الموضوع: معروض عليا بيتلز وعايز رائيكم ؟

المشاركة الأصلية كتبت بواسطة أبو صلاح

ربنا يباركلك فيها يارب

انا فعلا بلاحظ ان ملاك هذه العربية بيحبوها حب غريب ومتمسكين بيها قوي
ممكن يبقى اشترى عربية تانية موديل السنة وبرضه محتفظ بالبيتلز مش عارف ليه

رغم اني لم بشوفها من بره مش بحب شكلها خالص
وبرضه لما خربت سواقتها أكتر من مرة مقدرتش امشي بيها أكتر من كيلو

اول ما تشوف العربية من بره تحس ان في حاجة غلط في شكلها و انها خنفسة و شكلها غبي جدا ...
أول مرة تركب فيها هتحس انك قاعد متكتف و زي ما يكون اللي جنبك قاعد في حجرك و انت في حجر اللي وراك
أول مرة هتسوقها هتحس ان الفيتيس و الغيارات داخلة في بعضها و انك مش عارف مقاسات العربية و هتخبطها مرتين تلاتة أو هتاخد مسحة أكبر بكتير من حجمها عشان تركنها

طبعا انت هتقول في نفسك و انا ايه اللي يقرفني ................ز


بعد ما تركب العربية لمدة أسبوع هتشوفها بعين تانية خالص .................

عربية راسية و ثابتة و لازقة في الأرض حتى على سرعة عالية ...
صوت الشكمان موسيقى ممتعة جدا ...
أعطال نادرة جدا جدا و صيانة مش مكلفة خالص ( تقريبا 500 جنيه كل سنة ونصف و ده المعدل بتاعي )
لو انت من هواة الغرز و اللعب بالعربية هتلاقي نفسك زي ما تكون بتلعب Need for speed في الشارع ...
هتسافر من مصر للمنيا ب 12 جنيه بنزين لمسافة 280 كيلو ...
هتفهم هيه ليه تصميمها كده زي ما تكون نصف كورة و ده العبقرية في التصميم اللي خلاها عايشة لحد النهاردة ... و كمان طريقة التصنيع المعتمدة على المسامير مش اللحام لصاج العربية .
بس مشكلة ان حد يركب ورا دي مالهاش حل الصراحة ...........

طبعا العربية دي ممكن كل واحد يعدل فيها و يديها استايل يغير فيها بشكل رائع و يخليها مختلفة عن أي عربية تاني من نفس الموديل ...