الموضوع: سؤال للى مركبين الفلتر الاسبور بتتعامل ازاى مع المياه الى بتيجى عليه ؟

متابع للموضوع

السلام عليكم ،، أنا عندي رأي شخصي بناءً عن تجربة ،، بس أقروا و متملوش

في البنزينة ،، أنا بنبه على الراجل أن العربية أنجيكشان و أن فيها فلتر سبور ،، و بخليه يجيب كيستين ،، كيسه يغطي بيها كارتة الكمبيوتر و كيسة يغطي بيها الفلتر ،، قبل ميرفع العربية و يغسلها ،، و بتأكد من كده بنفسي

أما بالنسبة لفتحات التهوية ،، فأنا كنت عاملها ،، بس مش فوق الفلتر بظظبط ،، للأسف غيرت الكبود كله ،، بسبب حادثة جامدة ،كان نفسي أصوره ، المهم الكابود اللي أنا خرمت فيه كان الأصلي بتاع العربية :((

هو اللي خلاني لما أجي أخرم مخرمش فوق الفوق الفلتر بظظبط ،، العروق بتاعت الكبود ،، كل كبود بيكون ملحوم في عروق من نحية الماتور،، عشان تخليه ناشف و يستحمل لما حد يقعد عليه مثلاً "لا قدر الله" أو في حالة حادثة لا قدر الله

المهم بسبب العروق دي ،، معرفتش أخرم فوق الفلتر بظظبط ، خرمت حته مربعة كانت مسااحتها حوالي "15 في 10" سنتيمتر طبعاً ،، و بعد كده حطيت عليها سلك من بتاع شبابيك المطبخ و الحماما عشان الناموس ده ،، طبعاً أنا حطيته عشان الوساخة و كده ،، و ثبته كويس بمسامير و شنيور :))

شوفتو أنا معدوم الأحساس أزااي :))))

و بعد كده جبت هواية منظر كده ،، كانت بتتباع ب 20 جنيه ،، مصدقت لقيتها بنفس الأبعاد ،، هو الراجل االي قطعلي في الكبود،، قاللي ده شغغغل صاااج ،، روح لحد بتاع فيبر عربيات ،، أو سمكري ،، أو على الأقل أكسيسوارات و أشتري منه الهوايه دي أصلية و بتاع و كلام كتير

أنا بس مش عارف أشرحلكم الهواية دي شكلها عامل أزاي ،، عارفين لما تلاقو قبة في الكابود كده ،، و تكون مفتوحة من قدام ؟!!

هي دي بقى اللي قصدي عليها ،، مصنعية القطع 25 جنيه ،، عند حداد جنب بيتي :))

السلك مش فاكر جنت جيبه بكام ،، بس جبت مساحة كبيرة بملاليم تقريباً ،،

الشنيور عندي في البيت و المسماير عندي برده :)) نزلت أخدت كهربا من دخلة العمارة و ربط كل شيء و ركبت أنا و الحداد الكبود :)) و بعد كده الجزء الصعب تركيب الهوايا العيرة دي :))

أنا أصلاً عربيتي لونها سماوي متاليك ،، شاهين أنجيكشان "أنا ساكن في أليكس،، عشان لو حد كان شافني "

و الهواية دي لونها فضي لميع ،، مش حيبقى قد كده يعني :)) أعمل أيه ،، اعمل أيه .. فكرت ،، قلت خلاص ،، أغلفعا بالزق بتاع الكاربون فيبر،، و ده ستيكر ،، شكله شبه الكاربون فايبر ،، واحد صاحبي في الكلية ساكن في عزبة سعد ليه جاره بيشتغل في المحلات اللي هناك ،، أديته الهواية ،، جاتلي تاني يوم ملزوق عليها الستيكر ده ،، و شكلها كان حلو أوي ....
و ببلاش :)))))
قلت قشطة منها منظر شبه الكاربو فيبر و منها عملية بردو ،،غي نفس اليوم قابلت صاحبي في الكلية ،، تخصص هندسة معماري ،، لقيت معاه دهان رشش ،، الأسبراي ده ،، قلتله ده لونه أيه ،، قاللي أزرق ،، سألته متاليك ،، قاللي معرفش ،، لسة مجربتهوش على الماكيت ،، و خايف أجربه أبوظ الماكيت كله ،، قلتله هاته أنا أجربهولك :))

و مسكته رشيته على الهواية ده :)))

بقى شكلها جاااااامد طححححححححححححينة

و لما روحت البيت لزقتها فوق الفتحة بظظبط ،، مش عارف أوصفلكم شكلها كان عامل أزاي ،، كانت جامدة أوي ،، و نفس لون العربية بس على غامق شوية و باين فيها الخطوط بتاعت الكاربون فايبر دي ، اللي بتبقى في الاستيكر ،، مع العلم أن مش لازم تكون موجودة في الكاربون فايبر ،، بس أهي منظر :))

كنت زعلان في الأول أنها مش فوق الفلتر بظظبط ،، بس حمدت ربنا ،، بعد كده ،، لأن الفلتر جنب كارتة الكمبيوتر و صاحبي لفت نظري لحكاية الشتا و كده ،، المهم العربية مكملتش شهر والله ،، و كنت راكنها في الأبراهيمية و رحت ألعب مع صحابي بلايستاشين ،، جيت لقيت شليتين زرع فوق الكبود :(((

أتنقرت عييين ،، أنما أاااااايه ،، المهم آسف للأطالة بس دي تجربه أنا عملتها ،،، جملت شكل العربية أوي ،، و جددت هوا حوض الموتور ،، و بالتالي هوا الفلتر ،، و مكنتش مكلفة على الأطلااااااق ،، ولا فيها مخاوف المية ،، بدون الخوف من المية ،، أو تحمل هموم المواسير و تركيبها و مدها ،، و هكذا ،،

و التكلفة ،، معدتش ال 50 جنيه :))