برجاء اللى عندة معلومة عن هيونداى سوناتا 2010 لا يبخل علينا بالرد
لى صديق عزيز يريد شراء السيارة بعد التخفيضات اللى عملها غبور على السيارة ونوى صديقى شراء اول فئة اوتوماتك ب 139900 2000 سى سى
يعنى مميزات السيارة وعيوبها وهيدفع كام فى الترخيص وخاصة انها 2000 سى سى اول مرة يتعامل مع هذة الفئة
وشكرا مقدما لكل الاعضاء الكرام
اللي أنا مستغربله سعر العربية دي المفروض ان سعرها اعلى من كده لأن جماركها عاليه
السياره تصنيع مصرىاقتباس:
المشاركة الأصلية كتبت بواسطة ZALABANY
طيب ما يشوف مازدا 3
متابع باهتمام
طيب سؤال لصاحب لموضوع لو سمحت ....
هي التخفيضات دي بدأت من امتى على السوناتا الشكل القديم ( التجميع المصري) ... والفئة اللي حضرتك ذكرت انها حاليا بـ 139 ألف هي اللي كانت بـ 170 ألف؟ ..... ويا ترى فئة الـ 2400 سي سي اللي كانت ب 190 ألف بقت بكام دلوقتي ؟
أنا لسه سائل عليها :
2000 مانوال ب 130000
2000 أوتو ب 140000
2400 أوتو بس ب 1600000
What about the Annual Renewal Fees?
يا جماعة انا عندى العربية 2400cc موديل 2007 (أول دفعة من التجميع المحلى) بقالها معايا حوالى 3 سنين و نص , العربية تجميع محلى مش تصنيع محلى
الضريبة لما جددت (انا كنت مرخص 3 سنين فى الاول فمدفعتش حاجة , التجديد كان ب 2600 جنيه بعد خصم استعمال 15%) معنى كدا ان الضريبة اول سنة لو جديدة حوالى 3000 جنيه و شوية.
ال2000cc ضريبتها 1000 جنيه و بتقل 5% كل سنة (لو جديدة زيرو)
مميزات العربية :1 - بصراحة عربية محترمة جدااا مبتعومش و الكلام دا و ثابتة جدااا على سرعات عالية اوى و علطول بمشى على سرعات زى 160 على الطرق السريعة و اكتر كمان لو مسافر فى طريق نظيف .
2- العربية واسعة جداااااا جدااا يعنى
3- محتجتش الضمان غير فى حاجتين (كوبلن كان ساعات بيعمل صوت لما بلف الدركسيون على الاخر و قولتلهم على الصوت فى الصيانة غيروه فى الضمان و الشماسة (اللى بتنزل من السقف علشان تحجب الشمس ) و دى برده غيروها فى الضمان علشان كان عليها recall بره , يعنى عربية اعتمادية جدا و عمرها مثلا ما عطلت و لا حاجة زى ما اشتريتها من 3 سنين و نص بالظبط
4- العربية شكلها جميل جدا من بره
5- من الاخر عربية ممتازة فى كل حاجة فعلا فمش هعد اكتب كتير عن العربية علشان فعلا هى ممتازة فى كل حاجة و خصوصا كمان عزل الصوت و الحجم و الثبات الرهيب و الجودة و كل حاجة ماعدا العيوب
6- الكراسى مريحة جدااا جداااا
7-صاج العربية قوى جدا و بيستحمل الصدمات الشديدة
عيوبها
1- العربية نازلة من 2004 (بره) يعنى تكنولوجيا قديمة سواء فى الموتور مثلا اللى 161 حصان بس (2400) او 143 حصان (2000) يعنى مثلا الانترا الجديدة بتنزل بموتور 1600 و 140 حصان , تانى حاجة الفتيس 4 نقلات بس و العربية تقيلة وزنا فال 2400 يدوبك كويسة فى السحب و كدا بس متوقع ال2000 مش هتكون قد كده (بس طبعا لو قارنتها بالفانتازيا (الاوكتافيا) (علشان عندنا فانتازيا بتاعت والدتى) مثلا كانك بتقارن موتور 128 بموتور ميتسوبشى و لا بتقارن كورولا بفيرارى لان المواتير بتاعت الجيتا و الفانتازيا فعلا عيب تنزل فى عربية كدا و عن تجربة شخصية ).
2- الfacelift المضروب اللى نزله غبور , كله صينى و مش اصلى سواء الشاشات و الشاشة بتاعت الgps و الزينون التعبان الى ب 600 جنيه عند غبور و المرايات (انا مجربتوش الصراحة فمش عارف كويس و لا وحش).
3- العربية ال2000cc غبور الله يخليه شايل منها حاجات عن ال 2400 زى الcruise control و الairbag بتاعت اللى جنب السواق و التابلوه الابانوس.
4- جودة الفرش بتاعت الinterior وحشة اوى (اتحسنت بعد كدا فى الدفعات اللى بعد بتاعتى) بس فعلا تحس الفرش معمول فى ورشة ب 100 جنيه
5-اهم عيب فى العريبة الinterior بتاعها , اولا جودة التقفيل فيه مكانتش كويسة فى اول دفعة بتاعت 2007 (بيقولوا الكلام دا فى الدفعة دى بس) يعنى مثلا القايم بتاع حزام الامان مكنش متركب كويس فطلع لبره مثلا و حاجتين كمان مكنوش متثبتين كويس فى الinterior كانوا بيعملوا صوت و طبعا ثبتوهم فى التوكيل و انا واقف فى دقائق و عموما الinterior بتاعها مش اوى يعنى فوق المتوسط تقدر تقول , مش جميل زى الفانتازيا مثلا بس احسن من عربيات كتير بنفس التمن (العربية مثلا لون التابله اخضر مش ازرق و احمر زى العربيات الجديدة فمفيش العصرية فيها من جوه برده).
6- بالنسبة لقطع الغيار علطول كانت متوافرة (انا غيرت باب علشان كان اتخبط و الحاجات العادية بتاعت الصيانة و الشماسة و كبلن فى الضمان) دا كل اللى احتاجته و الشماسة مكانتش موجودة و جابوها فى اسبوع تقريبا من كوريا و كانت ب 1000 جنيه عندهم لو منغير ضمان , التيل مثلا علطول موجود و المرة الوحيدة اللى ملقتش فلتر الهواء فى صيانة ال60 و جابوه فى اسبوع برده بس انا استنت لصيانة ال65 لحد مغيرته بس عموما قطع الغيار متوفرة جدا و الباب كان ب 2600 و نيجى لنقطة اسعار قطع الغيار اولا الصيانات رخيصة جدا بس مشكلتها انها كل 5000 مش 10000 طبعا دا من غبور , بره 10000 بس قطع الغيار فى الاول كانت غالية جدااااا بس رخصت كتير فى الاخر يعنى مثلا الفانوس الواحد كان ب 2000 جنيه دلوقتى الفانوسين الخلفيين ب 2000 جنيه , الامامى كان ب 1750 مش عارف كام دلوقتى , الباب ب 2600 (من 6 شهور مثلا) , التيل كان ب 1000 جنيه الامامى (بيتغير معايا كل 15000 كيلو تقريبا) دلوقتى اعتقد ب 850 و دا غالى طبعا , التيل الخلفة كان ب 650 مش فاكر اتغير و لا لأ (بيتغير كل 25000 كيلو) , المرايات الجديدة ب 440 جنيه الواحدة بس (صينى تقريبا مع الfacelift المضروب ) , الأصلية كانت من سنة كدا قبل الfacelift ب 880 جنيه الواحدة , الشبكة ب 650 جنيه , دى اسعار قطع الغيار غالية طبعا نسبيا بس بالمقارنة للفيكترا مثلا قليلة جدا , بس الصيانات العادية بتبقى رخيصة حتى صيانة ال60000 كانت ب 2000 جنيه كلها تقريبا حاجة كدا
بس كخلاصة عن العربية :
العربية ممتازة جدااا جداااا يعيبها انها قديمة فى التكنولوجيا و الشكل الداخلى , التكنولوجيا زى الكاسيت الجديد التاتش و الbluetooth و الزينون و الحاجات دى و الفتيس ال4 نقلات و الموتور مش قوى اوى ( بالنسبة لانه 2000cc) و لون التابلوه من جوه و كدا , يعنى من الاخر اللى عايز عربية بجد و مستعد يتنزل عن فتحة السقف و الالحاجات المنظر زى لون التابلوه و الكلام دا العربية تناسبه جدا و خصوصا لو لعائلة لانها واسعة جداااا و كمان شكلها جميل , فى 2007 وحتى 2008 ناس كتير جدا كانت بيعجبها العربية و توقفنى تسالنى عليها فى الشارع
حاجة تانية نزول شكل جديد (بره لانه مش هينزل مصر لان هيونداى رفضت تجميع عربيات هنا و الفرنا كمان هتقف تجميعها فى 2012) فدى بتضايق بعض الناس
غبور منزل تمنها للرقم دا للتصفية لان اعتقد دى اخر دفعة هينزلها و بعدين خلاص مش هينزل تانى و بالسعر دا هى لقطة الصراحة حسب استخدام الشخص , يعنى مثلا بالمقارنة بالكورولا و الالنترا و الكلام دا انا اشتريها منغير مفكر , بس بالمقارنة للفانتازيا مثلا اللى هى ارخص منها بره لأ الفانتازيا فيها حاجات كتير اوى و تكنولوجيا احدث كتير زى الtype pressure و الbluetooth الاصلى و لون التابلوه و حاجات من الكلام دا مع موتور اقل ما يوصف عنه انه لا يصلح لعربية بالحجم دا فى الفانتازيا و طبعا interior الفانتازيا شيك جدا .
يعنى اللى عايز عربية بالتمن دا تبقى لقطة بس لو عايز يزود يجيب الفانتازيا مثلا لو مش فارق معاه الموتور.
على فكرة انا مكتر فى العيوب علشان ابقى صريح 100% مع اى حد بيفكر يشتريها لان المميزات كتير جدااا كفاية انها فئة الكامرى و بتنافس الكامرى و الاكورد بره مصر فعلا و لو اشتريتها كانك اشتريت كامرى بالظبط فى الاعتمادية و الشكل و حتى الinterior.
بصراحة السعر لقطة , لو 2400 يبقى احسن بس هيفرق كتير فى اعادة البيع و الضريبة طبعا
نسيت فى ال2400 , استهلاك البنزين لما بملى التنك (70 لتر) بيدينى حوالى 570-595 كيلو امشيهم و انا شايف ان دا كويس
لو احنا كنا فى 2007 تانى كنت اشتريتها تانى بدون ادنى تفكير نهائيا , لو احنا انهردة قبل العرض مكونتش اشتريتها بسبب نزول الفانتازيا اللى مثلا ب 200 الف فيها زينون و فتحة سقف و شاشة تاتش و gps و كل دا اصلى و مرايات كهربء و تابلوه ابيض و و وو حخاجات كتير اوى جميلة فعلا ماعدا الموتور
انما بالسعر الجديد بتاع غبور الصراحة الموضوع محتاج تفكير جامد انا علشان سنى صغير بحب العربية العصرية فممكن افكر شوية , بس لو حد مش فارق معاه الكلام دا يجيبها و هو مغمض و الصراحة انا مجربتش الشاشة و الحاجات اللى غبور نزلها بس للعلم دى مش اصلى بس مش عارف حلوة و شغالة كويس و لا لأ .
سؤال ؟
ليه سوناتا
شوف الفلونس
معلش يا شباب انا جاى ارد بالشكر بجد ليك يا باشا ردك جميل جدا ويتعملو موضوع لوحدهاقتباس:
المشاركة الأصلية كتبت بواسطة som3aa
جزاك الله خير وكل الاعضاء الخدومه المتعونه يا باشا
الف شكر على الشرح الوافى ....
ممكن توضيح للجملة دى:
بصراحة السعر لقطة , لو 2400 يبقى احسن بس هيفرق كتير فى اعادة البيع و الضريبة طبعا
اقتباس:
جزاك الله خير وكل الاعضاء الخدومه المتعونه يا باشا
العفو على ايهاقتباس:
الف شكر على الشرح الوافى ....
ممكن توضيح للجملة دى:
بصراحة السعر لقطة , لو 2400 يبقى احسن بس هيفرق كتير فى اعادة البيع و الضريبة طبعا
معنى الجملة ان ال2400 فيها شوية حاجات زيادة زى الcruise control و airbag للى جنب السواق و تابلوه خشب و كرسى كهرباء غير فرق القوة فى الموتور فهى طبعا احسن بس عيبها عليها ضريبة 3000 جنية و شوية فى السنة غير ال2000cc اللى عليها 1000 بس و طبعا دا بيفرق فى سعر اعادة البيع بتخسر اكتر بكتير فى ال2400 عن ال2000 لان فى فرق فى الضريبة و البنزين (بس مش كبير فى البنزين)
أنا الحمد لله دفعت الفلوس ومستني استلم الاسبوع الجاي إن شاء الله وفي ناس كتيرحاجزت معايا وفعلا ستوك ال2000cc خلص بس هينزل منها دفعة اخيرة هتتسلم يوم 20/1 وغبور عمل حركة غريبة شوية رجع تمن العربية زي الأول لكل الناس الي مكنتش حاجزه .هو م/سمعة اتكلم في أكترمن موضوع عن تاريخ العربية والجوائزاللي اخدتها وحجم مبيعاتها فـأنامش هتكلم في نقطة ديه. وحقيقي كلامه من أكترالحاجات اللي كونت قناعتي بالعربية.بس أنااخدت وقت طويل في قرارالشراء عشان بحب ادرس كل حاجة كويس عشان أكون مطمن.لاني مش من هواة التغيركتير فكان ليَّ كذا تجربة مع العربية في الفترة ديه. لدرجة ان بقيت مقتنع بيها من قبل التخفيض و شايف إن ثمنها قبل التخفيض معقول جدا صحيح إن غبوربيكسب فيها كتير لكن أنابتكلم عن أنا واخد إيه بكام.
الخلاصة:- الحجم : هي اوسع عربية سيدان في مصر بتمن اقل من 300000 وبداية من 300000 مفيش غير السوناتا 2011.- الموتور : مظبوط جدا على حجم العربية horse power مناسب جدا 143/6000 وعزم 190/4250 الارقام ديه مش موجودة في أي عربية في فئة السعر 170000) لل2000 CC(.أنا سوقت العربية أكترمن مرة مشاوير طويلة . ودايما كنت بوقف أي عربية سوناتا واخد رأي صاحبها. ودائما كان رأيهم ايجابي عن العربية.ولولا الضريبة كنت اشتريت ال2400 عشان الكروز كنترول مش موجود غيرفيها. ال2000 مناسبة جدا بس طبعا كل ما الموتور ما يكبرده بيدي متعة أكتر في السواقة بالذات في الطرق المفتوحة الي هي مش موجودة عندنا في مصرللاسف.- الثبات : وزن العربية وحجم الكاوتش مديها ثبات ممتاز يعني في واحد صاحبي عمل حادثة عشان اخد ملف جامد وكان ماشي 190 ومش واخد باله من كترالثبات.- الكماليات : كاسيت تاتش و GPS-Bluetooth-IPODDVD- طارة Multifunction- - كاميرة للركن- شاشات في المخادع – جنوط 16- زينون- فوانيسLED – فوانيس إشارة في المرايات- اماكن تخزين وكل الحاجات العادية المعروفة.الكاسيت صيني زي معظم الأنواع اللي في السوق بس معمول مخصوص للعربية وشغال مع ال multifunction . الشاشات برده نفس الكلام .الزينون مش قد كده بس أحسن حاجة انه موجودعلى الرخصة يعني تغيره وتمشي مطمن.- الخامات : مش فارقةخالص عن الكورولا 2010 مش بالفخامة اللي تتخيلها لما بتشوف العربية من بره.- الدهانات : اسوأما في العربية, غبوردهاناته وحشة قوي بس النبيتي معقول و الإسود كويس قوي.المهم في الاخرانته محتاج إيه ودافع في كام.اتفقت مع م/ سمعة ان لما استلم إن شاء الله هنعمل تقرير كامل بالصور.لو في حد عايز يسأل عن أي حاجة أنا تحت أمره.
هو حضرتك بتتكلم طبعا على الشكل القديم اتوماتيك 2010 هل فيه بلوتوث وgps ولادا في ال2400؟؟؟
وهو غبور رجعها تاني ب170 الف؟؟
ده عرض تصفيات بس الصراحة العربية تستاهل ومن العربيات المظلومة زى العربيات الفرنسى كدهاقتباس:
المشاركة الأصلية كتبت بواسطة dramir1
عربية تستاهل كل قرش فيها ... مشكلتها الوحيدة في نظري مصاريف التجديد السنوية عشان فئة اعلى .. بس هي فعلاً فئة اعلى من كل العربيات الـ1.6 لتر المنتشرة في السوق
بالتوفيق
2010 هي الشكل القديم . الشكل الجديد هو موديل 2011 الكماليات ديه موجودة في ال2000 والاقتباس:
المشاركة الأصلية كتبت بواسطة dramir1
2400 سعر ال2000 رجع تاني 170000 وال 2400 فاضل فيه عدد بسيط وسعره يرجع 190000 . وآخر دفعة في العربية هي هتكون في آخر شهر واحد بالسعر القديم
سعر التجديد في ال2000 حوالي 1000 جنيه اللي حاجة بسيطة . ال2400 2% من تمن العربية وبيقل 5% في السنة.اقتباس:
المشاركة الأصلية كتبت بواسطة m.osman
تصنيف السوناتا فى فئة السيدان المتوسطة فى امريكا...
http://usnews.rankingsandreviews.com/cars-trucks/rankings/Affordable-Midsize-Cars
/
يا رجالة انا كنت النهاردة فى المرور وكان فى واخد يا عينى بيشد فى شعره من ترخيص سوناتا ٢٠١٠ .. ٢٤٠٠ سي سي طالبين منة ١٠ آلاف جنية وشوية ترخيص فى السنة .. والله الراجل اللى فى المرور طلع الاجندة اللى مكتوب فيها الترخيص واسعاره علشان يتأكد من الرقم ده.. حد رخص سوناتا ٢٤٠٠ سي سي ٢٠١٠ قبل كدة هنا؟؟؟
اقتباس:
المشاركة الأصلية كتبت بواسطة asas2
هي ضريبتها 2% من تمنها سنويا وبتقل 10% كل سنة لحد ما توصل الحد الأدنى 1000 جنيه في السنة ...
بما انها في العرض سعرها 260 ألف فالضريبة أول سنة تبقى 3100 وتاني سنة (3100 - 310) وتالت سنة (3100 - 620) وهكذا...
يبقى أول 3 سنين 8370 جنيه .....
طبعا خراب بيوت بس مش للكل .. يعني لو دخلك الشهري يساوي أو يزيد عن المبلغ ده يبقى مش حتتعور أوي والمسألة حتبقى قريبة خاصة ان الضريبة كل 3 سنين وبتقل لحد ما توصل الحد الأدنى ....
على فكرة الـ 2400 سي سي فاضل منها اللون الاسود بس على حسب كلام معرض غبور في العبور فلو بتفكر فيها وشايفها مناسبة يبقى الحق قبل ما تخلص .......
ال10000 دول اكيد 3 سنين لان الضريبة حوالى 3050 جنيه فى السنة و بتقل 5% سنويااقتباس:
يا رجالة انا كنت النهاردة فى المرور وكان فى واخد يا عينى بيشد فى شعره من ترخيص سوناتا ٢٠١٠ .. ٢٤٠٠ سي سي طالبين منة ١٠ آلاف جنية وشوية ترخيص فى السنة .. والله الراجل اللى فى المرور طلع الاجندة اللى مكتوب فيها الترخيص واسعاره علشان يتأكد من الرقم ده.. حد رخص سوناتا ٢٤٠٠ سي سي ٢٠١٠ قبل كدة هنا؟؟؟
اقتباس:
المشاركة الأصلية كتبت بواسطة som3aa
يا باشا بتقل 10% سنويا حتى تصل للحد الأدنى وهو 1000 جنيه ...
اللي بتقل 5% سنويا إلى أن تصل للحد الأدنى وهو 200 جنيه هي ضريبة اللي أكتر من 1600 سي سي حتى 2030 سي سي .....
ده كله منصوص عليه في بالبند أولا من المادة السابعة من القانون رقم 114 لسنة 2008 :
" يستبدل بنص البند (8/أ) من المادة الأولى من القانون رقم 147 لسنة 1984 بفرض رسم تنمية الموارد المالية للدولة النص الآتى :
8- السيارات ورخص القيادة :
أ- رخصة تسيير السيارات الخاصة :
116 جنيها للسيارات التى لا تزيد السعة اللترية لمحركها على 1030 سم3 .
143 جنيها للسيارات التى تزيد السعة اللترية لمحركها على 1030 سم3 ولا تجاوز 1330 سم3 .
175 جنيها للسيارات التى تزيد السعة اللترية لمحركها على 1330 سم3 ولا تجاوز 1630 سم3 .
1000 جنيه بحد أدنى مائتى جنيه للسيارات التى تزيد السعة اللترية لمحركها على 1630سم3 ولا تجاوز 2030 سم3 ، على أن يخفض هذا الرسم بواقع 5% عن كل سنة تالية لسنة الموديل .
2% من ثمن السيارة بحد أدنى ألف جنيه للسيارات التى تزيد السعة اللترية لمحركها على 2030 سم3 .
ويحدد ثمن السيارة لأغراض تطبيق هذا الرسم على أساس قيمتها للأغراض الضريبية بالنسبة إلى السيارات المستوردة مضافا إليها الضرائب المستحقة عليها ، ووفقا لقوائم يصدر بها قرار من وزير المالية بالاتفاق مع وزير التجارة والصناعة بالنسبة إلى السيارات المنتجة محليا ، ويخفض الثمن بنسبة 10% عن كل سنة تالية لسنة الموديل " .
في انتظار التقرير من الناس اللي استلمو 2010
يا جماعة أنا بجد هتنقط, دي عربية حجم متوسط, إزاي تتقارن بعربيات حجم صغير مثل الفلونس أو المازدا 3, المازدا 3 دي زيها زي الإلانترا أو اللانسر, يا جماعة العربية ده لما كانت تقفيل كوري كانت بيبتدي سعرها من 240 ألف جنيه, دي بتتباع بره أغلى من المازدا 6, العربية تتفوق عن الجولف و الجيتا و الكرولا و كل الهبل ده, و تنافس الكامري و الليوبارو ليجاسي و بقوة, أحلى حاجة في العربية ده إنك بتدفع تمن قريب من تمنها الأصلي, يعني مش بتدي للبلد ده أي جمارك زي العربيات التانية, لكن الشعب المصري دماغه على قده, أصلها هونداي, و السوناتا تتفوق عن الجيتا المنتشرة و عن الباسات الألف و ربعومية سي سي ده, يا جماعة خدو اللينك ده و شوفو تمن العربية ده في أمريكا و قارنوه بتمن الكامري الحقيقي’ الكامري اللي بتتباع مانوال في مصر بأكتر من 500000 ألف جنيه, و هيا أساسا تمنها في أمريكا20000 دولار و السوناتا 19000دولار, أرجوكو إدخلو اللينك ده و إعرفو الحقيقة, و على فكرة السوناتا سابع أحسن عربية مبيعات في أمريكا’ و منتشرة جدا في استراليا
يا جماعة ده السوناتا 2011 بتبتدي من 300ألف عشان تجميع كوري
Car Compare on Yahoo! Autos - Compare new or used cars side by side - Yahoo! Autos
انا حاجز السوناتا و لسه مستلمتش . هما قالو التسليم يوم 20 يناير ؟ بس بجد كدة كتيير. انا دافع من يوم 7 ديسمبر. لو حد استلم ياريت يقولنا.
أنا الحمد لله استلمت الشهر اللي فات والعربية ماشية معايا حوالي 1700 كيلو دلوقتي. وكنت حاجز من تاني يوم العرض ومستلمتش إلى بعد خناقة وشكاوي طويلة وكل شوية وعود ومواعيد وردود خايبة لدرجة إن قلتلهم لو مسلمتنش يوم السبت مش هاخد العربية . وطلعوا سواق مخصوص جابهلي من أبورواش وسلموهالي.اقتباس:
المشاركة الأصلية كتبت بواسطة twistedgenius8
بعد المعناة ديه احب اقولك العربية تستاهل الخنقة اللي بتشوفها في غبور وتستاهل كل مليم دفعته فيها. ما شاء الله ممتازة امبارح جربتها في طريق سفر وكان أول مرة أجيب سرعة عالية . ال190 بيها زي ال140 أنا خفت أزود عشان أنا قلبي مش جامد قوي :) .
تاني حاجة العفشة ناعمة قوي ومناسبة جدا لشوارعنا المكسرة.
إن شاء الله بس الاقي وقت هبقى اعمل تقرير كامل عن العربية بالصور . وأي سؤال أنا تحت امرك