الموضوع: صيانة ال 20 ألف للماروتى- فى الجراج تحت البيت

باااشاا معلش نسيت استفسر لانى رحبت بيك ونسيت موضوع ههه
مبدئيااا
الكلام كبير اوي اوي يا كبير .........
انا استفد منه اكيد بس مقدرش اعمله لوحدي معنديش جراء صراحااا
لازم تجربه عمليه اساسي لان كلام غير فعل ولو ان حضرتك مفوتش هفواا مقلتهاش
بس العملي عملي برضوو
وسؤال
حضرتك بتجيب قطع غيار العربيه منين يعنى من حد معين ثقه فى بضاعته ولا من سنتر بتاع عربيه اللى توفيقيه...
لان فى طقم كهرباء عندة ب45 وحضرتك جايبه بحوالي62 هيكون في فرق جامد ولا عادي؟
وبعدين التيل اللى حضرتك غيرته امامى ولا خلفي واصلا مفروض يتغيرو كل قد ايه بالضبط
وانا لسه مغير لفيسكو 2000 ومعه فلتر واعد معايا 5500 ك لحد لدلوقت انزله ولا اصبر عليه شويااا؟؟
وفى الاخير تحياتى ليك

المشاركة الأصلية كتبت بواسطة lord.adel

باااشاا معلش نسيت استفسر لانى رحبت بيك ونسيت موضوع ههه
مبدئيااا
الكلام كبير اوي اوي يا كبير .........
انا استفد منه اكيد بس مقدرش اعمله لوحدي معنديش جراء صراحااا
لازم تجربه عمليه اساسي لان كلام غير فعل ولو ان حضرتك مفوتش هفواا مقلتهاش
بس العملي عملي برضوو
وسؤال
حضرتك بتجيب قطع غيار العربيه منين يعنى من حد معين ثقه فى بضاعته ولا من سنتر بتاع عربيه اللى توفيقيه...
لان فى طقم كهرباء عندة ب45 وحضرتك جايبه بحوالي62 هيكون في فرق جامد ولا عادي؟
وبعدين التيل اللى حضرتك غيرته امامى ولا خلفي واصلا مفروض يتغيرو كل قد ايه بالضبط
وانا لسه مغير لفيسكو 2000 ومعه فلتر واعد معايا 5500 ك لحد لدلوقت انزله ولا اصبر عليه شويااا؟؟
وفى الاخير تحياتى ليك

يا باشا البيت منور بأصحابه ودايما عامر

انا لحد ديلوقتى بجيب قطع الغيار من محل اسمه الشركة اليابانية فى مول قطع الغيار اللى فى شارع زكى فىالتوفيقية الدور التانى، والبوجيهات بجيبها من عند أى حد
انا غيرت التيل الامامى،
التيل مفروض يتغير لما يخلص، يمكن مراجعته بسهولة عن طريق رفع السيارة وفك فردة الكاوتش والنظر من فتحة دوشمة الفرامل الى سمك التيل، بيكون باين جدا، التيل طبعا بيكون فيه جزء حديد وجزء حشو، لو الجزء الحشو أقل من 3 مم لازم تغير التيل فورا، وطبعا لو سمعت صوت صرير معدنى مع الفرامل لازم تراجع التيل فورا
نزل الزيت الفيسكو 2000كفايه عليه 5000 كم، متستناش لما يحل منك، هو الناس اللى بتستعمله بتقعده فى الشتا اكتر من 5000 لكن خلينا ناخد بالأحوط، وطبعا فى الصيف ولا كيلومتر واحد بعد ال 5000 كيلومتر، وخلى تغيير الفلتر للمرة القادمة، يعنى غير الفلتر كل 10 آلاف كم

المشاركة الأصلية كتبت بواسطة sab3aawy

يا باشا البيت منور بأصحابه ودايما عامر

انا لحد ديلوقتى بجيب قطع الغيار من محل اسمه الشركة اليابانية فى مول قطع الغيار اللى فى شارع زكى فىالتوفيقية الدور التانى، والبوجيهات بجيبها من عند أى حد
انا غيرت التيل الامامى،
التيل مفروض يتغير لما يخلص، يمكن مراجعته بسهولة عن طريق رفع السيارة وفك فردة الكاوتش والنظر من فتحة دوشمة الفرامل الى سمك التيل، بيكون باين جدا، التيل طبعا بيكون فيه جزء حديد وجزء حشو، لو الجزء الحشو أقل من 3 مم لازم تغير التيل فورا، وطبعا لو سمعت صوت صرير معدنى مع الفرامل لازم تراجع التيل فورا
نزل الزيت الفيسكو 2000كفايه عليه 5000 كم، متستناش لما يحل منك، هو الناس اللى بتستعمله بتقعده فى الشتا اكتر من 5000 لكن خلينا ناخد بالأحوط، وطبعا فى الصيف ولا كيلومتر واحد بعد ال 5000 كيلومتر، وخلى تغيير الفلتر للمرة القادمة، يعنى غير الفلتر كل 10 آلاف كم

الله يكرمك يا كبير والله كلنا عايزن نقابلك بجد نتشرف بيك فى المقام الاول والاساسي والله
وتانى شي علشان نشوف معانا عربيتنا ونفهمها كويس ونصونها صح علشان توصنا هيااااا ...((:


اوكي الزيت هنزله واحط ال2000فيسكو تانى واعدة 5000 وبعد كدة اغير فلتر اوكي...
فلتر بنزين زي ما كتالوج ع 40الف مع السيور عربيه كلها مابتغيرر فى نفس الموعد ولا ايه نظام.
وبعدين ياجميل اسعار طقم كهرباء اللى قلت لحصرتك عليها في فرق عن اللى حضرتك كاتبها 22ج((:
تفرق ولا ايه وبعدين لما اجي اجيب بوجيه اقوله شمعه واحد مش 3 زلا انا غلطان؟

وبالنسبة لتيول والله هروح اكشف عليه واشوف بس فى نوع معين ولا اي حاجه؟
وزيت فتيس يتشيك عليه امتاا...
معلش انا مزعك بس صراحه كلام مع حضرتك مايخلص

1- بالنسبة لطقم الكهرباء انا كنت جايبهم يابانى الأبلاتين ب 20 والكوندنسر ب 20، يمكن بس علشان بلد المنشأ، لكن البوجيهات مش فارقة، انا شتريت 3 فقط ب 21وانت اشتريت 4 ب 30، يعنى مش فارقة تقريبا

2- زيت الفتيس كشف عليه كل ما تفتح الكبوت، العربية دى فيها ميزة خرافية بالنسبة لزيت الفتيس، انه له غطاء للكشف عليه لونه اسود شبه غطاء علبه الدواء بيتفك باليد موجود فى حوض الموتور فى جسم الفتيس فى وسط يسار الحوض تقريبا، هتفكه هتلاقى فيه مقاس متعلم اطمن ان الزيت على الماكس وشكله نضيف، انا غيرت لها زيت الفتيس بعد 5000 كيلومتر من الزيرو لانه كان شكله فيه رايش من تليين الفتيس ، حطيت لها زيت 90 تعاون ،ومن ساعتها كويس ومحتجتش اغيره ولا ازوده لكن بكشف عليه كل فترة كدة على سبيل الاطمئنان

3- لو قلت كلمة بوجيه بدون اضافات فالبياع بيعرف انك عايز بوجيه واحد شمعة، بوجيه 3 شمعاة بيتحدد بالأسم، وبعدين شكله واضح جدا، البوجيه ابو شمعة واحدة بيكون فى طرفه سنة واحدة متنية ، اما ال 3 شمعة فبيكون له 3 سنات متوزعين على دايرة البوجيه مثل علامة المرسيدس

4- امشى على الكتالوج فى كل مواعيد التغيير، اهل مكة ادرى بشعابها وصانع السيارة ادرى بادائها

5-التيل حاول تشوف ايه اللى موجود فى السوق واستنضف

لو الماروتي هتخلينا نسمع صوت المهندس سبعاوي
أنا هنزل الوقتي أشتري ماروتي وأغيرها التيل كمان وهي زيرو وبعدين أرجعها

منور المنتدى يا باشمهندس

أســـــــــــــــــــــــ ــــــــــتاذ ...... انار الله بصيرتك ياريس سبعاوي
بالنسبة للأخوان اللى اتكلموا عن تيل الفرامل انا كنت جايب تيل الفرامل بتاع الهوندا السيفيك تمانينات بيركب علي الماروتي زي الحلاوة بس للأسف مش فاكر كان بكام وعلى فكرة انا اللى مركبة في الاول كان عندي عجلة بتصفر لما بضرب فرامل قمت عملت عملية سفلتة للتيل " تفك التيل وتحكه في الاسفلت شوية " وتركبة هتلاقي صوت التصفير راح

المشاركة الأصلية كتبت بواسطة sab3aawy

اول صيانة للماروتى عملتها فى التوكيل ولاول وآخر مرة، اما صيانه ال 10 آلاف فعملتها عند الميكانيكى، بالنسبة لصيانة ال 20 ألف عملتها تحت البيت فى الجراج، وشملت الصيانة الآتى:

1- زيت 5000 كيلومتر، نوع بى بى فيسكو 2000، السعر 74 جنيه
2- فلتر زيت- فاج مصرى- السعر 12 جنيه
3- فلتر هواء روسى- 15 جنيه
4- 3 بوجيهات، فرنساوى- السعر 21 جنيه
5- أبلاتين يابانى- السعر 20 جنيه
6- كوندنسر يابانى، السعر 20 جنيه
7- تيل فرامل صينى، السعر 30 جنيه

المعدات التى احتجتها:
1- بنسة غراب لفك فلتر الزيت (البنسة/الزرادية اللى ليها كذا خرم يمكن توسيعها وتضييقها منهم)
2- مفاتيح 8-10-12-13 ومفك عادة وصليبة لفك العمة وتيل الفرامل والسبراتير
3- كوريك ومفتاح عجل
4-زرجينة حرف سى لكبس مكبس الفرامل
5- مفتاح 17 لفك طبة الزيت
6- نصف جركن قديم لتجميع الزيت القديم
7- قمع لصب الزيت الجديد
8- مفتاح البوجيهات الموجود ضمن عدة السيارة
9- قماشة قديمة للتنظيف
10- قطعة شحم للأبلاتين

الخطوات:

أ- تغيير الزيت وفلتر الزيت(يجب ان تكون السيارة مبطلة وباردة):
1- يجب ان تكون السيارة باردة لتجنب الاصابة
2-يتم فتح غطاء الزيت العلوى ووضع الجركن القديم تحت طبة الزيت ثم فك طبة الزيت باستخدام مفتاح 17 مع الحرص على عدم سقوطها فى الجركن ووضعها فى مكان امين
3- من أسفل يمين السيارة بين الاكصدام الأمامى والردياتير يتم تهوية فلتر الزيت بستخدام بنسة الغراب، ثم اكمال فكه باليد
4- تركيب الفلتر الجديد باستخدام عكس الخطوات السابقة والتقريط عليه بالبنسة الغراب مع عدم العنف لتجنب ثقب الفلتر
5- بعد نهاية تفريغ الزيت اسفل السيارة يتم سحب الجركن القديم واعادة تركيب الطبة مع التقريط المعتدل دون شدة زائدة
6- يوضع القمع مكان غطاء الزيت اعلى المحرك ويتم صب الزيت، يتم صب 3 كيلوجرامات ثم القياس باستخدام المقاس ويتم صب كمية اخرى لو احتاج الأمر لذلك
7- يغلق غطاء الزيت ويتم تجفيف اى قطرات ساقطة حول المحرك
8- يتم تدوير المحرك مع عدم كبس البنزين حتى انطفاء لمبة الزيت وترك المحرك دائر قليلا وملاحظة اسفل السيارة وهل يوجد اى تساقط زيت من الطبة او الفلتر والتقريط اذا لزم الأمر
9- يفضا اعادة قياس الزيت بعد أول مشوار للتأكد من ارتفاعه بعد ملئ كل الفراغات(يتم قياس الزيت والسيارة مبطلة وباردة- يعنى بعد أول مشوار بساعة على الأقل)

ب- تغيير فلتر الهواء:(يمكن اجراؤه اثناء الانتظار لتفريغ الزيت- يجب ان تكون السيارة مبطلة)
1- يتم فك مسمارغطاء العمة باستخدام مفتاح 10 ، ثم فك الخراطيم المرتبطة بالعمة باليد
2- يتم رفع الفلتر القديم باليد ووضع الفلتر الجديد مكانه مع الانتباه لعدم سفوط أى شئ داخل فتحة الكاربراتير
3- اعادة تركيب خراطيم العمة واعادة العمة لمكانها وربطها بمسمار 10

ج- تغيير البوجيهات:(يمكن اجراؤه اثناء الانتظار لتفريغ الزيت- يجب ان تكون السيارة مبطلة وباردة):

1- البوجيات مكانها امام المحرك بين المحرك والردياتير ومكن معرفة مكانها بمتابعة اسلاك البوجيهات،(الخارجة من مجموعة توزيع الشرارة) حتى نقطة وصولها لكل بوجيه
2- يتم نزع الأسلاك باليد مع الانتباه التام لمكان توصيل كل سلك حتى لا يحدث خطأ فى التركيب، يمكن استخدام اى طريقة لتعليم الاسلاك أو يمكن فك سلك البوجيه الذى يتم تغييره فقط واعادته فور تغيير البوجيه منعا للخطأ
3- يتم دفع ماسورة مفتاح البوجيه مكان السلك وفك البوجيه عكس عقارب الساعة حتى تمام فكه، ثم رفع المفتاح والتقاط البوجيه بالأصابع، يجب ان تكون السياةر باردة تماما لمنع الاصابات والحروق، يجب الانتباه لعدم سقوط البوجيه بين فراغات فرن الشكمان وإلا سيصعب التقاطه
4- يتم مراجعة المسافة بين سن شرارة البوجيه الجديد والأرضى، يجب ان تكون 1 مم، فى حالة انها اكثر من ذلك يمكن تضييقها بالطرق الخفيف وفى حالة انها اقل من ذلك يمكن توسيعها بسن مفك عادة
5- فى حالة ان طرف التوصيل (البلبلة) الخاص بالبوجيه الجديد منفصل يتم ربطه فى القلاووظ الموجود فى أعلى البوجيه
4- يتم وضع البوجيه الجديد فى فراغ مفتاح البوجيهات ودفعه بالمفتاح مكان البوجيه القديم مع الانتباه لعدم سقوطه،ثم ربطه فى اتجاه عقارب الساعة
5-يتم تكرار الخطوات مع البوجيهات 2، و 3، الترتيب لا يهم
6- يتم اعادة تركيب سلك البوجيه

د- تغيير الأبلاتين والكوندنسر( يجب ان تكون السيارة مبطلة ويستحسن فك أرضى البطارية وفى حالة عدم الرغبة فى فكه يجب التأكد تماما من ان السيارة لن يتم تدويرها بطريق الخطأ لأى سبب، ويجب ترك السيارة غير معشقة، حتى لا تتغير تقسيمة المحرك)
1-يتم فك كلبسات وش السبراتير ثم فك الوش نفسه
2- يتم ملاحظة وضع الشاكوش (يعنى راس الشاكوش بتشاور على فين)- يمكن استخدام كاميرا الموبايل لالتقاط صورة لوضع الشاكوش لمراجعتها لاحقا
3- يتم فك صامولة كونتر الاسبراتير والموجودة عند نقطة التقاء ساق السبراتير بجسم المحرك، الصامولة مربوطة على مشقبية(مجره) هى التى تسمح بتقديم وتأخير الكهرباء ، يتم ملاحظة وضعية الصامولة فى المشقبية قبل الفك
4- يتم فك وصلات الكهرباء الواصلة للسبراتير مع تذكر مكان كل وصلة( لا حاجة لفك اسلاك البوجيهات من وش الاسبراتير، فقط يتم فط وصلات الجهد المنخفض المرتبطة ببدن الاسبراتير نفسه فقط)
5- يتم رفع السبراتير من مكانه بهدوء
6- يتم فك مسامير ربط الأبلاتين والكوندنسر
7- يتم رفع الأبلاتين والكوندنسر
8- يتم وضع الكوندنسر الجديد وربطه فى مكانه بالمسمار الخاص به
9- يتم تشحيم كامة الأبلاتين الجديد (قطعة صغيرة لونها نبيتى او اسود فى جسم الابلاتين) بقطعة شحم ومثلها الجزء الملامس لها من عامود الشاكوش
10- يتم ربط المسمار الثابت للأبلاتين بالكامل أما المسمار المربوط على مجراه فيتم ربطه نصف ربط، ويتم لف عمود الشكاوش باليد ومللاحظة هل ملامسات الأبلاتين تفتح مسافة 1 مللى وتغلق بالكامل خلال اللفة أم لا، فى حالة ان الأبلاتين مش بيفتح يتم ابعاد الملامس الثابت قليلا وفى حالة انه مش بيقفل او بيفتح اكتر من 1 مم يتم تقريب الملامس الثبت، ثم تمام ربط المسمار على المجراه
11- يتم اعادة الاسبراتير الى مكانه كالتالى، يتم تبييت بدن الاسبراتير فى مكانه دون تبيت الشاكوش واعادة صامولة الكونتر فى مكانها مع ربطها نصف ربط وضبط بدن الاسبراتير فى مكانه الأصلى بحيث يكون مكان الصامولة بالنسبة للمجرة كما كان فى البداية، فى الخطة التالية يتم تسقيط الشاكوش الى نفس الوضع الذى كان عليه ، يمكن هنا الاستعانة بالصورة التى تم تصويرها، مع ملاحظة انه نظرا لطبيعة ترس الشاكوش اللولبية فانه لو تم ضبط الشاكوش على وضعه الأصلى قبل التسقيط فلن يسقط مكانه وانما سيقط منحرفا قليلا فى عكس التجاه عقارب الساعة، لذلك يجب تدوير الشاكوش فى اتجاه عقارب الساعة قليلا ثم محاولة تسقيطه وملاحظة وضعه بعد التسقيط بحيث يكون بعد التسقيط فى نفس وضعه الأول( أكرر هنا ممنوع منعا باتا تدورير السيارة او دفعها وهى معشقة أو اى شئ من شأنه تغيير وضعية تقسيمة الموتور منذ لحظة ما قبل فك الاسبراتير لحين اعادة كل شئ الى مكانه)
12- يتم اعادة كل الوصلات الكهربية التى تم فكها سابقا الى مكانها
13- يتم اعادة وش الاسبراتير الى مكانه
14- بعد التأكد من اعادة كل شئ الى مكانه عليك بالدعاء او قراءة صلاتك ثم حاول تدوير السيارة (أول مرة مدارتش معايا وبعدين اكتشفت انى كنت ناسى السلك اللى بين البوبينة والاسبراتير)

تغيير تيل الفرامل الأمامى:(يجب ان تكون السيارة مبطلة، ويتم تحجير العجلات فى الجهة المقابلة لجهة العمل، ممنوع تماما اى حد يدوس الفرامل منذ بدايه العمل وحتى نهايته، يمكن شد فرامل اليد):
1- يتم تهوية مسامير العجلات باستخدام مفتاح العجل ورفع السيارة بالكوريك (يفضل الكوريك التمساح لو كنت تمتلك واحدا)
2- لو كان لديك قورمة خشبية يفضل وضعها تحت مقص السيارة للأمان، ولو لم يكن لديك افعل مثل، اقوم بفك الاطار ووضعه تحت مقص السيارة عشان لو نزلت تنزل عليه
3- ستجد امامك طنبورة الفرامل وفى ثلثها الأمامى توجد كتلة من الحديد ، دى دوشمة الفرامل اللى احنا هنفكها علشان نوصل للتيل وهتلاقى التيل الخارجى باين فى وسطها، كل ناحية فيها قطعتين تيل، خارجى وداخلى، والتيل الجديد بييجى 4 قطع 2 يمين و2 شمال وفى كل ناحية داخلى وخارجى
4- الدوشمة مكونة من قطعتين ، مربوطين بمسمارين 13 طوال ماشايين موازيين للمحور العرضى للسيارة(يعنى موازيين للخط الوهمى الواصل بين العجلتين الاماميتين، واحد فى أعلى الدوشمة وواح فى اأسفلها، هنفك التحتانى ونهوى الفوقانى وبعد ما نهويه نخلى الجزء اللى ديلوقتى اصبح حر من الدوشمة يلف حوالين المسمار ده كاننا بنفتح شنطة العربية علشان نحرر الجزء ده، بعد كدة نفك المسمار ده خالص ونسحب الدوشمة ونركنها، ناخد بالنا ان الدوشمة مربوطة فى العربية بخرطوم الزيت، ممنوع منع باتا ترك الدوشمة متعلقة من خرطوم الزيت، نجيب حتة سلك ونربط الدوشمة فى مقص او مساعد علشان الخرطوم مينقطعش،

5- ناخد لحظة تأمل ونطبع فى ذاكرتنا التيل راكب ازاى، التيل الخارجى هو اللى بيكون واضح للعين طبعا، هو بايت فى مكانه فى نص الدوشمة الثابت، وفوق منه فيه حتة صاجة رفيعة مقعداه فى مكانه وتحت منه فيه واحدة مماثلة، ساعات التيل الجديد بييجى معاه الصاجتين دول وساعات لأ، عموما هم مش بيحصل لهام حاجة ويمكن دايما استخدام القدام مع التيل الجديد، لو مش مطمنين من ذاكرتنا ممكن نصور الموضوع بالموبايل، ودايما لو الامور اتعقدت عندنا الناحية التانية ممكن ناخدها مرجع، علشان كدة يفضل نخلص ناحية الاول ونقلفها وبعدين نروح للتانية

6- التيل بيخرج من مكانه باليد، مجرد اننا نمسكه ونشده لبرة هيطلع، لو قرر يعصلج لأى سبب يمكن نطره بمفك، ننطر التيل الخارجى وندفع الجديد مكانه مع مراعاة انه يبات بين قطعتين الصاج بنفس الطريقة اللى كان القديم بايت بيها، يكرر العمل مع التيل الداخل

7- لو حاولنا ديلوقتى نركب الجزء الخارجى من الدوشمة اللى احنا فكيناه ،ممكن نفضل باقى عمرنا نحاول نركبه من غير ما ننجح ، علشان نركب الجزء الخارجى فيه معلومة هامة لازم نعرفها وخطوة لازم نعملها، المعلومة هى ان كل التيل القديم ما بيتاكل المكبس بتاع الدوشمة بيعوض التآكل ده انه بيخرج شوية من مكانه، بمعنى اننا لما بنفرمل المكبس مش بيرجع مشواره كله لكن بيرجع حبه لحد ما يبقى يادوبك ملامس للتيل، وبالتالى المكبس فىالوضع القديم مظبوط على سمك التيل القديم المتآكل، ولو حاولنا نركبه على التيل الجديد بأى طريقة مش هريكب، لذلك لابد من اعادة المكبس لأنه يدخل بالكامل جوة الدوشمة، وده مستحيل تماما انه يتعمل بقوة اليد، علشان كدة بنستعمل زرجينة حرف سى، اللى هى على شكل حرف سى الانجليزى وفيها عمود مقلوظ ، بتتباع عند اى محل عدد، بنحط طرفها على جسم الدوشمة وطرفها التانى فى وسط المكبس( المكبس هو الشء المدور اللى موجود فى الجزء الخارجى من الدوشمة(إللى فكيناه) وملامس للتيل الداخلى، ونفضل نربط فى قلاووظ الزرجينة، هنلاحظ ان المكبس بيدخل لجوة، لحد ما يوصل انه يدخل تماما جوة الدوشمة وبعدين نفك الزرجينة، هنا هنلاحظ ان الدوشمة بقت تركب بسهولة على التيل الجديد، هنا بكرر ان ممنوع اى حد يدوس الفرامل اثناء العمل، لأن ده لو حصل هيهد اللى عملناه فى الخطوة دى ، ولو حصل فى أوقات اخرى ممكن يسبب ان المكبس يعصر فى اى حاجة ويدمرها او يتدمر، نقوم باعادة الدوشمة لمكانها وربط المسمارين والتقريط عليهما

8- نركب العجلة مكانها وننزل السيارة ونربط مسامير العجلة ونقرط عليها
9- نكرر كل الخطوات مع العجلة الاخرى
10- قبل الخروج بالسيارة ندوس فرامل كام مرة على الواقف وبعدين نتحرك بالرحة ونطمن ان العربية بتفرمل بشكل معقول
11- تيل الفرامل يحتاج تليين، اول اسبوع نحاول منعرضش العربية لفرملة قوية قدرالامكان لحد ما التيل يطبع

(تصميم تيل الفرامل بيختلف من سيارة لسيارة، بعض السيارات بيكون اسلوب اعادة المكبس لمكانه مختلف عن ما تم شرحه هنا، الكلام هنا على الماروتى، لو كان نوع سيارتك مختلف تأكد الاول من اسلوب اعادة المكبس لمكانه ومن تصميم دوشمة الفرامل، الأسلوب اللى انا شرحته ده يخص التيل الامامى فقط، لسة لم أجرب تغيير الخلفى)


اتمنى ان الموضوع يكون مفيد

تحياتى

عشرين الف شكر على الخطوات الرائعة دى
بس انا حليت ال ابلاتين و الكوندنسر بطريقة مختلفة شوية
بعد فك الشاكوش
فكيت مسمار الاسبراتير
لفيت الاسبراتير كله فى اتجاه عقارب الساعة و فكيت خرطوم اللى واصل فيه
فكيت مسمار الكوندنسر و مسمارين الابلاتين
و صامولة اللى فى الجنب 8
و بكدة طلع الكوندنسر و الابلاتين و ركبت غيرهم
و عنك ياسيدى و العربية بتنتش و تبطل فجأة و اخر مرة عملتها كنت فى الطريق الصحراوى امبارح و انا جاى من الفيوم و نزلت حركت الابلاتين شوية و دارت بعد كام محاولة مع الابلاتين و الحمد لله
اللى انا ملاحظة انها تنتش لما اخد مطب جامد اوى و بسرعة عالية
طبعا الطريق كنت ماشى على 120 و ما ينفعش اضرب فرامل فجأة علشان شوفت مطب او بالمعنى الاصح حفرة غويطة و لذلك نزلت فيها بسرعتى و اول ما ضغطت على البنزين نتشت منى العربية
و المكان التانى على المنزل اللى رايح على ميدان الرماية كان الطريق واقف و بيمشى سنة سنة و بطلت بردوا العربية و مكانتش عاوزة تدور
فالمشكلة عندى كدة ممكن تكون ايه