حملة التوكيلات ضد قطع الغيار المقلدة..والله برافو عليهم

توكيل ربنو عامل تخفيض 25% على المساعدين امامي أو خلفي ولما سالت المهندس خالد الزيني (فرنش موتورز) كان رأيه إن دا عرض عامله التوكيل لمحاربة المساعدين المضروبة في السوق..ولقيت إعلان على المنتدى لتويوتا تحت شعار الأصلي يعمر والتقليد يدمر، ولما عملت click على الإعلان لقيته مش مجرد إعلان..دي حملة عاملها تويوتا إجيبت ضد قطع الغيار المقلدة والمضروبة وما أكثرها (تابع اعلانات جوجل على المنتدى)..وكان فكري جروب وكيل فورد عمل إعلان عن سعر قطع غيار فورد وبصراحة ماطلعتش غالية زي ما الناس فاكرة..
وبما إننا في المنتدى ياما هاجمنا التوكيلات بكل ضراوة حينما يخطئون (وهذا حقنا) فإننا ايضا نشكرهم حينما يصيبون..بصراحة أنا اتقرفت خلاص من الحاجات المضروبة..دا في محلات متخصصة في المضروب دلوقتي..لأ وتلاقي مكتوب على المضروب إنه قطع غيار اصلية وصناعة فرنسية أو تركية..حسبي الله ونعم والوكيل..وطبعا ما بيضربش غير الانواع النضيفة..يعني بوجيهات بوش..تيل رمسا..طنابير بيرمبو..وهكذا

معلش هي "حسبي الله ونعم الوكيل" في واو زيادة في المشاركة السابقة...عموما التقليد دا بقى في كل حاجة..الواحد بقى مش عارف يشتري نضارة ولا ساعة ولا حتى موبايل..وكل شوية تلاقي في المنتدى إعلان عن ساعة ولا نضارة مقلدة..بس الصراحة الناس امينة بيقولوا هاي كوبي او كوبي اورجينال..بس بصراحة ماينفعش كدا..مش ماينفعش الإعلانات لكن ماينفعش تبقى كل حاجة تقليد ومزيفة