بعد غسيل العربية ....معلشى موضوع معاد

بعد ما قريت موضوع غسيل العربيه من تحت
http://www.nilemotors.net/Nile/188227-a.html

افتكرت موضوعى اللى كتبته وكثير من الاخوه الافاضل بالمنتدى
ذكروا انه مفيد

------ا
اذكر بانه بعد غسيل العربيه
ولتجنب تراكم المياه بالباب وتكوين الصدأ
يجب مراجعة فتحات تصريف المياه من الابوب
وهى تختلف قليلا تبعا لكل نوع عربيه
وغالبا هى من الاسفل بعدد اتنين او ثلاث فتحات
وممكن يكون فى كلبس بلاستيك تشده ليسمح بمرور الماء

اضافه بسيطه
الفتحات ايضا موجوده فى الشنطة الخلفيه للساره
او يوجد مجارى مع انحناءات جسم السياره
للسبب نفسه وهو تصريف المياه لمنع الصدأ

شكرا

جزاك الله خيرا

تحياتي

مشكوووووور والله يعطيك الف عافيه

فعلا الموضوع ده مهم جدا

وتنظيف المجاري بتاعة تصريف المياه من على جسم السيارة مهمة جدا لو إتسدت أو حتى كل فترة دورية تتابعها بنفسك لأن كل عربية ليها التصميم بتاعها اللى لازم تكتشفه بنفسك

وتقريبا أي عربية بيبتدي فيها البارومة بتكون من أماكن تجمع المياه في المناطق دي .. كان عندي في البيجو خلاص مافيش أمل إن المجاري دي تتنضف كانت إتسدت بالضبة والمفتاح وكان كل ما المطرة تشتغل ألاقي المياه داخلة جوة الصالون

شكرا على الملاحظة
و فعلا الأماكن دى من أكتر المناطق اللى بتعمل برومة

شكرا للتنبيه جزاك الله خيرا

لما غيرت عتبة السيارة اليمين ببص تحت العربية لقيت العتبة الفابريكة الشمال فيها فتحات فمكان لحمها بالسيارة واللي متركبة سمكرة وكده قافل الفتحات دي السمكري باشا بس تقريبا دي ليها علاقة بالفتحات اللي بنتكلم عليها

اقتباس:

---

المشاركة الأصلية كتبت بواسطة windsofchange

لما غيرت عتبة السيارة اليمين ببص تحت العربية لقيت العتبة الفابريكة الشمال فيها فتحات فمكان لحمها بالسيارة واللي متركبة سمكرة وكده قافل الفتحات دي السمكري باشا بس تقريبا دي ليها علاقة بالفتحات اللي بنتكلم عليها

---

اعتقد العتبة عالية
والفتحات بتبقي فى اوطى نقطة علشان يتجمع عندها الماء ويسقط بره العربية
بس برضة حضرتكم اسال