عربيتى تحولت لشواية او عربية بطاطة

**max_ziro** · 04-12-2010 03:22 PM

عشنا و شوفنا لما ييجى واحد بتاع كاروو بحمارين ييجى يتريق عليا و يقولى يلا يا عم بعربية البطاطة الى انت راكبها ...؟؟؟؟
ما علينا الله يسامحة

الى حصل معايا كا التالى

ركنت بليل و العربية ميت فل و عشرة و مكيفانى و انا مدلعها و الدنيا زى الفل

نازل الصبح مستعجل
و دور يا عم مفيش يا عم دور ولا الهوا يا عم حاول ولا عايزة تنطق
المهم من هنا لهنا عرفت انها مفيهاش بنزين و العداد معلق
الحمد لله مش مشكلة
هات بنزين يابنى
و راح الولا يجيب بنزين
و حطينا البنزين
و دور يا عم
و اذا ب العربية متلتة
و دخااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااان ابيض كتييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييررررررر رررر
اكتر مما ممكن اى حد يتخيلة فى الحياة لدرجة ان الجراش كلة بقى شبورة و الى جالى عارف الجراش عندى عامل ازاى

المهم طبعا مروحتش فى حتة
و طلعت شنطة العدة و هاتك يا فك
رشاشات
بباين
بوجيهات
و سلك البوجيهات و كل دة سليم
الحمد لله
يبقى نعمل الخطة التانية
فكيت كتاوت البزين و دور على الفاضى يا عم و الماتور فاضى يا عم و ورينا فى اية جوة
و افاجء بكمية بنزين بشعة طالعة من البساتم مش محروقة
طبعا استنيت لم المكان نشف و قعدت انشف البنزين
و فضيت البساتم من البنزين الزيادة و نضفت الرشاشات على خفيف كدة و ركبتها و بدلت البباين و بدلت سلك البوجيهات قولت يمكن العيب منهم
و قول بسم الله و دور و هب
ولا الهوا ولا كأنى عملت الى حاجة خاااااااااااااااااااااااا اااالص بردو متلتة و دخااااااااااااااااااااااا اااااااااااااااااااان

المهم رحت طالع بيها بدخانها و رحت حطيت 10 لتر بنزين لما نشوف اخرتها اية
المهم عديت على الميكانيكى طبعا حبة تريقة و قالى دة فيها ميقلش عن لتر زيت فى البنزين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
و كل الى انت عملتة دة ملوش اى فايدة و هى هتسلك لوحدها

روحت خابط بيها مشوار لاسماعيلية بدخانى و حركاتى و كنت فى نص هدومى طبعا و محرج من الناس الغلابانة الى حواليا
و الحمد لله ابتدت تسلك و الدخان راح بس لسة متلتة زى ما هيا
و ادعولى تتظبط عشان انا خلاص مش عارف اعمل اية ....

**MASERATI** · 04-12-2010 03:48 PM

المشاركة الأصلية كتبت بواسطة max_ziro

عشنا و شوفنا لما ييجى واحد بتاع كاروو بحمارين ييجى يتريق عليا و يقولى يلا يا عم بعربية البطاطة الى انت راكبها ...؟؟؟؟
ما علينا الله يسامحة

الى حصل معايا كا التالى...................................... ..................

السلام عليكم و رحمة الله و بركاته

أنا بس كان عندى سؤال بسيط جدا :

هى ماركة العربية بتاعت سيادتك -اللى حصل فيها كل الكلام ده- ايه يا باشا؟؟؟

أصل أنا شايف عربيتين , و مش لاقى و لا واحدة منهم ينطبق عليها الكلام ده بصراحة و لا الاسبرانزا و لا السيفيا .

مازيراتى كواتروبورتيه

**m_elkhishin** · 04-12-2010 04:04 PM

المشاركة الأصلية كتبت بواسطة maserati

السلام عليكم و رحمة الله و بركاته

أنا بس كان عندى سؤال بسيط جدا :

هى ماركة العربية بتاعت سيادتك -اللى حصل فيها كل الكلام ده- ايه يا باشا؟؟؟

أصل أنا شايف عربيتين , و مش لاقى و لا واحدة منهم ينطبق عليها الكلام ده بصراحة و لا الاسبرانزا و لا السيفيا .

مازيراتى كواتروبورتيه

في محطات كتييير قوي بتغش البنزين بسولار، و في الحالة دي الموقف ده ممكن يحصل حتى لو راكب مرسيدس اس مش كيا ولا اسبيرانزا.

**ahit** · 04-12-2010 04:45 PM

في محطات كتييير قوي بتغش البنزين بسولار، و في الحالة دي الموقف ده ممكن يحصل حتى لو راكب مرسيدس اس مش كيا ولا اسبيرانزا.

بس السولار أغلى من البنزين 80 اللى المفروض يغشو بيه ال البنزسن 90

لكن الغريب .. إيه اللى جاب الزيت فى البنزين ؟؟؟!!!

**sakr122** · 04-12-2010 05:10 PM

ايه يا ماكس كل الدخان ده
دانا مش شايفك خالص من كتر الدخان يا راجل

طب يا ترى ايه الاخبار دلوقتي وتفتكر ايه السبب في كل ده

يا ريت تطمنا

**retaliation** · 04-12-2010 09:26 PM

أن شاء الله تتظبط و ترجع زى الأول لكن أعذرنى بما أنك بسم الله ماشاء الله موسوعتنا عندى أستفسار صغير أمبارح و أنا راجع العربه كانت بتعمل حاجات غريبه أبقى ماشى على الأول و الدنيا زحمه أحس أن العربيه هتفصل و ترجع تانى و كان شكلى وحش أنا قلت أنى كبرت على الكلام ده مش عارف ده من أيه مع العلم أنى كنت شايف على قطاش البطاريه السالب حاجات بيضه قلت ده مملح

**max_ziro** · 05-12-2010 02:39 AM

المشاركة الأصلية كتبت بواسطة retaliation

أن شاء الله تتظبط و ترجع زى الأول لكن أعذرنى بما أنك بسم الله ماشاء الله موسوعتنا عندى أستفسار صغير أمبارح و أنا راجع العربه كانت بتعمل حاجات غريبه أبقى ماشى على الأول و الدنيا زحمه أحس أن العربيه هتفصل و ترجع تانى و كان شكلى وحش

أنا قلت أنى كبرت على الكلام ده مش عارف ده من أيه مع العلم أنى كنت شايف على قطاش البطاريه السالب حاجات بيضه قلت ده مملح

رينا يخليك ياباشا

قعلا الى عامل السبب دة هتلاقى ضعف التوصيل بتاع الكهربا من البطارية بسبب الملح
و الحل
مية مغلية على القطاش و بعد ما تنشف حبة wd40
و بعون الله كدة يكون مية مية ..

**max_ziro** · 05-12-2010 02:42 AM

الحمد لله بعد ما الدخان راح و كل المؤثرات ناتج الزيت راحت

فضلت ادعبس و ادعبس و ادعبس لحد ما وصلت ان السبب هو الرشاشات و بعون الله جارى تغييرهم عشان ارتاح ..
ادعولى ونبى مش عارف افرح بخطوبة اختى الى كمان يومين و مش عارف اتحرك ولا عارف اعمل اى حاجة
ادعولى الدنيا تتظبط ..

-

الموضوع: عربيتى تحولت لشواية او عربية بطاطة

LinkBack

أدوات الموضوع

عرض

عربيتى تحولت لشواية او عربية بطاطة - انشر الموضوع فى :

-

-

-

-

-

-

المواضيع المتشابهه

انا بيعت عربيتى الانوس وعاوز عربية بى واى دى

نا بيعت عربيتى الانوس وعاوز اشترى عربية جين 2

عايزة أبيع عربيتى اللانسر 1300 و أجيب عربية صغيرة

الكلمات الدلالية لهذا الموضوع

المفضلات

المفضلات

ضوابط المشاركة