لو حد يعرف مزرعة او مكان بيبيع جديان و خرفان باسعار كويسة يا ريت يقولي و يا ريت مكان قريب من الهرم ؟؟
و ايه السعر الكويس حاليا للكيلو سواء للجديان او الخرفان ؟؟
عشان مايضحكش عليا
شكرا مقدما
لو حد يعرف مزرعة او مكان بيبيع جديان و خرفان باسعار كويسة يا ريت يقولي و يا ريت مكان قريب من الهرم ؟؟
و ايه السعر الكويس حاليا للكيلو سواء للجديان او الخرفان ؟؟
عشان مايضحكش عليا
شكرا مقدما
هاتي جاهز من الرحاب في واحد اسمو حسني او حضر موت حاجة كده
هو عند بوابة 5 وبيعمل حوالي 700 - 1200
جديان في الهرم..اعتقد في النزلة..أنا اعرف شيف في النزلة كنا بنتفق معاه زمان، بس طبعا كنا بندبح وهو بيطبخ
:049:وانا جاهزة للشوي والاكل والتتبيلة عليا
اخيرا حد هيعمل عزومة :star1:
ههههههههههه
ههههههههههههه
فهمتوني غلط ، دي مش عزومة ولا هايتشوي ولا اي حاجة
لو تعرفى طريق الصف اللى بعد حلوان بعد التبين كده بشويه فى قريه اسمها المنيا
هناك على الطريق هتلاقى كام جزار لحمة جديان واقفين بيبيعو
انا روحت هناك من سنه فاتت وفاصلت معاه وحسبلى كيلو اللحمه ب24جنيه
اتفقت معاه ساعتها انه يجيبلى 3جديان صاحيين ويدبحهم امامى وبعد كده وزنهم
بعد الذبح والسلخ يعنى لحمه بالعظم بس من غير الاجزاء اللى بتترمى
وقسمناهم انا وواحد صاحبى اشتركنا فيهم سوا
اكيد السعر اتغير دلوقتى لان الكلام من سنه بس وقتها لما روحت
سالت فى المعادى على ك لحمة الجديان لقيتها ب35جنيه يعنى فرق 11جنيه
ده كل اللى اعرفه والله على ما اقول شهيد
وبعدين معاكوا بقا أنا بحب لحم الجديان أوي يعني النيفة والريش وكل ما اشوف موضوع ليكوا لازم ابقا جعاااااااااااااااااااان مش عارف ليه :) d :049::049::049::049::049::049:
وألف مبروووووك على العربية
دا بدل ما تقلولي مبروك يا دونزي و كل واحدة تيجي و في ايدها حاجة اشي طقم دواسات ولا غطاء ووتر بروف ولا فرش ولا سبحة كريستال حتى
تؤ تؤ تؤ مكنش العشم ابدااااااااااااااا
كل همكوا تاكلوا و خلاص ، سيبوا حاجة للغلابة بقى
خلاص يا دونزى
سيبك من الناس الطماعة دى
وافتكرى اللى وقفوا معاكى
واللى هيشوفكى لو محتاجة كانى ولا مانى فى العربية
كيلو الخراف الحي وصل في العيد ال35جم والمفروض يريح شوية بعد العيد
كيلو الماعز 28 جنيه في بلبيس من غير فصال بس نصيحه خدي حد بيفهم في الموضوع ده
كنت جيت من شهر كنت عاملت معاك احلي واجب والله
اعتقد انه افضل مكان هيا الجزارين ولكن الأنضف والأسرع في التجهيز محلات وفروع مزارع دينا بيقوموا بالليلة على طول وانا بنالسبالي كنت دابح خروف من حوالي شهر وحاجة كان بحوالي 28 - 29 تقريبا يوم 6 اوكتوبر يعني مباقالوش فترة وكان حوالي بـ 1500 وده كان الجزار اللي جاب ودبح وزبط التزابيط ... بس من فضل حضرتك بالنسبة للقطعة بتاعتي انا بحبها مملحة ومن غير دهون اذا سمحتي :-D فيه out comers ?
شكرا جزيلا يا جماعة شكلها هاترسي على الجزار برضو