الموضوع: رساله لكل شخص (عض الأيد إلى أتمدتله و سهر و تعب) أنت متستاهلش تبقى موجود معانا

عنوان الموضوع وبدايتة من رايي وانا آسف في الكلمة (مستفزة)
انا اعتقد ان اللي عنده اسرار ما يحطهاش على الانترنت باي شكل
واذا عمل كده ما يندمش على اي حاجة ممكن تحصل
وبعدين هو ايه اللي حصل يعني لما بعض الاعضاء شافو غرف الاداريين او المشرفين ؟
انتو ليه مخليني احس ان الغرف دي كان فيها فضايح ؟؟؟
ممكن يكون كان فيها اخطاء لكن كلنا بشر بنغلط وبنصحح اخطاءنا ، مين اللي قال ان المشرفين بتوع المنتدى لازم يبقو ملايكة ؟
ارجوك نقي كلماتك قبل ما تكتبها وما تعممش وما تفترضش في الناس سوء
وعلى فكرة انا ما شفتش الغرف الخاصة دي خااااالص اول ما سمعت عنها لما كريم منير كتب الموضوع بتاعها
واسف للمرة التانية لاني عارف اني مداخاتي مش على مزاجك

انا فى الاول اعتقدت ان المشكلة خاصة بالكمبيوتر عندى او المتصفح يعنى وكل مافتح الاقى الشكل غريب اخرج ومافهمتش المشكلة الا لما كريم قتي موضوع حقيقة ماحدث
لكن مع احترامى لحضرتك الناس اللى دخلت مواضيع المشرفين ده طبيعى جدا يحصل
الفضول ده سمة اساسية عند البشر واعتقد بجد لو كنت فهمت ساعتها كان ممكن ادخل من باب الفضول برده على الاقل اعرف مين المشرفين
تقبل مرورى

المشاركة الأصلية كتبت بواسطة yoko

الله يخليك وبجد عندك حق بس مش كل الناس الي دخلت وحشة وبالدليل إن فيه ناس كلمت كريم وإعتذرتلة إنها دخلت قبل حتى ما كريم يعرف إن فيه مشكلة في الصلاحيات وفيه ناس دخلت فكراها أقسام جديدة ومخدتش بالها من الإسم (الحمد لله أنا مش من الناس الي دخلت) بس أعتقد دول مدعبسوش وأول ما خدوا بالهم قفلوا لكن فيه أكيد برده شخصيات دخلت ودعبست وكمان خدت كوبي من المواضيع (زي أي مكان فيه كويس وفيه الوحش) وأكيد الإدارة عرفتهم والله أعلم إتصرفوا معاهم إزاي

فعلا مش كل إلى دخل الأقسام دى ناس وحشه و أنا مش قصدى خالص كل الناس
أنا قصدى إلى دعبس و عاش حياته جوة المواضيع
و بالنسبه للتعميم معلش يا جماعة أصل أنا أسكندرانى و أنتوا عارفين التعميم عندنا ماشى زى الحلاوة
بس والله و بجد مش القصد من التعميم شئ لكن دى طريقة كلامى عمتا
و أسف على خطأ التعميم إلى حصل

المشاركة الأصلية كتبت بواسطة heshamzaky

كلام منطقى و سليم يا يوكو و مينفعش نعمم و بس الزميل الى كتب الموضوع ما حضرهوش بس بيعمم الكلام و دة مش صح و لا حلو

سورى يا باشمهندس والله مكانش قصدى يا جماعة

المشاركة الأصلية كتبت بواسطة dr-mohamed

يا هشام بيه
يا يوكو
واضح جدا ان اخونا كاتب الموضوع يقصد من فعل ذلك بسوء نية وبعضهم اخذ صور للصفحات التي دخلها وهم من قصدهم كريم حين نبه على ذلك وهم يستحقون كل كلمة قالها اخونا اما عليهم

اما من دخل بحسن نية او اعتقد انها اقسام جديدة فلا يمكن ان يحاسب على خطأ غير مقصود

أة والله العظيم عندك حق أنا مكانش قصدى الناس سليمه النيه أبدا و لو قصدى كدة يبقى أنا إلى المفروض مكونش موجود وسط أعضاء نايل موتورز

المشاركة الأصلية كتبت بواسطة heshamzaky

أزيك يا دكتور عامل اية يا باشا و كلامك موزون و جميل بس أنا أقصد بلاش سياسة التعميم دة الى أنا أقصدة

سورى يا باشا فعلا أنا غلطان فى سياسه التعميم لكن دى طريقتى عمتا فى الكلام و أسف للمره المليون فاتتنى دى زى مابيقولوا

المشاركة الأصلية كتبت بواسطة yoko

انا عارف وأنا مأنكرتش على صاحب الموضوع بس حبيت أوضح الصورة فقط لا غير

و الحمد لله وضحت الرؤيه و شكرا على التنبيه

المشاركة الأصلية كتبت بواسطة samoevil911

على فكرة انا معرفش اصلا ايه الموضوع كامل بس انا بدأت احس من أهمية الموضوع دا أن في كلام كان غلط او يمس حد في مشاركات المشرفين .. انا مش بظن والله بس انا شايف ان الموضوع دا استاذ كريم اتكلم فيه ومر عابرا بس تكراره شايف انه ممكن يشكك البعض..
أنا اللي اقصده اني كنت افضل عدم تكرار التنبيه لأن زي مبيقولوا خير علاج للمشكلة عدم اثارتها وكانت تتخذ الأجراءات القانونية تجاه الشخص دا وشكرا كدا..

وبعدين هو مش ممكن يكون دخل عفويا او بداعي حب الفضول .. وللعلم ناس كتير فضولها بيغليها خصوصا انه ممكن يكون متوقعش يلاقي حاجة خاصة في المشاركات دي( انا بفترض عشان والله عايز الموضوع يخلص بدون مشاكل او حد يزعل فبحاول افترض حسن النية وبعدين حضراتكم ادرى مني لأني حتى معرفش شكل المشاركات دي بيبقي ايه ولا اعرف حتى مشرفين المنتدى وكل اللي اعرفه انه يتبع الأستاذ كريم)


ووالله انا بس عايز الموضوع يخلص وميكنش حد زعلان .. عشان انا واحد من الناس مصدقت المنتدى رجع .. دا أحنا حتى مفروض نعمل مقابلة ونحتفل :d:d

لأ دا فيه موضوع لكريم منير بيقول أنه نسخ المواضيع يعنى واضح أوى الهدف مش الفضول

المشاركة الأصلية كتبت بواسطة r0xer

الموضوع انا شايف ان في ناس مكبراه زيادة جداً...انا معرفش ايه كان مكتوب في قسم المشرفين مهم للدرجة دي ومدايق بعض الناس انه حد اطلع عليه..يعني هل هي بيانات شخصية لبعض الاعضاء ؟

لو كان الامر كدا فأعتقد غلط جدا ان حد يحط بيانات شخصية ليه على الانترنت...انما لو حاجة تانية فأيا كان هي ايه مهياش مشكلة اطلاقا وعادي يعني حب استطلاع عادي عند بعض الناس. انا لو كنت موجود وقتها اكيد كنت هحب اشوف على الاقل مين مشرفين المنتدى عشان متخانقش معاهم جامد ليوقفوني :d :d

مش عارف بس كريم منير برضه كان قايل أنه بيهزر مع المشرفين والله ماعرف بس كان فيه كلام مينفعش يظهر للناس و عادى جدا أنا لو بهزر مع واحد صاحبى محبش هزارنا دة يوصل للناس عادى يعنى وجهات نظر المفروض الناس تحترمها لكن الله أعلم برضه كان فيه أية بالظبط بس فيه فرق بين الفضول و فيه فرق بين نسخ مواضيع

المشاركة الأصلية كتبت بواسطة Hussein_Emara

من فضلكم حد يفهمني الحتة دي نفسها, مش علاقتها بالمضوع

بص يا سيدى من حوالى 3 سنين شركة المنتديات الفى بى vBulletin قالت كالأتى
أن ممنوع تركيب نسخه منتدى فى بى إلا لما تكون واخد ترخيص من الشركة (طبعا الموضوع قديم بس شددت أوى فى الفتره دى) و إلى بيتأفش المفروض مركب نسخه مش مرخصه الشركة دى بتبلغ الأستضافة و الأستضافة بتوقف الموقع عشان مفيش أضرار تحصل للأستضافة فطبعا من الطبيعى أن الأستضافة بتمسح الموقع بالنسبه بقى للناس أستغربت عشان العرب مركبين منتديات مش مرخصه كتير و قالوا الشركة هتعرف أزاى و ردوا المسؤلين فى شركة vBulletin أن العرب فيهم خونه كتير و هيرشدونا على المنتديات دى بس دا الموضوع كله

المشاركة الأصلية كتبت بواسطة mahmoodallam

عنوان الموضوع وبدايتة من رايي وانا آسف في الكلمة (مستفزة)
انا اعتقد ان اللي عنده اسرار ما يحطهاش على الانترنت باي شكل
واذا عمل كده ما يندمش على اي حاجة ممكن تحصل
وبعدين هو ايه اللي حصل يعني لما بعض الاعضاء شافو غرف الاداريين او المشرفين ؟
انتو ليه مخليني احس ان الغرف دي كان فيها فضايح ؟؟؟
ممكن يكون كان فيها اخطاء لكن كلنا بشر بنغلط وبنصحح اخطاءنا ، مين اللي قال ان المشرفين بتوع المنتدى لازم يبقو ملايكة ؟
ارجوك نقي كلماتك قبل ما تكتبها وما تعممش وما تفترضش في الناس سوء
وعلى فكرة انا ما شفتش الغرف الخاصة دي خااااالص اول ما سمعت عنها لما كريم منير كتب الموضوع بتاعها
واسف للمرة التانية لاني عارف اني مداخاتي مش على مزاجك

لأ عادى مداخله جميله جدا عشان كدة هقول لا تعليق
بس أنت لو كنت تعبان فى المنتدى مثلا و عارف يعنى أية تركيب قاعدة بيانات و نسخه باك أب عندك و ترفعها تانى على قاعدة بيانات جديدة و يا سلام لو المستضيف الجديد كمان بطئ شوية ممكن يجيلك شلل أنا عشان جربت كل دة عارف الناس دى حسيت بأية فطبعا بعد كل دة يكون دة جزاتهم لازم يحسوا بكدة

المشاركة الأصلية كتبت بواسطة dolly13

انا فى الاول اعتقدت ان المشكلة خاصة بالكمبيوتر عندى او المتصفح يعنى وكل مافتح الاقى الشكل غريب اخرج ومافهمتش المشكلة الا لما كريم قتي موضوع حقيقة ماحدث
لكن مع احترامى لحضرتك الناس اللى دخلت مواضيع المشرفين ده طبيعى جدا يحصل
الفضول ده سمة اساسية عند البشر واعتقد بجد لو كنت فهمت ساعتها كان ممكن ادخل من باب الفضول برده على الاقل اعرف مين المشرفين
تقبل مرورى

تعرف مين المشرفين حاجة و تنقل موضوع حاجة تانيه يا جماعة أفهوا وجهة نظرى

المشاركة الأصلية كتبت بواسطة fadod

ما سبب فتح الموضوع مره أخري ؟؟ كريم اتكلم فيه بعد رجوع المنتدي وإتقفل الكلام بعد كده .أن ابتديت أحس إن كلام المشرفين ماكنش كلام تسالي أو خصوصيات بينهم ..داه شكله كان أكبر من كده بكتير .وبعدين بلاش الناس اللي الفضول اتحكم فيهم ماهو ممكن المنتدي يحصل عليه هاك ويعرفو يدخلو حجرات المشرفين ، أو مشرف ينقلب على المنتدي ويفضح بقي المشرفين التانين ..أنا أقصد إنه في كذا سيناريو للتسريب والافضل لو حد خايف يكتب حاجه وتتشاف ميكتبهاش من أصله

فعلا حضرتك وضحتلنا ثغرات المفروض الإدارة تاخد بالها منها
و ممكن إلى يتكتب خطة مثلا مستقبليه للمنتدى أو حاجة جديدة بيفكروا يعملوها كلام من دة
مش هزار و حاجات شخصيه طيب أية لزمه الموبايلات بقى

طب ماتحطلنا كده موضوعين ولا حاجة من بتوع المشرفين دول
عشان نشوف اذا كان فيهم اسرار فعلا ومستاهلين كل ده ولا لأ

انا كنت مسافر وقتها ولا ايه ومنتدى مشرفين اييييه هههههههههه انا مش فاهم حاجة

ع العموم ربنا يجازي كل انسان بنيته

العايط في الفايت نقصان من العقل