طلب تجربة للساجا مانيوال للمقارنة علشان عندي مشكلة في الفتيس

**amr_haggag** · 05-12-2010 10:36 AM

السلام عليكم
انا معايا العربية من 3 شهور دلوقتي وعندي مشكلة جامدة في الغيارات (الاول والتاني)
وعلشان دي اول عربية وتقريبا مسوقتش غيرها فكنت عايز اجرب عربية تانية يمكن اقدر احدد المشكلة عندي ولا ده الطبيعي.
او ممكن احد ملاك العربية يجرب عربيتي ويقوللي.
ياريت لو حد قريب من المعادي او المنيل.

**mmaaly** · 05-12-2010 12:41 PM

روح التوكيل ها يحل المشكلة على طول

**vsaga** · 05-12-2010 01:14 PM

هو الفتيس بتاعها كده تقيل وهتاخد عليه مع الوقت وكل صيانة قولهم عليه يشحموا فيه شوية لحد اما انت هاتخد عليه انما هو ده فتيسها

**sayed911** · 05-12-2010 03:41 PM

يعني حضرتك بتعاني من ثقل في الفتيس ؟

**amr_haggag** · 05-12-2010 04:55 PM

انا كنت في التوكيل امبارح وعملت صيانة ال5000 كم وقولتلهم على موضوع الفتيس وشحموه فعلا وحسيت انه اتحسن شوية بس بعد كده رجع تاني.
المشكلة ان دي اول عربية اسوقها فمش عارف احدد اي الطبيعي ويعني ايه تقيل بس انا حاسس ان فيه مشكلة غير موضوع انه تقيل،
انا كان نفسي حتى لو حد معاه العربية يسوق عربيتي ويقوللي ده الطبيعي زي عنده ولا حاجة تانية مش لازم انا اسوق عربيته يعني المهم ان في حد يقارن بين عربيتين وخلاص.

**sayed911** · 05-12-2010 06:20 PM

للأسف والله يا اخي انا عربيتي اوتوماتيك ومش بعرف اسوق مانيوال خالص :-d بس سؤال بصيت على زيت الفتيس ؟

**vsaga** · 06-12-2010 11:32 AM

والله ياباشا انا فى العبور لو تحب تجلى اوك ... بس هى فعلا دى فتسها العادى واتقالى كده فى التوكيل وفى ناس قالت ان لو غيرت زيت الفتيس خالص هايتظبط بس هو مع الوقت هتلاقى ايدك بتاخد عليه وهاتنقل بسلاسة

**SALAHHAKIM** · 06-12-2010 07:43 PM

السلام عليكم
الفتيس ناعم مفيش حاجه تقيله ولا حاجه عندى الحمد لله
انت لو تحب تجرب عربيتى تعالى مدينه نصر وجرب
واشوف عربيتك

**spiderloking** · 06-12-2010 11:34 PM

الفتيس في بروتون نوعا ما تقيل شويه بس الكلام ده في الاول بس و بعدين مع التليين و شويه شويه ايدك هتاخد عليه مش هتحس بيه بعد كدا خالص

**Mohtofy** · 07-12-2010 03:55 PM

المشاركة الأصلية كتبت بواسطة amr_haggag

السلام عليكم
انا معايا العربية من 3 شهور دلوقتي وعندي مشكلة جامدة في الغيارات (الاول والتاني)
وعلشان دي اول عربية وتقريبا مسوقتش غيرها فكنت عايز اجرب عربية تانية يمكن اقدر احدد المشكلة عندي ولا ده الطبيعي.
او ممكن احد ملاك العربية يجرب عربيتي ويقوللي.
ياريت لو حد قريب من المعادي او المنيل.

أنا عندى نفس المشكلة اللى عندك بالضبط الغيار الأول والثانى فيهم ثقل ورخمين فى النقل وبرده دى أول عربية أركبها وبصبر نفسى شوية لحد ما أروح التوكيل أعمل صيانة الـ 5000 وأقولهم عليها وأشوف أية النتيجة ... ربنا يسهل

الموضوع: طلب تجربة للساجا مانيوال للمقارنة علشان عندي مشكلة في الفتيس

LinkBack

أدوات الموضوع

عرض

-

-

-

-

المواضيع المتشابهه

اعمل ايه علشان يبقي عندي نت 24/7 ومش يقطع

عندي استفسار علشان الرخصة

مشكلة عصاية الفتيس وال rpm فى الصنى مانيوال

عندي مشكلة في الفتيس بتاع الاكسيل

عندي مشكلة في الفتيس!!!

الكلمات الدلالية لهذا الموضوع

المفضلات

المفضلات

ضوابط المشاركة