ياجماعة ازاى اعرف انى لازم اغير طنابير الأفيو؟
يعنى ازاى اعرف انها جابت الأخر ولازم تتغير؟؟
وسؤال كمان
ايه احسن تيل ممكن اجيبه
انا دورت على النوع صن شاين
ومش لاقيه
لأن فى اعضاء بتشكر فيه جامد
شكرا
عرض للطباعة
ياجماعة ازاى اعرف انى لازم اغير طنابير الأفيو؟
يعنى ازاى اعرف انها جابت الأخر ولازم تتغير؟؟
وسؤال كمان
ايه احسن تيل ممكن اجيبه
انا دورت على النوع صن شاين
ومش لاقيه
لأن فى اعضاء بتشكر فيه جامد
شكرا
تعرف إن الطنابير وحشه فى حالتين :
1. إنك لما تيجى تدوس فرامل جامد شويه بتحس إن في العربيه رعشه جامده .
2. لما تشوف بعينك أو تحس بإيدك إن الطانبوره فيها ريجه ( عالى وواطى ) ... لازم يكون سطحها أملس علشان تعمل بكفاءه .
وبالنسبه لتيل الفرامل :
إنا إستعملت فى الهيونداى أنواع كتير لغاية ما بوظولى الطنابير وغيرتهم ، ده غير صوت التصفير بتاعهم حتى وهم لسه جداد ، وجبت من التوكيل التيل الأصلى وطلع هو المضمون 100 % ، بس للأسف مش عارف إسمه إيه بالظبط .
اعتقد اسمهم بريمبو..عموما الطنابير الاصلية موجودة في السوق
المشاركات السابقة مضبوطة ازيد عليها ضعف فى استجابة الفرامل
التيل بيتاكل بسرعة و فية شفة فى الطنابير
عن الطنابير و التيل انا افضل الاصلى من الوكيل
و لكن لو عايز نوع كويس و محترم و ارخص من الاصلى
الرمسا بس اشترية من حد مضمون و تأكد انهم الاصلى لان فية منة مضروب
التيل امامى فى حدود 150 ج و الخلفى 140 ج
و الطنابير الزوج امامى فى حدود 350 ج
و بالتوفيق فى القرار الصحيح
شكرا استاذ ايمن
فعلا العربية لما اجى بدوس فرامل فيه صوت خشونة قوى بيجى كده
وكمان فيه شفه
طيب سعر الأصلى كام فى التوكيل؟؟وبره التوكيل كام؟؟ ومنين اجيبها؟؟؟؟؟
بالنتسبة للاسعار داخل التوكيل فى حدود 750 ج للاثنين ( يجب تغير الاثنين مع بعض ما ينفعش تغير واحدة بس)
بس تاكد من السعر عن طريق
رقم خدمة عملاء منصور المختصر 16424
لان الزهايمر ممكن يشتغل معاية :-)
اما عن خارج منصور لقطع اصلية لا انصحك لان اغلب قطع الغيار عند التجار مضروبة و صعب انصحك بحد محترم
فلو هاتجيب اصلي خليك فى منصور
خلى بالك الفرامل و ملحقتها تساوى حياة اشخاص فلا تسترخص فى الحاجات دى
بالتوفيق فى القرار السليم
الطنابير بتتلف لما:
تخانها تقل عن الحد الادنى المقرر
لما تدور فرامل تشعر بغربلة فى الدكسيون
لو لقيت شروخ او حفر او عالى وواطى خلال النظر بالعين المجردة
معلومة: طنابير الافيو هى هى طنابير اللانوس
يفضل تستعمل التيل الاصلى
MMamdouh
طيب استاذ ممدوح اجيب منين طنابير اصليه؟
وكمان تيل اصلى؟؟ واسمه ايه؟؟
اصل فى ناس بتشتكى من اللى منصور بيبيعه؟؟
وسؤال اخير ايه راى حضرتك فى الناس اللى بتحرط الطنابير؟
الطنابير الاصلية موجودة عند ابو الحسن فى شارع المرور بس اعتقد انها غالية جدا... الطقم ب 450 او حاجة كدة
حتلاقيه عند ابو الحسن برضة و هو بيبقى GMاقتباس:
وكمان تيل اصلى؟؟ واسمه ايه؟؟
هو منصور اللى بيصنعة؟... مهو مستورد زى كل باقى قطع الغيار... عموما لو انت مش مستريح لية ممكن تجرب التيل الجولد... بس التيل بتاع الافيو مش زى بتاع اللانوساقتباس:
اصل فى ناس بتشتكى من اللى منصور بيبيعه؟؟
اى كلام فاضى... الطمبورة لو تلفت لاى سبب لازم تتغيراقتباس:
وسؤال اخير ايه راى حضرتك فى الناس اللى بتحرط الطنابير؟
MMamdouh
شكرا استاذ ممدوح
طيب ايه رأيك فى الطنابير رامسا الأسبانى
انا سمعت انها كويسه بردو؟؟بس اجيبها منين الأصلى؟؟
عشان فى منها مضروب؟؟
واجيب منين التيل الجولد؟
شكرا
ياجماعة انا لفيت النهارده على الطنابير الأصلى
بس مش لقيتها خالص
والرمسا كمان مش موجوده؟؟
فيه نوع كورى مشهور والراجل بتاع التوفيقيه اللى عنده النوع ده بيشكر فيه قوى
اعمل ايه؟
انا تجربتى مع الريمسا تنحصر فى التيل فقط و حتى الان شغال تمام و حسب كلام الزملاء بتوع اوبل فا منتجات الشركة دى محترمة بالتالى بناء على توصيات الزملاء و سمعة الشركة اعتقد حتبقى الطنابير الريمسا كويسة
من ناحية تجيبها منين دى المشكلة... حاول تستغل التطابق بين الافيو و اللانوس و الكورسا فى الحتة دى... مقاسات طنابيرك زى اللانوس بالضبط و انا كنت عملت بحث عن المقابل ليها فى الاوبل uلعى سايت بريمبو و طلعت الكورسا B ال1200 سى سى
انا راجعت تانى على الموضوع دة فى سايت ريمسا و فعلا الطنابير متطابقة و الرقم بتاعها 6061.10 ... دور عند بتوع الاوبل على طنابير الكورسا اللى بالرقم دة
ابو الحسن - شارع المرور - بين السراياتاقتباس:
واجيب منين التيل الجولد؟
MMamdouh
زى ما قلت لحضرتك فى اول الموضوع انا حاطط رمسا تيل و طنابير فى الاوبترا و ممتازة
هاتلاقيها فين ى شارع دمشق مصر الجديدة بس هاتلف عليها شوية و فية محل امام البنزينة ان شاء الله تلاقى عندة هاحاول افتكرليك اسمة
اما الاصلى فلا تشترية الا من منصورمباشرة لا تشترى من محلات قطع الغيار
و بالتوفيقفى القرار
طيب انا كده لازم انزل شارع دمشق
بس يااستاذ ايمن افتكرلى بعد اذنك اسم المحل وياريت رقم تليفونة
شكرا
التيل الجولد كويس جدا راكب عندى فى الافيو
ماريو باشا شكرا والله
انا اللى كلمتك على الحرفيين فاكرنى؟؟
انا فعلا جبت الجولد
بس مش عارف اجيب منين الطنابير الرمسا الأصلى؟
انا مش ناسي موضوع عنوان المحل
فاعزرنى على تاخرى
بس انا خلال اليومين دول فى الويك اند هنزل لحضرتك مخصوص شارع دمشق واجيب لحضرتك العنوان و التليفون
فعزرا لتاخرى لان عندى مشكلة فى ارقام التليفونات على الموبايل من العيد فكلة طار طار طار :-)
على العموم لا يستحسن تركيب التيل الجديد على الطنابير الجديدة
فمعلش استحمل شوية و سوق بالراحة و ان شاء الله خير
تقبل تحياتى و اسفى
انا ذهبت بالفعل ولا يوجد طنابير رمسا للافيو
بس معلش ماعرفتش اركن علشان اسأل فى اكثر من محل
للاسف مش موجود
الى عندة كوري 270 ج الزوج( لا استطيع الافادة لعدم تجربتى لة )
الاصلى 530 ج الزوج ( ولا استطيع تاكيد اذا كان اصلى ام مضروب )
الرمسا للدايو 320 ج للزوج ( البياع بيقول بيركب بس صباع واحد مش اثنين فلا افضل تعيل )
يعنى الموضوع يا جميل انك لازم تروح و تلف شوية حلوين علشان توصل للى انت عايزة و شارع دمشق مش كبير اوى :-)
بالتوفيق فى القرار السليم
استاذ ايمن متشكر جدا جدا لتعب حضرتك
بس فعلا يا استاذ ممدوح مش هى هى لأنى فى فرق بتاعة الأفيو بتكون خرمين و اللانوس بتكون خرم واحد مش خرمين زى بتوع الانوس(كده هو ده كلام البياعين))
طيب الحل اعمل ايه وكمتن اخوان مقار ماعندهومش الأصلى
انتو شايفين ايه؟؟؟
اجيب الكورى؟؟؟ لآنى بصراحو مش بحب التعديل
يا باشا مفيش الكلام دة خالص... انا واخد طقم طنابير لانوس لزميل فى الشغل معاه افيو و شغال بيهم حتى الان و عملت مقارنة للمقاسات بينهم و انا واقف فى المحل قبل ما اطلع من جيبى جنية واحد
قصة خرم و خرمين دى اى هجس لان مفيش اى فرق فى الاخرام... هما 4 اخرام للمسامير بتاعت العجل و خرم لمسمار التثبيت و شكرا... لو الطنبورة فيها مسامير اكتر من كدة ولا تفرق اى حاجة طالما المقاسات واحدة و المساكير الاساسية فى نفس الاماكن
MMamdouh
طيب فيه طنابير رامسا للانوس؟؟؟
منين؟
و بكام؟؟؟
ياجماعه انا عندى رعشه فى دركسيون الافيو على السرعات مابين 30 فيما فوق
رحت رصصت وبرضه نفس المشكله وغيرت الكاوتش الامامى
بحس بيها فى السرعات الضعيفه بس واما باجى اخد ملف
ايه السبب
انا عربيتى افيو2007
وجزاكم الله كل خير
ياجماعة ايه رايكم انى انزل الحرفيين واجيب طقم طنابير استيراد من هناك؟؟؟
اصل مفيش منها فى التوكيل ولا عند ابو الحسن
???????????????????????????????????
حبيب قلبى
مافيش داعى للطنابير مستعمل
و انا قلت ليك هاتلاقى فى شارع دمشق و قلت ليك على الاسعار
و الباشمهندس محمود قال تركب
ربنا يوفقك للصح
و بالتوفيق