الموضوع: رساله لكل شخص (عض الأيد إلى أتمدتله و سهر و تعب) أنت متستاهلش تبقى موجود معانا

مش عارف فى البدايه أقول أية لكن تعازينا للجميع فى الأدارة و المشرفين و أعضاء نايل موتورز الكرام على الكبوه التى حدثت فى الفتره الأخيره
و بإذن الله هنرجع تانى و مش مهم إلى أتمسح من مواضيع لأ أحنا هنرجع أقوى من الأول بإذن الله و بمجهوداتكم
بس كان عندى تعليق بسيط جدا أكيد هيضايق ناس كتيره و طبعا مش هيقدروا يظهروا شجاعة و يردوا فى الموضوع لأنه فى النهايه أشبه و قريب جدا من أساليب الصهاينه و هم الأخوه إلى أستغلوا وقوع سيرفر المنتدى أو الأستضافة (أنا مش عارف بالظبط أو مش متابع بالظبط إلى حصل) و دخلوا فى قسم المشرفين و دعبسوا أحلى دعبسه و طلعوا طبعا دا بيدل على التعدى على حرمه الأفكار و أنتهاك الحدود مابين الأعضاء و المشرفين و الأداريين يعنى أنا عايز أفهم حاجة دلوقتى دا قسم معمول فى تراخيص القسم ممنوع للأعضاء تشوفه طيب ليه دلوقتى واحد يدخل و يبص و يتفرج على مواضيع مالوش علاقه بيها !؟ ليه تبص على أسرار الناس حتى و لو كانت الأسرار دى هزار أو أشياء لا قيمه لها بالنسبه للأشخاص دى !؟ ليه كل واحد ميبقاش فى حاله كده !؟ تصدقوا أن العينه دى من الناس بتثبت مقوله الأخوه بتوع منتديات الفى بى لما قالوا إلى هيركب من العرب نسخه منزوعة الكود هنعرفه و هنمسح موقعة طبعا العالم كله أستغرب و قالولهم هتعرفوا أزاى ردت الشركة و قالت أن فى العرب ناس خاينه و هترشد عن بعض طيب هتقولى أية علاقة دخول الناس دى تقرى مواضيع مالهاش دعوة بيها بالموضوع بتاع شركة الفى بى هقولك أن دى خيانه برضه و الخاين فى منتدى زى الخاين على أهله و دولته و على ناسه سواء كان فيه مصلحه شخصيه أو مفيش مصلحه شخصيه و الحمد لله أنه أتعرف عشان مشرفين و أدارة المنتدى ليها الحق تشوف فى لوحه التحكم أو فى المتواجدين الأن العضو دة بيتفرج على أنهى قسم أو موضوع و الأى بى بتاعة و يا رب يكون أتوقفوا

و الحمد لله أكيد إنها جت على أد كدة بس والله أعلم بالى حصل بالظبط لأنى مكنتش متابع المنتدى فتره طويله جدا برضه
و أكيد الإدارة أتعلمت من موضوع الباك أب بتاع المنتدى و نسخه الداتا بيز المفروض تتاخد كل شهر على الأقل مثلا
و أكيد الأعضاء حسيت بقيمه نايل موتورز لأن أحنا طبعيتنا مش بنحس بالحاجة إلى فى أيدينا إلا لما تروح مننا و نتجن عشان ترجعلنا تانى و الحمد لله رجعت تانى و نورت و كمان حسينا أكتر لما لقينا شويه أوباش و حاقدين على منتدانا و دا أكيد بيدل أن نايل موتورز فى القمه و إلى الأمام دائمـــــــــــــا


و مش هقدر أنسى المقوله الشهيره
لا تأسفن على غدر الزمان فطالما رقصت فوق جثث الأسود كلابا
تحسبن برقصها إنها تعلو فوق أسيادها
تبقى الكلاب كلاب و الأسود أسود
بس السؤال هنا
لماذا زادت كميه الكلاب التى ترقص على جثث الأسود