ساعدوني في ساعة رملية!

**r0xer** · 05-12-2010 07:37 AM

السلام عليكم

بقالي كتير مبدخلش وواحشني اعضاء كتير جدا وعلى رأسهم دكتور احمد وسبعاوي و ناس كتيرة بحب اختلف معاهم واتخانق :)

اثناء مكالمة مجنونة اتورطت في اني اجيب هدية عيد ميلاد عبارة عن : ساعة رملية! وقبلت التحدى وطبعا ملقتهاش في القاهرة كلها..

اللي عنده فكرة ياجماعة الاقيها فين ياريت يرد بأقصى سرعة ونردهاله في الافراح واعياد الميلاد...

اي مكان في القاهرة بس يكون حد عارف انها هناك عشان مطخش مشوار اونطة :)

وشكرا

**د.محمود صلاح** · 05-12-2010 05:19 PM

ابحث في الوسيط ..
بس مش هتكون رخيصة

**tawfic** · 05-12-2010 05:49 PM

المشاركة الأصلية كتبت بواسطة ايمن محمود محمد ابراهيم

ابحث فى العصور الوسطى

ههههههههههههههههههههههههه

انشاء الله تلاقيها فى بعض محلات الانتيكات فى الزمالك والمهندسين انا شوفتها قبل كده فى بعض المحلات دى
وكان فى محل فى شارع القصر العينى امام مستشفى ابو الريش والفرنساوى بتاع انتيكات عارضها بس كان من حوالى سنه وما اعرفشى لسه عنده ولا لا بس لو عديت عليه ممكن اشوفهالك

**venomixus** · 05-12-2010 05:56 PM

في الرحاب ... مول 2 محل هدايا جنب كازينو كافيه .. موجوده عنده

**r0xer** · 06-12-2010 01:36 AM

الف الف شكر ليكم جميعاً...

هو المشكلة اني لو بحثت في العصور الوسطى ممكن مرجعش من هناك :d

---

الوسيط انا مش هينفع استنى واتابع لاني مستعجل حبتين..

ياريت لو حد يجيبلي وصفة المول 2 بتاع الرحاب دا عشان اجهز نفسي واروح بكرة؟. بس العنوان بالظبط لاني مرحتش الرحاب قبل كدا بالعربية.

وثانكس مرة كمان ونردهالكم في قوس او في رمح او سيف :d

**FunnyMickey** · 06-12-2010 02:10 AM

ياعم احمد ربنا انها جت في ساعه رمليه ومجتش في حاجه اشد

افرض كان اتطلب منك تجيب مزوله

ههههههههههه

كان زمانك قاعد عمال تقفل اله الزمن بتاعتك وتطلب ابن سينا فورا

ياريت بقي لو ربنا وفقك ولقيت الساعه الرمليه ابقي صورهالنا واقلبها كده شوفها شغاله بجد ولا بتخم