:satelite::vctry:
جامدة كيك:satelite::Ta_clap[1]:
:verygood::verygood::verygood:
عرض للطباعة
احسن حل و عن تجربه فضى فردتين من الهوا و مش تكتب حاجه على العربيه و لا بتاع هو كده المفروض انه حا يفهم انا شخصيا عملت كده مع واحد ركن قدام الجراج بتاعنا مع ان فى عسكرى قدام البيت و قاله الناس دى بتخرج بعربيتها بلاش تركن هنا لكن تقول لمين لازم يعمل فهلوى و يركن برضه رحت مفضى له فردتين جنب الرصيف علشان تطلع عينه لما يجى يحط الكوريك و من يومها بيركن فى اى حته لكن مش قدام الجراج
ههههههههههههههههههههههههه هههههه
حبيبي دا انا بعاني من الموضوع ده
بس عارف احسن حل
ولا تفضي كاوتش ولا حاجه
هات قلم دوكو محترم
واكتبله علي زجاج الجنب (برجاء الأعتناء جراج خاص يا محترم)
واكتبهالو علي الزجاج اللي قدام وعلي زجاج الجنب التاني
هيطلع عين اللي خلفوه علشان يطلعها
وكده انت عاقبته بالذوق وبالأدب :))))))))))
حصلت معايا
وكتبت على باب الجراح بالبونط العريض ...... جراااااااح
شويه وهكتب .... جراااااااج الله يخرب بيتكم
فى مره كانت لادا واقفه وصاحبها معشقها وقافلها وسايبها
قومت جامع الناس واديكم معايا يا رجاله
قومت رافعله العربيه من الكبوت وهيللااااااا هوووووووب
زق زق زق لغايت ما رمتهاله فى نص الشارع
ومره تانيه واحده ست راكبه ورا
وجوزها نزل بقى ومعرفش راح فين
قالتلى طب المفتاح فيها طلعها لقدام شويه
وجيت اركب وبسم الله الرحمن الرحيم وبفتح فى الباب ( عربيه صفيحه سردين لادا موديل قديم جدآ )
الاكره بايظه طبعآ مديت ايدى وفتحت من جوه
المهم ركبت وببص على الفتيس لاقيت فى اخر فاتحه كبيره موصله للشارع
تقريبآ ده حمام عشان لما يتزنق ولا حاجه ( قولت فكك هو انا هتشتريها )
وبمور الفتيس ( اللى هو حتة حديده طالعه لفوق من غير راس حتى )
وجيب اول معرفش جبته ازاى المهم دور دور ( اصوات غريبه العربيه هتنفجر )
ودوس دبرياج برضه حديده واقف عليها بقى عشان تنزل
وادوس بنزين وانها تتحرك من مكانها ( انسى )
اخر ما زهقت قومت نازل وقايلها انا هستنى جوزك احسن
الحل ف كلمة واحدة.... بلطة
حصل في رأيي حلو بس مكلف شوية
دراعين هيدروليك و ادفينهم في الارض و عليهم قطعة مستطيلة كبيرة حديد قدام الجراج بحيث أي حد يقف امام الجراج تقوم رافع الهيدروليك و العربية معاهم فوق و تدخل من تحتها في جراجك و سيب العربية التانية مرفوعة لصاحبها في الهوا
بص
احسن الحلول في رأيي انك تركن وراه وتقفل عليه
وخليه هوا يدور عليك
وسيبه ملطوع
وعينك على عربيتك
لو لمسها
تنزل بقا وانتا معاك حجتين
الاولى انه ركن قدام الجراش والتانيه انه لمس العربية وتقوله بص انا عشان كرم اخلاقي مش هدفعك 15 جنيه تمن الركنه لكن هدفعك 10 جنيه بس ولو مش حابب تدفع يبقى معلش مش هقدر اطلعك لان صاحب الجراش بيحاسبنا على كل عربية تركن
وهيدفع زي ال ))%^*$ٌ# عشان يمشي يا اما خليه محشور
طيب فرضا انتا لقيت واحد راكن وهيبيت عربيته بقا
يعني ملهاش حل ركن مثلا بالليل متأخر
برضو دي حلها جميل ومش مكلف اطلاقا
قلم فولماستر واكتب عالازاز القدماني
الاحساس نعمة واللي اختشو ماتو لما انت تركن قدام باب جراشي تفتكر انا اعمل ايه؟؟؟!
وانا آسف عاللي عملته في عربيتك بس غصب عني عشان متركنش تاني هنا
ساعتها بقا لازم تتفرج عليه وهوا عماله يلف حوالين العربية عشان يعرف انتا عملتله فيها ايه وصدقني عمره مهيفكر يركن تاني
في كمان حاجات بس اذى وانا مبحبش الاذى
لو عربية قديمه
عودين كبريت في اماكن المفتاح (بس ساعتها هيواجه صعوبات في فتح العربية وهتتعطل انتا كتير لحد اما يفتحها)
وفي حاجه جامده جدا جدا جدا
تجيب حاجه وتسد بيها الشكمان والعربيه هتدور شويه وتقف وهيطلع عينه على مياخد باله ان الشكمان مسدود
في افكار كتير يعني الحقيقه
وصدقني لو قدام بيتي الكلام ده حصل انا ببساطه شديده ممكن اجيب كوريك من عندا واحطه تحت عربيه وهوب ارفع وازق لحد متبقى في نص الشارع
انا مره عملت لاتنين عندي فنفس اليوم ورقه مرسوم عليها جمجمه وعظمتين وكتبت مبقولكش متركنش هنا تاني لكن بقولك كلك ذوق
ههههههههههههههههههههههههه ههههههههههههه
تحياتي
للآسف الشديد
دي أحوال المصريين دلوقتي في حاجات كتيرة مش في الركن بس .
و بالنسبة للعربيات
الكل بيسوق و أكنه لوحده في الدنيا .... و أكن مفيش حد معاه
و اللي بيركن ....... برضه بيركن أكنه لوحده برضه
أنا لو مكانك .... لازم تعرفه أنه غلط أنه ركن أمام جراج
الأول أكتب ورقة و أتركها له لو هو متعود يركن في المكان ده علشان تحذره (قبل ما تتخذ أي اجراء )
لو مفيش أستجابة .......... يبقى ذنبه على جنبه و يستاهل اللي يجراله بعد كدا
و الأخوة قبلي أقترحوا عليك أقتراحات كتيرة
أنا شايف أن أفضلها هو اللي مفيهوش أذى مادي لصاحب العربية ...
يعني الأذى المعنوي كفاية .... أكتبله على الزجاج الأمامي و الجانبي بقلم دوكوا
ربنا يرحمنا من الأشكال اللي زي دي .......... للآسف البلد مليانة منهم