الموضوع: ممكن نعرف كل حاجه عن e200

على فكرة صورة الزلمكة مش طالعة عندي عملت رفرش كذا مره مافيش استجابة انا عارفها المهم انا بجد بشكر حضرتك جدا بجد اول مره الاقي معلومات مفيدة وبالشكل اللي كنت اتمناه قائمة سهله وتوصل المعلومة
بس w116 ابو شنب دا صاحبي في مصر هو اللي قايلي عاليه (قصدي انها تسميه شعبي بس ممكن تكون مش مشهوره بسبب ندرة العربييات دي مش عارف اذا كانت تسميه خليجي يمكن عشان منتشره هناك عشان مستوى الرفاهاية عندهم اعلى من عندنا طبعا )
بس بجد الديزل في الالماني مالوش حل حاجة خرافية
وتسلم ياباشا لاجاباتك الوافيه وزوقك العالي

العفو يا باشا هيا الW116 مش منتشرة لان و للاسف اتصنع منها حوال 400 الف بس و في الخليج و السعودية بيحبوا ال6.9 جدا جدا بس المرسيدس عموما اكتر في مصر و هما بيحبوا منو المواتير الكبيره فقط اما الصغيرة ملهاش قيمة عندهم لان المياه اغلي من البنزين هناك اما الديزل الماني تحفة عاما الماني جنس عملي جدا مش زي المصريين يعني مثلا المرسيدس الG-wagon عربيه 4X4 بتاعت صحرا و وحش في الصحرا بمعني الكلمه بس شكلها زي الزفت لان لما صنعوها عملوا عربيه عمليه اكتر من شكليه نفس الحكايه في الديزل مش بتسحب زي النبزين بس موفره و هما عملوها عشان تبقي موفره مش رياضيه بس دلوقتي الجديد بيخلوه بنفس اداء البنزين بس معظم المصريين للاسف اهم حاجة يبصوا عليها الشكل و انا ذكرت الموديلات المنتشرة في مصر لسه في موديلات لو حضرتك عايز تعرفهم قولي بس و انا اكتبهملك علي طول
دي صورة الG-Wagon

العفو يا جماعة

المشاركة الأصلية كتبت بواسطة mbhead

بص يا باشا دي ارقام الشاسيه للموديل كله يعني الزلمكه رقمها 124 و عشان يبقي الموديل معروف وعشان قطع الغيار و الرقم بيبقي مدقوق علي الشاسيه لان مش معقول يقولو 200 او 230 عشان في 200 كتير ف المصريين اخترعوا الاسماء زي الخنزيرة و الحاجات دي
و عاما 200 دي يعني رقم السعة بتاع المحرك يعني ال200 2000سي سي و ال230 2300سي سي و هكذا
و انا حقول لحضرتك قلي عرفوا من اسماء

دي w114/115 بيسموها الخنزيرة و ناس بيقولوا عليها الشمامه من سنه 68 ل76 عربيه محترمه جدا جدا و قعدت معاتا 40 سنه بعمره واحد و كانت اول عريبه ليا و انا بحبها جدا جدا و مبيعاتها كانت مليون 900 الف وحدة
متاحه من 2000سي سي ل 3000 سي سي و منها في منها انجكشن

و دي الw123 في ناس بتقول عليها تمساحة و معدله و عرجة و انا بفضل رقم الشاسيه و اكيد حضرتك عارفها لانها محبوبه جدا و جميله اووي من سنه76 ل85 و مبيعات العربيه 2.8 مليون وحدة و اعلي مبيعات في تاريخ الشركه الي الان
متاح من 2000 سي سي ل 3000 سي سي انجكشن و كرابيراتر و في منها فيه abs

دي الw124 و بيسموها الزلمكه و دي حضرتك عارفها
كل دول e-class و e اختصار ل ُexecutive
نشوف بقي الs-class و دي اختصار special و دي اعلي فئة في المرسيدس و اعلي تكنولوجيا و الافخم و الاكتر راحة و بتاعت الروساء و الامراء و المصفحة و الليموزين و الكلام دا

دي الw116 من 71 ل80 كانت اول اس كلاس رسميه و لاحظ ان فيها شبه من ال123 بس ادي اطول و اعرض و مواتير اكبر و افخم كان في منها موديل واحد كرابيراتير و الباقي انجكشن و اول عربيه اخترعوا فيها abs للاربع عجلات
متاحه ب محركات من 2800سي سي ل 6900 سي سي و شاسيه قصير و طويل يعني ال450se شاسيه قصير و ال450sel شاسيه طويل لان حرف l يعني long wheel base
و طبعا ال450sel 6.9 دي كانت اسطوره السبعينات السبب محركها الجبار 8 سلندر 6900 289 حصان من صفر ل 100 كم في 7.5 ثانيه و العفشه الهيدروليك اللي بتوطي العربيه بعد 100كم/س و الفرامل الabs كانت اسرع حتي من البورش ال911 في الوقت دا
الحمد لله انا ليا الشرف ان انا سوقتها مره و معايا دلوقتي 350se و انشاء في المستقبل 6.9

دي الw126 في ناس بيقولي عليها تمساحة و دي من 79 ل 90 و اكتر مبيعات في الاس كلاس الي الان و دي اول عربيه اخترعوا فيها الايرباج و فيها اوبشن كتير اوووووي اووووووووي اووووووووووي دي كان فيها كراسي كهربا بذاكره و كاسيت سي دي و عربيه عمليه و تحفه مش حيتعمل زيها دلوقتي
متاح بمحركات من 2800 سي سي ل 5600 سي سي شاسيه طويل و قصير

دي الw140 بيسموها الشبح من90 ل99 دي بردو جميله جدا جدا جدا جدا جدا و فيها اوبشن عالي اوي و عوامل امان عاليا جدا
متاح بمحركات من 2800سي سي ل6000سي سي شاسيه طويل و قصير

دي الw220 بيسموها الفياجرا بس الاسم دا في الخليج علي ما اظن المهم كانت من 99 ل 2006 اول عربيه فيا نظام الpre safe
و الاضاءة الled و طبعا زادت عومل الامان و كان فيها 10 ايرباج و العفشة ال(airmatic) و اوبشن بطريقة غريبه و في منها بيدور بالبصمه و قلي بتتفتح بكارت و مفتاحها مبيطلعش عليه نسخ
متاحه بمحركات من 2800 سي سي ل 6000.
كل الموديلات دي متوفره بمحركات ديزل و بنزين و مانيوال و اتوماتك و اولهم الخنزيره بس الاس من اول الشبح اتوماتك
ارجو اني اكون و ضحت لحضرتك نبذة عن موديلات الشركه العريقه و في موديلات لم اذكرها
و عايز اقول لحضرتك حاجة ان المرسيدس تختلف عن اي عربيه و عشان تعرف الفرق لازم تسوقها بنفسك و متستغربش انك تلاقي موديل قديم و مرغوب لان المرسيدس سابقا زمانها و اكيد حضرتك لاحظت من الكلام
و اسف علي الاطاله و ارجو اكون افادت حضرتك .......

شكرا على المعلومات وطريقة العرض- مجهود شيك ومميز- سؤال بقى هل فى معارض محترمه لبيع مرسيدس - وخصوصا الزلموكه- لان بصراحه لاحظت انتشار لعربيات مرسيدس معظمها مشغول - و نفسى الاقى مرسيدس محترمه فى حدود 90 الف مثلا

المشاركة الأصلية كتبت بواسطة hhoo

بص ياباشا فى حدود 90 ألف يعنى بتتكلم فى الزلمكه وده صعب إنك تلاقيها نضيفه بس موجوده
وعموماً تابع ملحق السيارات يوم الجمعه بيكون فيه حاجات كويسه وكان فى واحد عامل إعلان بس من فترة عن زلمكه مرفوعه
وفبريكه بره وجوه
ده رقمه كلمه بس عموماً الكلام ده من فترة بس مش هتخسر حاجه وربنا يوفقك 0224047889
ومش عارف ليه مفيش موبيل بس مش مهم كلمه يمكن ربنا يوفق بس يارب مايطلعش تاجر

طيب من خبرتك الزلموكه المحترمه او الجيده- تكون فى حدود كام ؟؟