عندي مشكلة في فتيس الالنترا 2008 (نتشة)

**mazenbasha** · 04-12-2010 06:29 PM

ارجوا المساعدة
انا اشتريت النترا 2008 اوتوماتيك وكانت زي الفل المهم قلت اخد العربية اغيرلها زيت ماتور وفتيس وبوجيهات علشان امشي مطمن.
المهم بعد مغيرت الحاجات دي والميكانيكي غسلي العربية والموتور بالجاز بعدها بيوم كده لقيت العربية بتعمل نتشه عند 40 و 60 كيلو ونتشه رخمة بابلذات اللي عند 40 والسنتر بيهيس وكمان الفانوس اليمين معدش بيشتغل الا على العالي
المهم اللي شاغلني الفتيس فرحت مركز معتمد في المنصورة غيرولي زيت الفتيس وظبطم مستوا ه بس المشكلة لسة موجودة وكشفم كمبيوتر لاقوه تمام مفيش errors فقالولي كده الكمبيوتر ممكن يكون فيه مشكلة فقلت اروح غبور احسن في ابو رواش
المهم حجزت ورحت وكشف عليها المهندس فقالي دي مشكلة كمبيوتر المهم جرب واحد جديد وقاللي المشكلة موجوده بس اقل من الاول فممكن يكون كمان الفالف يكون فيه مشكلة بس هاتل العربية وتسيبها يومين او اكتر علشان نفحصها كويس
انا معجبنيش الكلام خصوصا انه بيقول الكمبيوتر ب 9 الاف والفالف ب 7 الاف وكمان برة الضمان علشان العربية معدية ال 60000 كيلو فرحت للمدير فقالي هحاول اجيبلك خصم بس تعالى من يوم الاحد للاتنين علشان بيكون المهندسين المتخصصين موجودين.
وانا من ساعتها بصراحة حزين جداا العربية مكملتش معايا 3 اسابيع و ده حرام ادفع ده كله فقلت انا همشي بالعربية شوية يمكن تظبط خصوصا انه كان شك في التوكيل في البوجيهات وغيرها و بعدها انا حسيت ان سحب العربية قل وبدات النتشه تخف بس برده خايف امشي بالعربية تضيعلي الفتيس كله وتبقى كارثة فيارييت اصحاب الخبرة ينصحوني و هل ينفع اغير الكميوتر ده بره التوكيل و هيكون بكام.

**Hacker5** · 04-12-2010 08:20 PM

ان شاء الله ماتكونش مشكلة كمبيوتر او فالف
ممكن يكون عيب موبينة او سلوك البوجيهات عايزة تتغير

طب حضرتك غيرت زيت الموتور بس ولا الزيت و الفلتر ؟
اصل حضرتك لو غيرت زيت بس من غير فلتر يبقى ممكن الميكانيكى حط الاربعة لتر كلهم و طبعا الزيت الزيادة طلع على البوجيهات و بوظهم اصلها حصلت قبل كدة معايا فى الدايو من ميكانيكى متخلف و كانت العربية بتنتش بطريقة غبية

حضرتك كدة تبص على مقياس الزيت و تشوف المستوى
و تفحص البوجيهات و سلوك البوجيهات و الموبينة هما 4 كل بوجيه عليه موبينة
و الله اعلى و اعلم

**tarekabosdera** · 04-12-2010 08:24 PM

لا حول ولا قوة الا بالله

ايه نوع الزيت بتاع الجير بوكس اللي حطهولك ؟ وكان بكام وكام لتر ؟

ممكن يكون الميكانيكي حط زيت نش مناسب

**mazenbasha** · 05-12-2010 12:17 AM

المشاركة الأصلية كتبت بواسطة hacker5

ان شاء الله ماتكونش مشكلة كمبيوتر او فالف
ممكن يكون عيب موبينة او سلوك البوجيهات عايزة تتغير

طب حضرتك غيرت زيت الموتور بس ولا الزيت و الفلتر ؟
اصل حضرتك لو غيرت زيت بس من غير فلتر يبقى ممكن الميكانيكى حط الاربعة لتر كلهم و طبعا الزيت الزيادة طلع على البوجيهات و بوظهم اصلها حصلت قبل كدة معايا فى الدايو من ميكانيكى متخلف و كانت العربية بتنتش بطريقة غبية

حضرتك كدة تبص على مقياس الزيت و تشوف المستوى
و تفحص البوجيهات و سلوك البوجيهات و الموبينة هما 4 كل بوجيه عليه موبينة
و الله اعلى و اعلم

بص ياباشا انا مغيرتش الفلتر تقريبا ملقيتوش وتقريبا الميكانيكي حطللي 3.5 لتر وغيرلي البوجيهات وفي غبور شكم في البوجيهات وغيروها بس برده المشكلة لسه موجوده بس العربية سحبها بقى اسرع بس انت قصدك كده ان المشكلة في الموتور ولا اييه وايه اللي انت شايف اعمله وشكرا لردك.

المشاركة الأصلية كتبت بواسطة tarekabosdera

لا حول ولا قوة الا بالله وشكرا لردك

ايه نوع الزيت بتاع الجير بوكس اللي حطهولك ؟ وكان بكام وكام لتر ؟

ممكن يكون الميكانيكي حط زيت نش مناسب

لا انا اللي اشترييت الزيت وهو موبيل 1 واللتر كان ب 30 جنيه

**tarekabosdera** · 05-12-2010 12:56 AM

المشاركة الأصلية كتبت بواسطة mazenbasha

بص ياباشا انا مغيرتش الفلتر تقريبا ملقيتوش وتقريبا الميكانيكي حطللي 3.5 لتر وغيرلي البوجيهات وفي غبور شكم في البوجيهات وغيروها بس برده المشكلة لسه موجوده بس العربية سحبها بقى اسرع بس انت قصدك كده ان المشكلة في الموتور ولا اييه وايه اللي انت شايف اعمله وشكرا لردك.

لا انا اللي اشترييت الزيت وهو موبيل 1 واللتر كان ب 30 جنيه

بس مين قال ان موبيل ون ينفع يتحط في الجير بوكس ؟

ده المفترض زيت محركات

**mazenbasha** · 05-12-2010 01:43 AM

المشاركة الأصلية كتبت بواسطة tarekabosdera

بس مين قال ان موبيل ون ينفع يتحط في الجير بوكس ؟

ده المفترض زيت محركات

هو واحد صاحبي بيحطه لعربيته وزيت الموتور غير زيت الجير بوكس وشغال معاه كويس وانا برده غيرته في مركز معتمد بزيت توتال بس برده المشكله لسة

**samihanwar** · 05-12-2010 04:46 PM

الشكل العام كده يا ريس دى اعراض موبينه قطعت
وبالنسبه للخبطه اللى حصلت معاك دى من علبه الفيوزات اللى جنب الموتور وشيك على كابلات الفانوس
ونصيحه بلاش تغسل الموتور ولا تيجى جنبو خالص واخرك تنضفو بالبلاور
ويارب تكون حاجه بسيطه
وتقبل مرورى

**mazenbasha** · 06-12-2010 01:32 PM

انا بحس ان الغياريين اللي عند 40و60 كيلو فيهم المشكلة يعني زي المانيوال لو غيرت لل 5 وانت عل سرعة قليلة اللي بيحصل ان rpm عدد لفاته بتقل وتحس بنتشة فده نفس اللي بيحصل معايا
فيارييت لو حد عنده تفسيير ؟

**Hacker5** · 07-12-2010 12:20 AM

قصدك الفتيس بيفوت نقلات ؟

**mazenbasha** · 07-12-2010 02:27 PM

المشاركة الأصلية كتبت بواسطة hacker5

حضرتك كدة تبص على مقياس الزيت و تشوف المستوى
و تفحص البوجيهات و سلوك البوجيهات و الموبينة هما 4 كل بوجيه عليه موبينة
و الله اعلى و اعلم

تقصد مقياس زيت الموتور ولا الفتيس ؟

المشاركة الأصلية كتبت بواسطة tarekabosdera

بس مين قال ان موبيل ون ينفع يتحط في الجير بوكس ؟

ده المفترض زيت محركات

انا حطيت موبيل بتاع الجير بوكس

المشاركة الأصلية كتبت بواسطة hacker5

قصدك الفتيس بيفوت نقلات ؟

لا قصدي انه بيدي غيار عالي بدري عن السرعة اللي المفروض ينقل عليها

الموضوع: عندي مشكلة في فتيس الالنترا 2008 (نتشة)

LinkBack

أدوات الموضوع

عرض

-

-

-

-

المواضيع المتشابهه

نتشة فى فتيس لانوس 2 اوتوماتيك

عندي مشكلة في الالنترا 2009 بتعوم

مشكلة فى فتيس الالنترا 2012

مشكلة في فتيس التيجو عندي

هل هناك نتشة فى فتيس الفلوانس

الكلمات الدلالية لهذا الموضوع

المفضلات

المفضلات

ضوابط المشاركة