الموضوع: عايز اخلع النسر من كل عربيات البلد حد عايز يشارك؟

المشاركة الأصلية كتبت بواسطة atamim

انا مش مختلف معاك فى اى نقطة

انا مختلف معاك فى الى بيستغلوا النسر علشان يتخطوا القانون

فية اعمال كتير قوى اصحابها سهرانين بيحموا البلد على الحدود و فى اماكن اخرى

انا بتكلم على الى عربيته ملاكى و حاتط نسر جمب نمر العربية مش على ازاز العربية فية فرق كبير
النسر على الازاز علشان لو انت داخل مكان نوادى شرطة او اى مكان عايز هوية لدخولة

النسر على نمر العربية يعنى ما تكتبش نمر العربية ولا تفكر فى يوم تكتبها

اظن انت فهمتنى دلوقتى

بص أنا من رأيى ان البلد بتاعتنا دى ماشية بضهرها .. يعنى كل حاجة فيها معكوسة .. الا حاجات بسيطة.

يعنى مثلا الناس المحترمين يا اما منتقدين يا اما مهمشين .. و الناس اللى بيفسدوا فى الشباب بيجيبوهم فى التليفزيون و المذيعة تسألها حضرتك بتقضى يومك ازاى عشان الشباب ياخدوكى قدوة ليهم .. و يمشوا ببودى جارد عشان لما بيمشوا فى الشارع الناس بتتلم عليهم عشان يسلموا عليهم .. انما لو دكتور أو عالم مشى فى الشارع ولا حد هيعبره.

حاجة تانية أكتر واحد الفروض يلتزم بالقواعد تلاقية بيكسرها .. و العس صحيح .. يعنى تروح شغلك متاخر تلاقى الناس بتقولك ايه يا عم انت مدير ولا ايه مع ان المدير المفروض أكتر واحد يلتزم بقوانين العمل .

مثلا من فترة بسيطة كان الواحد لما يربط حزام الأمان الناس يضحكوا عليه .. مع انه الوحيد اللى صح و الناس هى اللى غلط.


و حاجات تانية كتير.

المشاركة الأصلية كتبت بواسطة kareemz

أولا حضرتك مينفعش تشيل حاجه من على عربية حد لأنك مش مسؤل عن المرور فى البلد.

ثانيا الضابط اللى حاطط نسر ده .. لازم حضرتك تقدر انه شغله مقرف جدا .. و بيتعامل مع أسوأ فئات المجتمع اللى لو واحد عادى بيتعامل معاهم لمدة 5 دقائق مبيقدرش يستحمل .. تخيل ده باه عايش معاهم معظم وقته .. و ساعات عمله مش منتظمة .. و ممكن تكون حضرتك نايم بالليل و هو فى القسم أو فى الشارع أو قاعد فى كمين .. و شغلة خطر جدا.. و مع ده كله مرتبة بسيط.

الحاجه الوحيدة اللى بيملكها هى السلطة ..و معظم الضباط لو قلت له تسيب وظيفتك و تشتغل بمواعيد شغل منتظمة هيوافق .. ده مش معناه طبعا انه يستغلها بشكل سىء .. و لا كلامى ده معناه انى موافق على اللى بيحط نسر على عربيتة .. بس أنا حبيت أوضح الصورة.

تصدق علي الرغم من احتكاكي الكتير اوي بكميه ضباط وهميه بدايه من 4 اصحابي
الي نسيبي وخالي
الا اني اول مره اتخيل الامور من وجه نظرك
والله فكرتني بموقف حصل ليه من حوالي 9 او 8 سنين
كنت سهران في كمين مع واحد صحبي (كمين النبوي اسماعيل اللي في شارع جامعه الدول)
بجد كانت حاجه جامده جدا يعني سهرانين طول الليل في شارع جامعه الدول وايه بقي يا معلم حاطط كراسي وقاعد في وسط الشارع حاجه جامده يعني بس او ام الساعه 5 جات وبدا الاحساس بالنوم يهجم
بجد كرهت نفسي والدنيا كلها ودا يوم تخيل بقي كل يوم ومش في الصيف لا في الشتاء كمان
نسيت اقولكم مرتب اكبر واحد عندنا في الضباط بتاع 1200 جنيه
تفتكرو ما لو ما كنوش من عائلات ماديه في وضع جيد تفتكرو كانو هيعملو ايه
والباشا راح والباشا جيه
بجد وجه النظر من الناحيه التنيه سوداء اوي

المشاركة الأصلية كتبت بواسطة kareemz

أولا حضرتك مينفعش تشيل حاجه من على عربية حد لأنك مش مسؤل عن المرور فى البلد.

ثانيا الضابط اللى حاطط نسر ده .. لازم حضرتك تقدر انه شغله مقرف جدا .. و بيتعامل مع أسوأ فئات المجتمع اللى لو واحد عادى بيتعامل معاهم لمدة 5 دقائق مبيقدرش يستحمل .. تخيل ده باه عايش معاهم معظم وقته .. و ساعات عمله مش منتظمة .. و ممكن تكون حضرتك نايم بالليل و هو فى القسم أو فى الشارع أو قاعد فى كمين .. و شغلة خطر جدا.. و مع ده كله مرتبة بسيط.

الحاجه الوحيدة اللى بيملكها هى السلطة ..و معظم الضباط لو قلت له تسيب وظيفتك و تشتغل بمواعيد شغل منتظمة هيوافق .. ده مش معناه طبعا انه يستغلها بشكل سىء .. و لا كلامى ده معناه انى موافق على اللى بيحط نسر على عربيتة .. بس أنا حبيت أوضح الصورة.

هو كان حد ضربة علي ايده علشان يخش كليه الشرطة ؟؟؟؟

اغلبهم بيدخلها وبدفع رشاوي بارقام عالية تفتكر مع انهم عارفن ان المرتب بسيط تفتكر حضرتك ليه ؟؟؟

ببساطة هافك النسر وأركبه عندي ههههههههههه

المشاركة الأصلية كتبت بواسطة tamer_a7

تصدق علي الرغم من احتكاكي الكتير اوي بكميه ضباط وهميه بدايه من 4 اصحابي
الي نسيبي وخالي
الا اني اول مره اتخيل الامور من وجه نظرك
والله فكرتني بموقف حصل ليه من حوالي 9 او 8 سنين
كنت سهران في كمين مع واحد صحبي (كمين النبوي اسماعيل اللي في شارع جامعه الدول)
بجد كانت حاجه جامده جدا يعني سهرانين طول الليل في شارع جامعه الدول وايه بقي يا معلم حاطط كراسي وقاعد في وسط الشارع حاجه جامده يعني بس او ام الساعه 5 جات وبدا الاحساس بالنوم يهجم
بجد كرهت نفسي والدنيا كلها ودا يوم تخيل بقي كل يوم ومش في الصيف لا في الشتاء كمان
نسيت اقولكم مرتب اكبر واحد عندنا في الضباط بتاع 1200 جنيه
تفتكرو ما لو ما كنوش من عائلات ماديه في وضع جيد تفتكرو كانو هيعملو ايه
والباشا راح والباشا جيه
بجد وجه النظر من الناحيه التنيه سوداء اوي

+11111111111111
هو ده فعلا ألي بيحصل معاهم...........حبست حرية وطموح محدود
بس الصورة أفضل شوية بالنسبة للجيش

لو مجرد نسر على لوحة النمر ماليش دعوة بيه... مش آذينى فى أى حاجة
إنما لو مغطى النمر بستيكر... انتم عارفين عملت إيه