يوم الجمعة إللي فات قضيت day use في مارينا الحرفيين..ونزلت اتمشى اعمل shopping في شارع قطع الغيار واخد فكرة على حاجات ميجي وسباركي (ميجان وسبارك)..وأنا بالف (الفُ لفا مش بالف كاوتش) لقيت واحد عنده عربية سبارك نصفين استيراد..قعدت الف حوالين النصفين ادرس الاختلافات بينهما وبين سباركي..المهم لقيت فوجات ولقيت سبيولر وغمازات على الرفارف والاهم لقيت طارة بالآيرباج والكمبيوتر بتاعها!!!! قلت قشطة أنا اشوف الراجل يبيع لي الحاجات دي بكام على يعضها كدا..وسألته وكان الرد المفاجاة!!!!! الراجل بيبع النص على بعضة!!!! يعني ايه؟؟؟ طيب النص الامامي هايتباع ازاي على بعضه؟؟؟؟ اي كلام والله...
المهم..عديت على كام واحد بتاع فيبر اسأل على تفصيل سبيولر سباركي. احسن سعر وصلت له 250 جنيه عند بسام..بس أنا نسيت اسأل السعر دا بالرش ولا من غير :majd(4): المهم أنا قابلت واحد حبيبي من المنتدى كان معاه واحد صاحبه معاه سبارك وقالي على معلومة مهمة جدا..قالي إن في واحد في دمشق عنده فوجات سبارك بالمفتاح بتاعها (اصلي طبعا) بـ150 جنيه..لما اقبض هابقى انزل اعمل shopping في دمشق (مصر الجديدة مش سوريا :-))))))))))