اية رأيكوا في سيارات المعاقين؟؟

**Eng_AmrAllam** · 05-12-2010 02:11 PM

كنت قاعد مع واحد صاحبي

وهو شغال تاجر بيستور عربيات من برة وبيجيب انصاص عربيات وشغال في قطع الغيار وكدة

ولقيت معاه عربيه هيونداي فيفا انا شفتها العربية مفهاش اي عيب خااالص ماشية 85 الف كيلو

وحالتها حاله الزيرو فسألته جايبها منين قالي انا ليا واحد صاحبي في ايطاليا بينزلي اي عربية عايزها من هناك

والعربية دي بتنزل لمعاقين وهو بيبعها هنا للي عايزها واللي بيشتريها بقي يمشي بيها برخصة المعاق

انا بصراحه الحوار دة عجبني فقولتله علي الانسر المكوه 2003 قالي ممكن انزلهالك ب30 الف والسعر دة شامل كل حاجة

يعني هيسلمني العربية برخصتها بكله والعربية اوتوماتيك و1600 وفتحه سقف وفول اوبشن

وطبعا هيجبهالي في حاله الزيرو

قولتله انا ممكن امشي بيها جو البلد واية النظام لو حد وقفني

قالي انت هتخليك بيها جوا البلد ولو حد وقفك قوله مش معاك رخصة العربية وتدفع 50 جنية غرامه

بس الاهم مدلوش رخصة العربية

وتقضي بيها ال 3 سنين ولو عايز تفك حظرها وتبيعها عادي او تخليها بردة عادي

اية رأيكوا في الكلام دة عشان بجد عجبني جداااا وقولت ممكن اجيبها واتنيني بيها جوا البلد ولو عايز اخرج برة

عندي عربية ولدي وخصوصا اني كنت مع صاحبي دة اما جاب الفيفا وكنا بنسافر ومحدش بيوقفنا

**midoabdeen** · 05-12-2010 02:16 PM

ماهو اللى حضرتك هاتدفعة لكل واحد يوقفك على مدار ال3 سنوات يعادل فرق ثمن العربية حاليا
وكمان بقى لو واحد وقفك ومابيخدش فلوس اية العمل
لو حضرتك مقتنع بالموضوع شوف عربية خلصت ال 3 سنين واشتريها ومتهيالى مكواة 2003 ياعنى بقالها 7 سنين ازاى بقى لسة 3 سنين

**Mo.Kareem** · 05-12-2010 02:17 PM

لو عندك وسطة هاتها معندكش بلاش منها ، ده كلام من الاخر علشان لو لا قدر الله حصل اى مشكلة وحد غبى خبطك او كمين رزل وقفك مش هتعرف تعمل حاجة وممكن العربية تتاخد منك ، لكن لو معاك وسطة كبيرة الموضوع ده هيكون زى الفل وانت الكسبان طبعا
تحياتى

**midoabdeen** · 05-12-2010 02:19 PM

بس على ما اعتقد حتى لو وسطة مش هاعد كل شوية اتصل بية علشان وقفت فى كمين من الاخر الحوار دة كلة بهدلة

**Eng_AmrAllam** · 05-12-2010 02:23 PM

المشاركة الأصلية كتبت بواسطة cdkareem

لو عندك وسطة هاتها معندكش بلاش منها ، ده كلام من الاخر علشان لو لا قدر الله حصل اى مشكلة وحد غبى خبطك او كمين رزل وقفك مش هتعرف تعمل حاجة وممكن العربية تتاخد منك ، لكن لو معاك وسطة كبيرة الموضوع ده هيكون زى الفل وانت الكسبان طبعا
تحياتى

مهو استخدمها جوا البلد

ولو كمين جوا البلد هعرف اعدي بكل سهوله منه

**Mo.Kareem** · 05-12-2010 02:24 PM

مهو انت كل يوم مش هتقف فى الكمين ولا كل يوم حد هيرزل عليك
ولا واحد غبى هيقبلك ، وبعدين الموضوع من اوله للاخره مغامرة يا ناجحة يا فشلة

**Mo.Kareem** · 05-12-2010 02:30 PM

المشاركة الأصلية كتبت بواسطة eng_amrallam

مهو استخدمها جوا البلد

ولو كمين جوا البلد هعرف اعدي بكل سهوله منه

الموضوع مش بالسهولة اللى حضرتك متخيلها دى عندك وسطة امروك كلها تمام معندكش هنبقى ماشى حاطط ايدك على قلبلك ولو لا قدر الله حد خبطك مش هتعرف تتعامل معه ولا تاخد منه حئق علشان مش هتقدر تروح القسم مثلاً علشان تعمل محضر ، معندكش وسطة بقى هاتها واركنها تحت البيت او فى جراش ال3 سنوات دول لحد ما تخلص وتدفع فلوسها بس لازم تكون عارف المعاق كويس جدااااااااااااااااااااااا ا علشان هتحتاجه بعد السنين دى علشان يبعلك العربية بعد ما تفك حظرها 0

**Eng_AmrAllam** · 05-12-2010 02:43 PM

المشاركة الأصلية كتبت بواسطة cdkareem

الموضوع مش بالسهولة اللى حضرتك متخيلها دى عندك وسطة امروك كلها تمام معندكش هنبقى ماشى حاطط ايدك على قلبلك ولو لا قدر الله حد خبطك مش هتعرف تتعامل معه ولا تاخد منه حئق علشان مش هتقدر تروح القسم مثلاً علشان تعمل محضر ، معندكش وسطة بقى هاتها واركنها تحت البيت او فى جراش ال3 سنوات دول لحد ما تخلص وتدفع فلوسها بس لازم تكون عارف المعاق كويس جدااااااااااااااااااااااا ا علشان هتحتاجه بعد السنين دى علشان يبعلك العربية بعد ما تفك حظرها 0

تمام

بس انا ممكن اخد عليه شيكات

بس افرض بقي انه مات في الفتره دي هيكون اية الوضع؟؟

**M.Elgergawy** · 05-12-2010 02:54 PM

يا جماعة فعلا الموضوع دا قوي جدا لان العربيات دي بتيجي فبريكة وفعلا زيرو أنا كنت ماشي فعلا في الموضوع دا وبعدين تراجعت لان المعوق ما كنتش واثق فيه بس في واحد صحبي جاب كورولا 95 1500 سي سي بسم الله ماشاء الله كأنها 2010 وجيه من اليابان عاملة 28 الف كيلو جبها ب 31 الف جنيه والمعوق 5000 جنيه ودفع سعتها 9600 فك حظر وخلص ووقفت عليه بحوالي 45 الف جنيه بس بعد ماخلص دا كلو طلع قرار ال3 سنين بس مدبهدل مش عارف يخرج بيها خالص بس فاضله 10 شهور ويتقل ملكية بس العربية تستاهل لانها مواصفات امريكية

**Mo.Kareem** · 05-12-2010 03:15 PM

المشاركة الأصلية كتبت بواسطة eng_amrallam

تمام

بس انا ممكن اخد عليه شيكات

بس افرض بقي انه مات في الفتره دي هيكون اية الوضع؟؟

هناك رأين فى الموضوع ده والفيصل بينهم جمارك مدينة نصر القول الاول ان ده بيكون احسن لو ( لا قدر الله توفى ) اللى هو صاحب العربية فك الحظر مابيدفعش وبتاخد العربية بتمنها بتاع بورسعيد والقول التانى ان الحظر لازم يدفع والمشكلة مش هنا المشكلة هل الورثة هيبيعواالعربية فعلاً ولا ممكن تحلو فى عينهيم وبرضه هقولك من الاخر اهم من فك الحظر ومن اللجان ومن كل الموال ده المعاق نفسه لازم تكون واثق فيه جداا ، ويا سيدى لو كنت واثق من المعاق هقولك على الحل الاكيد اللى على الخاص واللى تضمن بيه حئق