موضوع هاااااااام جداااا

**sokasoon** · 29-05-2007 12:49 PM

الموضوع لم يخصنى شخصيا ولاكن يخص ابن خالى

الموضوع انو حجز عربية عند موزع من الموزعين بدون ذكر اسماء وتم تحديد له موعد التسليم ولم يستلم فى الميعاد الى

الان لم يستلم

وكل يوم يتصل ويقولولو ربنا يسهل ولم يستلم حتى الان فات على ميعاد التسليم حوالى اسبوع

قرر انو يسحب الفلوس المقدم اللى دفعووو وفوجأ برد انه هيخصم منه مبلغ حوالى من 500 الى 1000 جنية

سأله لماذا قال هذا شرط جزائى المفروض انو لو استرد الفلوس قبل ميعاد التسليم يخصم منها

ولاكن ده فات وقت التسليم بأسبوع من حقه استلام المقدم كامل وبعدين مش كده وبس

ده مش هيستلم المقدم على طوول لا هيستلمووو بشيك مقدم خلال شهر

تنصحووووووو بأيه ويعمل ايه

وهل هذا الموضوع سارى لكل الموزعين وعلى كل الناس ولا ايه

**sokasoon** · 29-05-2007 01:24 PM

12عضوو :shock: :shock: دخل شاف الموضوع

وماحدش عارف معلومات عن الموضوع ده :?

**memo_hefnawy** · 29-05-2007 01:32 PM

إسمع يا عم سوكاسون :) ما أخذ بالقوة لا يرد إلا بالقوة و فى بلدنا هنا لازم توريهم العين الحمرا عشان تاخد حقك

1- فى حاجة ذى جمعية حماية المستهلك أنا مش فاكر الإسم أو البيانات بس كان معمول عنهم تقرير فى أهرام الجمعه من خوالى إسبوعين أو 3 فى ملحق السيارات (دى حاجة جديدة عشان السيارات بس)

2- بعد ما يكلمهم هايقولوا يعمل إيه و ممكن يساعدوه و يوجهوه

3- يعمل محضر

4- تقول إسم المنيل الموزع أو التاجر لأن ده مش تشهير دى حقايق و لازم نوعى الناس :arrow:

29-05-2007 02:35 PM

بص اللي اعرفة ان دلوقتي للاسف فيه نسبة كبيرة من المعارض بتلعب بموضوع دفعة جديه التعاقد ديه، واستغلالهم ليها بيبقي باكتر من هدف زي
1. انهم يضغطوا بيها علي العميل عشان ميرجعش في كلامه لما يلاقي اي حاجة مفاجئة مش عجباه زي انهم يذودا قيمة السيارة او قيمة جواب المرور او قيمة التامين وده في الغالب بيبقي في اخر لحظة عشان ميبقاش فيه فرصة للتفكير يا تستلم العربية وترتاح يا اما تسيب العربية وتخش في مهاترات للمطالبة بمبلغ جديه التعاقد او الحجز

2. بانهم يشغلو الفلوس لايام وقد تصل لاسابيع ومحدش يستهين بالمبالغ ديه اللي علي الاقل في اصغر معرض بتوفرلة سيوله بمقدار سعر عربية كامله كاش علي الاقل

3. النصب البين وده بيتعمل عن طريق انهم يقولوا للعميل ان البنك رفض تمويل السيارة وبالتالي علي العميل تحمل جزء من نفقات الاستعلام وده بيبقي في الغالب مبلغ يتراوح بين 200-500 جنية

انا انصحك اولا بانك تتكلم مع المعرض بشكل حازم وتعرفهم انك مش هتتساهل معاهم وهتصعد الموضوع قانونيا
ثانيا زميلنا بايو ممكن يتناقش مع مستشارنا القانوني وهو هيفيدك بالاجراءات القانونية المتبعة في مثل هذه الحالات بس الاصل ان ديه عمليه نصب ملتويه ولازم تتصدي ليها ولا يضيع حق وراءه مطالب

**sokasoon** · 29-05-2007 04:55 PM

انا هخليه يكلمهم وبشكل حازم يدولو موعد لتسليم السيارة ولو ماسلموش هتجه اتجاه

تانى خالص وهو انى اعمل محضر وليا اصحاب كتير يقدروو يخلصولى الموضوع ده فى القسم

بس الاول اروح معاه للمعرض واتكلم مع المدير الاول واشوف هيقوول ايه

29-05-2007 05:00 PM

ياريت يا باشا تدينا بيانات المعرض ده بما فيها تليفوناتة علما باني كنت اتعرضت لمشاكل مشابهة مع معرض الاخوه المتحدون وعرضتها مع ذكر اسم المعرض علي الناس في كونتكت للتحذير منه فياريت تقولنا علي المعرض ده واحنا ممكن نكسف اتصالاتنا بيهم وده هيزعجهم جامد جدا صدقني

**hazem_khidr** · 29-05-2007 06:23 PM

انت تروح تشوف اخر معاد امتي و اتكلم معاه اول مره كده بالذوق و يديلك معاد تروح فيه و يا ريت تروح في وقت زحمه و يكون فيه ناس كتير في الشارع و المعرض يعني فتره الضهر كده و لو ما استلمتش العربيه قوم اقف علي باب المعرض و زعق و هيص و اعمله فضيحه صدقني لما يشوفك بتعمل كده حيجبلك فلوسك في ثانيه علشان يخاف علي سمعته و تروح تعمل بلاغ في القسم و تجرجره ما تسيبش حقك علشان دا كده شكله نصااااااااااااااااااااااا ااااب