الى خبراء الدايو

**rasboten** · 04-12-2010 05:42 PM

انا عندى مشكلتين فى العربيه النوبيرا بتاعتى
الاولى انى اما اجى افول كل ما يحط مسدس البنزين على اى سرعه وفى اى بنزينه يعمل تكككك اللى هى معناها ان العربيه اتفولت وطبعا بيطلع عينى على ما اخلص ال40 او ال 50 لتر اللى عاوز احطهم.
التانيه ايه اللى ممكن اعمله عشان اعلى العربيه شويه لان علبه الشكمان اتهرت خبط من المطبات والواحد اتخنق من الموضوع ده.
وجزاكم الله كل خير.

**Ahmed Nasser** · 04-12-2010 10:01 PM

المشكلة الثانية حلها انك تاخد امطب على بزاوية 45
وفى حاجة بتيجى بتطحط فى المساعدين اللى ورا بتعلى العربية وانا مش مقتنع بها

**rasboten** · 05-12-2010 11:43 AM

المشاركة الأصلية كتبت بواسطة a333

المشكلة الثانية حلها انك تاخد امطب على بزاوية 45
وفى حاجة بتيجى بتطحط فى المساعدين اللى ورا بتعلى العربية وانا مش مقتنع بها

الف شكر يا باشا وارجو المساعده من خبراء المنتدى المنتدى

**rasboten** · 05-12-2010 05:06 PM

ممدوح باشا والشامى باشا انا منتظر المساعده

**M.Alaa92** · 06-12-2010 01:08 AM

افضل حل تاخد المطب بزاوية 45 زى a33 ماقال لان العلايات بتاثر على ثبات العربية عن طريق الاخلال بايروديناميكية السيارة مما قد يجعل السيارة اكثر عرضة للانقلاب من مثلاتيها من دون علايات

**rasboten** · 06-12-2010 07:18 AM

المشاركة الأصلية كتبت بواسطة elzl_mido

افضل حل تاخد المطب بزاوية 45 زى a33 ماقال لان العلايات بتاثر على ثبات العربية عن طريق الاخلال بايروديناميكية السيارة مما قد يجعل السيارة اكثر عرضة للانقلاب من مثلاتيها من دون علايات

باشا كتر الف خيرك بس انا الخبط عندى فى علبه الشكمان مش فى جسم العربيه من تحت وكمان مشكله التفويل دى هتجننى

**احمد المصرى** · 06-12-2010 08:36 AM

المشكله الاولى هيا ان الظور بتاع العربيه ال هو الوصله ال بين فتحه البنزين لحد التنك ودى عباره عن وصله بلاستيك ممكن نعتبرها خرطوم مثلا ..... الوصله دى انكسرت عندى مره من عامل البنزينه ورحت غيرتها فى التوكيل ب 185 جنيه وركبوها بالمقلوب وكانت بتعمل نفس المشكله ال عندك علشان التنك فيه هواء وانت بتحط بنوين المفروض يكون فى مكان لخروج الهواء المكان دا بيكون مقفول

حل الموضوع انك تركب الوصله دى صح وحلها بسيط جدا مش صعبه يعنى ولو عايز تتاكد من كلامى هتفتح غطاء التانك هتلاقى خرم صغيره كدا شوف الخرم دا عندك فى اى اتجاه وافتج اى عربيه تانيه وشوف خرمها فين

دى تجربتى ال حصلت معايا شخصيا وممكن يكون نفس مشكلتك وممكن يكون عندك سبب اخر بس انا حبيت انقل تجربتى ممكن تساعدك

**MMamdouh** · 06-12-2010 10:56 AM

الحقيقة المشكلة الاولى معدتش عليا خالص

المشكلة التانية ممكن تكون نتيجة ضعف السوست الخلفية عندك... هل العربية و هى فاضي بيبقى ارتفاعها عن الارض اقل من اى نوبيرا تانية؟؟

لو الجابة نعم يبقى السوست عايزة تتغير... لو الاجابة لا ممكن تكون المساعدين ضعيفة و العربية بتهبط جامد مع النزول من عىل المطب و دة اللى بيسبب الخبط

MMamdouh