ارجوكم ساعدوني في الاختيار logan or fsv

**midh91** · 04-12-2010 09:33 PM

بسم الله الرحمن الرحيم
انا هتجنن خلاص
كل واحد ليه رأي
اجيب لوجان فول اوبشن ولا FSV GL
انا بقالي اكتر من اسبوع مش بفارق النت بقارن بين العربيتين
بصراحة ال fsv اشيك بكتيررررر من جوه ومن برة بس قطع غيار مبالغ فيها وطبعا اكبر قلق هو انها صيني مع ان كل اللي معاهم بيشكروا فيها

اللوجان اكيد تبع رينو ودي نقطة رائعة بس تقفيلها مغربي ومش عاجبني فيه حاجات كتير منها
( مفاتيح الزجاج الكهربائي علي اليمين كأني مركبها عند صنايعي تعبان - الكلاكس دراع زي فيات 1300 - في ناس بتقول ان صوت المتور عالي والدركسيون فيه رجة )

انا نفسي حد بجد يقولي اشتري انهي فيهم

**nour_nrc** · 04-12-2010 10:58 PM

والله بدون تحيز

لوجان صفقة رابحة بكل المقايس

**Egyzizo** · 04-12-2010 11:25 PM

متشتريش لوجان طالما مش عاجباك ..

وبرضه ما تشتريش صينى .. ههههههه

ما تشوف حاجة تانية؟ :)

**midh91** · 04-12-2010 11:34 PM

المشاركة الأصلية كتبت بواسطة Egyzizo

متشتريش لوجان طالما مش عاجباك ..

وبرضه ما تشتريش صينى .. ههههههه

ما تشوف حاجة تانية؟ :)

دي فزورة عروستي ؟؟؟؟؟؟؟؟؟؟

**midh91** · 04-12-2010 11:38 PM

يا جماعة شكرا جزيلا لردودكم
انا عملت الموضوع في قسم اللوجان لأني عايز اسألكم هل العيوب المذكورة (صوت المحرك - الاتزان السئ بعد 120 - رجة الدركسيون ) موجودة فعلا ؟؟؟ وهل في عيوب تانية ؟؟؟؟
وهل السيارة ممكن الاعتماد عليها في مشاوير طويلة 6 اكتوبر حوالي 4 مرات اسبوعيا

عايز اعرف انطباعكم الكامل عن اللوجان وكمان توكيلها

**SHEHABON** · 05-12-2010 12:02 AM

هل بحثت يا أخي في المنتدى؟ أشك.

**midh91** · 05-12-2010 12:16 AM

المشاركة الأصلية كتبت بواسطة shehabon

هل بحثت يا أخي في المنتدى؟ أشك.

أكيد بحثت في المنتدي
بس اكيد مش هشوف كل المواضيع يعني شفت المواضيع المثبتة الخاصة باللوجان ولاحظت العيوب اللي انا كاتبها فوق موجودة ببعض المواضيع لأني ما ركبتش اللوجان قبل كده اصلا

**babanesma** · 05-12-2010 12:29 AM

مشكلة الصينى انه بالحظ يعنى ممكن عتلاقى كل واحد معاه عربية عنده عيب غير التانى
و ممكن تلاقى عربية مفيهاش ولا عيب

**i_Am_Legend** · 05-12-2010 12:36 AM

فيات بونتو كلاسيك ومات الكلام_روح بص عليها وصدقنى مش هاتعرف تنام من التفكير

**mxz911** · 05-12-2010 06:24 AM

بصراحه اللوجان حلوه جدا وانا ركبتها وسقتها كتير جدا جدا .. بس هيه فارقه عن العربيات التانيه مثلا بحس ان الدبرياش غريب شويه تحسه لزج كده ولازم دايما عشان تنقل تدوسه للاخر .. الدركسيون مش بحسه Full power فهو اتقل شويه .. كل ما اركب فيها بحس انى عالى اوى عن باقى العربيات العاديه اللى جنبى ..الثبات من رأى غايت 100 حلو بس متعديش ال 100 عشان متزعلش من ثباتها ..

الفتيس بتاعه بحسه بتاعه شاهين مثلا بس اخف شويه ...

باقى الاوبشن زى زرار الكلاكس بصراحه مكانه غلس اوى ومكان برضه زراير الازاز بس هيه مسأله تعود

لكن بص لباقى الاوبشن ووظائف الكمبيوتر والوسع الداخلى ( ده بقى رهيييييييييييييب ) ووسع الشنطه وارتفاع العربيه عن الارض لتفادى المطبات ...وفوق كل ده عربيه اوربى

بالنسبه للشكل اذواق لكن رأى تصميم اللوجان سئ للغايه ..وتصميم ال FSV احسن واشيك جدا

وانا معرفش حاجه عموما عن fsv بس بأمانه واللى ملاحظه انها بتنتشر بسرعه غريبه .

ربنا يوفقك

الموضوع: ارجوكم ساعدوني في الاختيار logan or fsv

LinkBack

أدوات الموضوع

عرض

-

-

-

-

المواضيع المتشابهه

ساعدوني فى الاختيار محتاررررررررر

ارجو المساعده في معرفه الفرق بين Logan basic - logan full option logan half option

ساعدوني فى الاختيار

ساعدوني فى الاختيار

لله يا محسنين ساعدوني في الاختيار

الكلمات الدلالية لهذا الموضوع

المفضلات

المفضلات

ضوابط المشاركة