اللهم ارزقنا حسن الخاتمه (فيديو للعبره)

يارب ارزقنا حسن الخاتمه
الفيديو ده جالي عن طريق الفيس بوك
ومش عارف ليه اول ما شفته
قلت لنفسي مانتا ساعات بتبقي ماشي زيهم
وممكن تكون في نفس حالهم

ايا كان هما ماتوا ولا مماتوش
بس صوت ضحكه الولد وهيا بتترقع وتجلجل وفجأه مشاهدته للعربيه النقل وهيا جايه
وصرخته المختلفه خاااااااااااااااالص عن حاله من ثانيه واحده بس اما كان بيضحك ومسخسخ علي روحه من الضحك

خلتني اتضايق اوي اوي من نفسي

اسيبكو مع الفيديو لانه مؤثر اوي والله
رغم انه مفيهوش اي حاجه
ولا دم ولا بتاع

بس يكفي الصوت
يمكن محدش يحس اللي حسيته
بس حبيت اشارككو وخلاص

YouTube - #!2

اللهم ارزقنا حسن الخاتمه

يا ساتر يا رب
اللهم احسن خاتمتنا

امين يارب

بارك الله في حضرتك
و رزقنا الله جميعا حسن الخاتمة
و نفسي هذا المقطع ينشر علي نطاق اوسع
و نرجوا ان تثبته الادارة لما له اثر كبير في النفس
خصوصا لبعض شباب المنتدي المعروف عنهم التهور في السرعات و الغرز و الشد


م.حاتم السباعي

يا ستير يا رب

لا حول ولا قوة إلا بالله

ربنا بيسترها بس مش مع ال عايز ينتحر وما بيحافظش علي الامانة ال ربنا مدهاله

معلش بقى سؤال برة الموضوع
الحوادث دى بتتصور ازاى؟
يعنى هم عارفين انهم هيعملو حادثة علشان كده بيصورو ولا الموضوع صدفة
ولو صدفة كل الحوادث الحقيقية الى بتتصور صدفة؟
يا ريت حد يفهمنى علشان انا مش قادر استوعب الموضوع بتاع التصوير ده

حقولك علي حاجه بسيطه اوي
ساعات بتلاقي توقيعات بيننا هنا عالمنتدي
تلاقي واحد حاطط صوره العداد بتاعه وهوا متقفل ومصوره

انا شخصيا مره كنت راكب مع واحد صاحبي
وكنا ماشيين في طريق فيه خضره وزرع جميل فكنت بصوره

الملاحظ في الفيديو ان الشباب كانت بتصور وهما بياخدوا غرز
وعمالين يضحكوا

طبعا ده غير الفيديوهات التعليميه اللي بتوريك اثر الحادثه من جوه العربيه
دي ليها اثر نفسي عليك اما تشوف الحادثه فتخاف وتبطل تجري

دي حاجات بتتعمل بره عشان تبين اثر النوم مثلا اثناء القياده وغيره

انما الحادث ده معتقدش
حتي لو كانوا عاشوا بعد كده وقاموا بالسلامه
الفارق بين ضحكه العبث وصرخه مواجهه الموت

كافيه بالنسبه ليا عشان احس بحاجه جوايا مش عارف اوصفها

بس بسأل نفسي سؤال واحد

اما بتبقي مشغل اغاني وطاير وبتجري ولا مبتجريش
ويحصل فيك كده
ومت

حأبعث علي ايه
حقابل ربنا اقوله ايه

بلاقي علامات استفهام كتير اوي
ورأس منكس من الخجل من رب العالمين

اقتباس:

---

المشاركة الأصلية كتبت بواسطة funnymickey

حقولك علي حاجه بسيطه اوي
ساعات بتلاقي توقيعات بيننا هنا عالمنتدي
تلاقي واحد حاطط صوره العداد بتاعه وهوا متقفل ومصوره

انا شخصيا مره كنت راكب مع واحد صاحبي
وكنا ماشيين في طريق فيه خضره وزرع جميل فكنت بصوره

الملاحظ في الفيديو ان الشباب كانت بتصور وهما بياخدوا غرز
وعمالين يضحكوا

طبعا ده غير الفيديوهات التعليميه اللي بتوريك اثر الحادثه من جوه العربيه
دي ليها اثر نفسي عليك اما تشوف الحادثه فتخاف وتبطل تجري

دي حاجات بتتعمل بره عشان تبين اثر النوم مثلا اثناء القياده وغيره

انما الحادث ده معتقدش
حتي لو كانوا عاشوا بعد كده وقاموا بالسلامه
الفارق بين ضحكه العبث وصرخه مواجهه الموت

كافيه بالنسبه ليا عشان احس بحاجه جوايا مش عارف اوصفها

بس بسأل نفسي سؤال واحد

اما بتبقي مشغل اغاني وطاير وبتجري ولا مبتجريش
ويحصل فيك كده
ومت

حأبعث علي ايه
حقابل ربنا اقوله ايه

بلاقي علامات استفهام كتير اوي
ورأس منكس من الخجل من رب العالمين

---

فعلا كلامك صح و ربنا يحفظنا
من عاش على شىء مات عليه و من مات على شىء بعث عليه

مشهد صعب فعلا
ربنا ميحكم علينا بية وربنا يستر طريقنا

اللهم امين ياباشمهندس

جزاك الله خيرا علي المشاركة ، هي عظة لمن أراد أن يتعظ
اللهم أحسن خاتمتنا

ربنا يستر طريقنا كلنا ويحسن ختامنا ...
وتبقي نصيحة والدي الحبيب "لو مستعجل امشي على مهلك عشان توصل بدري"