بتركن عربيتك فين ؟

**tahaderaz** · 04-12-2010 10:25 PM

بتركن عربيتك فين ؟
الكثير منا يواجه هذه المشكلة سواء لما يروح شغله أو لما يرجع البيت
هل بتركن عربيتك فى الجراج أم أسفل العمارة فى الواقع أصبحت مشكلة كبيرة خصوصا مع تزايد عدد العربيات مما يسبب كثير من المشاكل بعض أصدقائى باع العربية بسبب هذه المشكلة
ما المواقف الطريفة التى قابلتك بخصوص الركنة

**Nistelrooy** · 05-12-2010 01:31 AM

بركن العربية في جراج خاص في العمارة ..

مافيش مواقف طريفة كلها مواقف بايخة زي ما انزل والاقي واحد راكن قدام الجراج ...

او افتح الجراج وانزل اجيب العربية الاقي واحد وقف قدام الجراج ..

اقولة يا ابن الحلال انا داخل الجراج يقولي انا هاجيب حاجة واجي علطول .. بقولة طيب ادخل العربية بعد كدا روح جيب براحتك

**M.Alaa92** · 05-12-2010 01:38 AM

فى ملجأ الغلابة ( الشارع) و كلو مواقف بايخة من نوعية انت واقف قدام محل اكل عيش و كدة!!!

**morsika** · 05-12-2010 01:44 AM

المشاركة الأصلية كتبت بواسطة elzl_mido

فى ملجأ الغلابة ( الشارع) و كلو مواقف بايخة من نوعية انت واقف قدام محل اكل عيش و كدة!!!

+1111111111
و فعلا موضوع المحلات ده بقه مستفز جدا .. كل واحد يحط قالب طوب او فسقيه زرع قدام المحل عنده .. انا نفسى افهم هما أصحاب المحلات واخدين حته الشارع اللى قدام المحل ايجار و لا اه ؟؟؟!!!!!!!

**yoko** · 05-12-2010 01:44 AM

تحت البيت ولو روحت يوم متأخر بركنها بعد البيت بشارعين في أحسن الأحوال
وفي الكليه فوق الرصيف (الكليه عملالنا مزلقان مخصوص)
ومره ركنت لقيت بيه ركن قفل عليا نزله الؤدرصيف وشد الهاند وعشق تاني وفضلت مستني نص ساعة مجاش تييييييييييييييت
وقعدت ألف بالعربيه 90 درجة فوق الرصيف عشان أعرف أنزل وكانت مزنوقة قوي وكل ده عشان التيت إبن التيت مكسل يركن ركنة عدلة

**Rerii** · 10-12-2010 10:55 PM

للاسف العمارة عندنا مفيهاش جراج واودام بيتنا كل واحد حافظله مكان ومبلاقيش مكان فدورت على اقرب جراج ليا لاقيته قطعة ارض ومعموله بوابة وعليه حراس ورديتين كل وردية من 3 افراد وطبعا بدفع بالشهر مقدم بس مش دى المشكله لحد دلوقت

المشكله انهم بيستغلونى كل مااروح وسواء بينضفوا العربية او لا عاوزين كل مااروح اديهم فلوس حتى لما بروح والاقى واحد بس ييجوا التانيين يقولولى مخدناش يادكتورة ويحرجونى وبضطر اديهم بس بصراحه بقيت مضايقه منهم جدا انا بديهم اكتر من اللى بدفعه للجراج والمصيبة انهم عارفين انى لسه طالبة ومستغلينى اعلى استغلال اتخنقت اوووووووف

**Sherlock** · 10-12-2010 11:00 PM

جراج تحت العماره , و شغال فيه 2 ورديتين طول اليوم , يعني برجع اسيب العربيه قدام الجراج و هما مع نفسهم , الشارع عامل زي معرض العربيات , و 50 % من العربيات دي مش بتتحرك من مكانها , مش عارف اصلا الناس اشتراتها ليه .

**homme49** · 10-12-2010 11:23 PM

أركن فى أى مكان بالحى الذى أقطن به إذا لم يتوفر مكان فى الشارع و إذا توفر مكان بالشارع يكون ذلك سبب قوى لإستعمال المواصلات العامة خوفا من تأخرى فى الخارج و عدم العثور على مكان بالشارع وقت الرجوع للمنزل
و غالبا ما تبقى السيارة يومان أو ثلاثة فى مكانها تجنبا لمشقة البحث عن مكان للركن سواء فى الجهة التى سأذهب إليها أو فى الرجوع للمنزل
و لكن أواظب يوميا على تشغيل السيارة عشرة دقائق للحفاظ على شحن البطارية