آمين يا رب العالمين
أحبائي في الله
أ/كريم منير..جزاك الله خيراً على حرصك الدائم على فتح أبواب الخير المختلفة للأعضاء هنا في المنتدى و إنك بتعرفنا طرق الخير بداية من موضوع الملابس المستعملة حتى هذا الموضوع، إن شاء الله هيكون جزاءاك الفردوس الاعلى.
الحاج أحمد
أبو مريم
أ/أكرم
م/طارق زويل
و كل الأعضاء اللي ساعدت في فك كرب أحمد حتى لو بقلبها والدعاء له بالشفاء.
شاكر لكم دعواتكم الغالية و أسأل الله أن يغفر لي ما لا تعلمون.
و أسأل الله لكم المغفرة و الرحمة و جنة الفردوس على ما بذلتموه لفك كرب أحمد رجب و والدته.
كنا عايزين نعرف أخبار العملية ايه و حالة أحمد ايه دلوقتي؟
و هل محتاج تبرع تاني
لأني بعد ماروحت البيت دورت في البيت على الورقة اللي أخدتها في آخر مرة تبرعت فيها
و لقيتها الحمد لله..و مكتوب فيها زي ما قلت للدكتورة إن التبرع بيكون بعد 3شهور
http://img135.imageshack.us/img135/372/1216211648.jpg
http://img192.imageshack.us/img192/4007/1216211634.jpg
المفروض كنت هاخد الورقة دي النهاردة و أروح أتبرع
لكن نسيت علشان كنت مستعجل إني أروح الجامعة لأنه كان آخر يوم لتقديم الدبلومات.
ربنا يبارك فيك يا أ/ محمد , و يجازيك بخير بنيتك ,
انا لسه متصل بوالده الطفل و قالتلي انهم أجلوا العملية للغد (السبت) صباحاً و انهم احتمال يحتاجوا دم بس لسه هيأكدوا عليها ,
على العموم لو تقدر تتبرع يا ريت متتأخرش و إن شاء الله يكون في ميزان حسناتك .
انا رأيي انك تروح عادي وسيبك من الورقة دي .... في خانة تاريخ آخر تبرع اكتب تاريخ من سنة او من 6 شهور ...... منعا لأي جدل مع الناس اللي هناك
للعلم فيه بعض ناس بتتبرع بعد اقل من شهر ومافيش مشاكل طالما حالته الصحية تسمح
وارجو من اللي يروح للتبرع يتأكد بنفسه ان التبرع اتكتب في التذكرة بتاعت الولد لأن ساعات بتحصل بعض اللخبطة والاهمال من الموظفين
واعتقد ان الولد ممكن يحتاج دم بعد العملية كمان علشان يرفعو نسبة الهيموجلوبين عنده
يعنى ياريت لو فيه كمان كيسين يبقوا رصيد للولد .... ولو ما احتاجش يبقو موجودين في بنك الدم لمن يحتاج وكله بثوابه
[mark=#fffbcc]السلام عليكم..
أنا فصيلتي a+ اسمي أبو حسام وده رقمي: 0113319990
ممكن أروح أتبرع بعد 9 مساء..
فإذا احتاجت الحالة إلى تبرع سريع قبل يوم الأربعاء وينفع التبرع بالليل أنا جاهز..
أو في أي وقت بالنهار بدءاً من الأربعاء أنا برضه جاهز..
ندعو الله أن يشفيه شفاء لا يغادر سقماً.. وأن يثبت يقين أهله بالله..وأن يقينا جميعاً كل شر نعلمه أو نجهله لأولادنا وأهلينا.. اللهم آمين..[/mark]
بنك الدم بيقفل حوالي الساعة 6 مساء ..... وكمان ام الولد لازم تكون موجودة علشان يبقى تذكرة العلاج بتاعت الولد معاها
لذلك يبيقى التبرع خلال ساعات النهار من 10 صباحا وحتى الساعة الرابعة او الخامسة مساء ...
ويستحسن ان ترتب بالاتصال بها علشان تكون منتظراك امام بنك الدم
رقم تليفونها 0117232967 واسمها أم عبد الرحمن
جزاك الله كل خير
سؤال تاني معلش.. لأني قرأت الموضوع بسرعة.. وفهمت أن الطقل المريض في مستشفى الدمرداش
فهل مكان التبرع بنك الدم الخاص بمستشفى الدمرداش نفسها يعني في غمرة؟ أم بنك الدم القومي اللي في الدقي؟ علشان أحاول لو ربنا أراد أن أذهب نهاراً..
طبعاً سأرتب إن شاء الله مع والدة الطفل لكن لا أريد أن أشغلها بهذه التفاصيل
جزاكم الله كل خير
ويا محمد انا مابعملش حاجة
النت وسيلة زي اي وسيلة ربنا ميسرها لينا تستخدم خير او شر
وكان الله في عون العبد ما كان العبد في عون اخيه
رجاء مرة تانية وتالتة ورابعة محدش يتاخر في التبرع بالدم
كلنا على عجلات كل يوم وبنشوف مصايب وكوارث
ومصر بتتصدر احصائيات حوادث ومصابين السيارات في العالم
ما تتاخروش على اخواتكم
الله اعلم الدور على مين
بعد الشر عن كل الناس
لكن محدش عارف نصيبة فين
ويمكن مايكونش انت ممكن يكون حد انت بتحبه
والدكاترة معاينا هنا ياكدو على كلامي
بسمع حكاوي يشيب لها الولدان من فقد الدم وتقطع الدم واختلاف الفصايل
ومصابين الحوادث بينزفو كتير جدا جدا
جزاكم الله كل خير
مش عايز اقول نعمل مقابلات ونروح نتبرع
كل واحد يتبرع براحته وحسب وقته
وجزاكم الله كل خير مرة تانية
ابو حسام جزاك الله كل خير
ايون التبرع في بنك دم مستشفي الدمرداش
اللي في العباسية قبل غمره
ولازم تكون ام الطفل موجودة عشان يتكتب تبرعك على تذكرة الطفل
عشان يوصل التبرع للولد