انا اتصدمت في الأونو ومحتاج تفسير للي شفته !!!!

**elmoski** · 04-12-2010 09:57 PM

السلام عليكم.. انا كنت عامل اعلان من كام يوم كدة بطلب فيه عربية اونو 93 او 94 وكنت عمال ادور لحد ما لقيت واحدة كدة و نزلت ابص عليها... المهم العربية اللي شفتها تمام .. جه وقت الركوب عشان اجرب قيادة العربية وهنا لقيت المشكلة ..... (دواسات البرنزين و الفرامل و الدبرياج) جايين علي اليمين اوي بمعني ان الدبرياج مكان دواسة البنزين في العربيات العادية تخيلو بقي وبعد كدة الفرامل و بعد كدة دواسة البنزين (كويس انها مش بعد الفتيس) المهم لقيت نفسي اعد ملووووح علي الاخر وبجد نزلت من العربية وحمدت ربنا اني مجبتهاش ... السؤال هنا هل كل الاونو كدة ولو كل الاونو كدة ازاي الناس بتشكر فيها اوي كدة !!!!!!!!

**srm** · 04-12-2010 10:05 PM

الصراحه انا مركبتش اونو قبل كده.........لكون بشوف ناس

كتير سايقين العربيه عادى مش ملوويحن ...ممكن يكون العربيه اللى حضرتك شوفتها فيها حاجه

ممكن تشوف اونو غيرها لو لقيتها نفس النظام يبقى كلو كده

**yoko** · 04-12-2010 10:15 PM

كل الإيطالي كده حتى الفيراري الدواسات مرميه يمين شويه والكلم ده من أيام القرده لحد دلوقتي
لكن ظاهرة في الأونو زيادة شويه

**yoko** · 05-12-2010 03:16 AM

المشاركة الأصلية كتبت بواسطة ramyworm

هو انا معايا اونو ومش بحس فيها بكدة خالص يمكن عشان عربيتي ومتعود عليها بس انا سوقت بروتون و سويفت واسبيرانزا ولادا وماحستش باي فرق بينهم وبين عربيتي في الدواسات .
حتى لو الكلام اللي بيتقولوا صح بس مستحيل يكون الفرق ملحوظ للدرجة دي .

الي إتعود على الإيطالي مبيحسش بالموضوع ده لكن عايز تجيب فيات أونو وحطها جمب كورولا وشوف مكان الدواسات هتلاقي الدبرياج عندك مكان الفرامل عنده والفرامل عندك مكان البنزين عنده والبنزين في اليمين بس أنا بحب كده عشان يبقى فيه مكان كبير فاضي لرجلي الشمال

**slim_shika** · 05-12-2010 03:49 AM

بقالي 8 سنين بسوق ال132 وعمري ماخدت بالي, بس لما بركب أي عربية تاني بأحس بإختلاف...

أنا لسة مجمع دلوقتي. بس كانت مريحة إلى حد ما, مش لدرجة اللوحة برده.