر الاخبار : اشتريت موتور المانى فقط ب 200 جنيه جديد نوفى
الكهربائى فك الطلمبه و شال القديم و حط الجديد مكانه و ركب الفيش
و العوامه و الفلتر القديم بعد غسله .. و سقّط الطلمبه فى التانك
و دّور يابيه .. ما فيش مشاكل ..بعد ذلك اشتريت رشاشات هونداى اكسنت
و تنفع الانترا ( يعنى بتوع مواتير 1600 ) .. ما فيش مشاكل
سبتها دايره اشى تلات ساعات ع الواقف .. ثم تست درايف .. كله جميل
النهارده بقى لها تلات ايام شغل ، الحمد لله كله تمام ، الفلوس اللى وفرتها فى شراء طلمبه ( حوالى 650 جنيه ) زودت عليها 150 و جبت بيهم
رشاشات جديده ..ايه رايكو بقى؟
خلاص موضوع طلمبة البنزين
بعد اذن حضرتك يا أ/ مدحت تقولنا جبت موتور الطلمبة منين
سؤال اساتذه يا استاذ حسام .. فعلا الحاج سيد دور لى عليه يومين عند
جميع اصدقاؤه بتوع قطع الغيار لحد ما جابهولى الله يكرمه
و الحاج سيد الصياد هو اصلا ميكانيكى قديم خطير و كان فى البحرين صاحب جراج كبير و هو
صاحب محل " الصياد " الذى يقع فى 22 ش احمد الزيات اللى فيه مرور الجيزه .. المحل بتاعه
على الشمال بعد ما تخش الشارع ب 100 متر وهو سوبر جنتل مان و عارف اصول كل شىء
و يبيع كل ما هو دايو و اسكودا
شكرا لرد حضرتك
العفو استاذ حسام .. خيرك سابق