الموضوع: اية رأيكوا في سيارات المعاقين؟؟

يا جماعة الموضوع كان ماشى زى الفل قبل ما يطلعوا القرار بتاع الغاء فك حظر البيع عالى سيارات المعاقين إل قبل مرور 3 سنوات من تاريخ خروجها من الجمرك ودى معلومة لازم الكل يعرفها يعنى تبدأ عد 3 سنوات مش من تاريخ ترخيصها لأ من تاريخ خروجها من الجمرك . احنا برده وقعنا فى نفس المشكلة واحد لعب فى دماغ ابويا وقاله ان الموضوع ده حلو وممكن تجيب العربية رخيصة فقام أبويا متصل بواحد صاحبة فى دبى وقاله شفلى عربية فلاقى عربية متسوبيشى لانسر 2006 فاربيكة بكل معنى الكلمة واستراها ب 23000 درهم وتخيلوا اتبعتت لمصر ب 23000 درهم تانيين يعنى بتمن العربية وكده كله تمام العربية وصلت بس النقطة انها كانت اوتوماتيك والمعاق الأولانى بتاعنا كان مكتوب له عربية مانيوال ... خازووووق , المهم لقينا معاق تانى وكل ده والعربية واقفة فى الجمرك وبتعد تمن ركنتها والمعاق التانى أخد 12000 بس كان ماضى على وصولات أمانة وعقد بيع ودفعنا 30000 جنية جمارك للعربية وده الخازوووق التانى وطلعنا العربية بس المعاق مكنش معاه رخصة فلازم نطلعله رخصه علشان يعرف يرخص العربية وقعدنا فى غباوة بتوع المرور حوالى سنة ونص والعربية طالعه من الجمرك ولسه العربية بتاعتنا مترخصه من شهر 7 اللى فات .وفى خلال الفتره دى اتلغى فك خظر البيع . المشكلة بقه فى الحاجات اللى مكتوبة فى الرخصة وهى :
1- حظر جمارك يعنى العربية لو اتمسكت بيها هتتسحب منك وتروح بورسعيد وتدفع حوالى 3000 جنية وتطلعها تانى ودى ممكن تتغب عليها بدفع 9600 اللى هما بتوع فك حظر الجمارك .
2-حظر بيع يعنى ميعرفش المعاق يبيعهالك الا بعد 3 سنين .
3-مجهزة طبيا
4-لا يقودها الا مالكها
يعنى الرخصة بتاعتك متلغمة لو اتمسكت بيها تروح جوانتانامو ......................
واحد صاحبنا فى المرور قالنا روحوا ادفعوا 9600 وامشوا بيها عادى ودفى الحالة دى لو اتمسكت هتعامل كأنها عربية تقاد من غير مالكها وتخالف مروريا بدون علاقة الجمارك .
سؤاااااالى للناس دلوقتى لو انا سايقها واتسألت على الرخصة عامل ايه ؟ ولو وريتهاله هدفع غرامة قد ايه ؟