الموضوع: الموتسيكل اوفر ولا العربيه

بص يا استاذ حازم الموتوسكلات العاديه زى المكن الصينى او الجواا او الفسبا دى مش بتصرف فلوس خالص وقطع غيرها موجوده فى كل حته ورخيصه جدا اما الهوندا شوف بقى :


اولا :قطع الغيار غاليه لدرجه انها اغلى من بعض السيارات يعنى مثلا انا من يومين جبت الرداتير ب650 جنيه مع العلم انى راكب 250 عاده ودى ارخص مكنه فى الهوندا اما فى السيارات ممكن تعمل ردياتر عموله ب200 جنيه ويبقى شغال كويس حاجه تانيه طقم البوجيهات مثلا ب160 او 120 جنيه اما بعض العربيات ب60 او 80 جنيه


ثانيا: استهلاك الوقود فى الموتسيكلات عامه مش كبير اذا قارنته بالسيارات


ثالثا: المكانيكيه كل الصنيعيه بتوع اليابانى مش كويسين كلاهم الله يسمحهم وكلهم بتوع حوارات فى مش اى حد فيهم تصدقه

طبعا هتقولى انت مستحمل القرف ده ليه ما كنت جبت عربيه احسن هقولك انا غاوى فا انت لو غاوى اتفضل عيش اما لو بتتكلم من الناحيه العمليه يبقى بلاش احسن عشان وجع الدماغ

والله ياباشا انا شايف ان الاتنين مينفعش يتقارن بينهم لاسباب كتيره اهمها
ان الخبطه في البايك لاقدر الله بتزعل في حاجات كتير يعني اسعار ورش لحامات ورش الفيير غاليه
بالنسبه لاستهلاك البنزين فهو متقارب لان الاتنين تقريبا بيبقوا 4 سلندر
تغيير الزيت في البايك بيستهلك 4 لتر بالفلتر وده بتغيره كل 1000 كيلو
اي صيانه للبايك بتتكلف اكتر من العربيه
بس انا ليا راي طالما حضرتك بتحافظ علي حاجاتك في المساله هتختلف تماما

ياعنى لو الواحد جاب حاجة افراج من بورسعيد حالتها كويسه هيكون كويس ولا برده هتفحتنا مع الميكانيكيا
والف شكر لكل اللى اهتم ورد

المشاركة الأصلية كتبت بواسطة hazem845

ياعنى لو الواحد جاب حاجة افراج من بورسعيد حالتها كويسه هيكون كويس ولا برده هتفحتنا مع الميكانيكيا
والف شكر لكل اللى اهتم ورد

ياباشا مفيش فرق في اسعار هنا وبورسعيد
دانتا ممكن بورسعيد البايك يقف عليك اغلي شوية لانه لو افراج مش هينفع تمشي بيه وهتضطر تحمله علي عربيه وتنزله كايرو
شوف هنا احسن بس قبل ما تشتري دور كويس وكون فكره كويسه عن المعارض والبايكات

طيب ممكن 250 العادة يعمل كام افراج وال 400 العادة وهل فى حد الواحد يثق فيه ممكن يشترى منه

المشاركة الأصلية كتبت بواسطة hazem845

طيب ممكن 250 العادة يعمل كام افراج وال 400 العادة وهل فى حد الواحد يثق فيه ممكن يشترى منه

250 عاده افراج تمنه 14500 والمستعمل علي حسب الحاله
400 عاده سعره زي ال 250 فاير افراج 18500
واي حاجه علي حسب الحاله طبعا

ممكن تروح عند ايمن فوزي في شارع ذاكر حسين مدينه نصر

متشكرين يا باشا على تعبك ونصايحك الغاليه