| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 42

  1. #1

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي صيانة ال 20 ألف للماروتى- فى الجراج تحت البيت - Facebook Twitter whatsapp انشر الموضوع فى :

    hasad">

    اول صيانة للماروتى عملتها فى التوكيل ولاول وآخر مرة، اما صيانه ال 10 آلاف فعملتها عند الميكانيكى، بالنسبة لصيانة ال 20 ألف عملتها تحت البيت فى الجراج، وشملت الصيانة الآتى:

    1- زيت 5000 كيلومتر، نوع بى بى فيسكو 2000، السعر 74 جنيه
    2- فلتر زيت- فاج مصرى- السعر 12 جنيه
    3- فلتر هواء روسى- 15 جنيه
    4- 3 بوجيهات، فرنساوى- السعر 21 جنيه
    5- أبلاتين يابانى- السعر 20 جنيه
    6- كوندنسر يابانى، السعر 20 جنيه
    7- تيل فرامل صينى، السعر 30 جنيه

    المعدات التى احتجتها:
    1- بنسة غراب لفك فلتر الزيت (البنسة/الزرادية اللى ليها كذا خرم يمكن توسيعها وتضييقها منهم)
    2- مفاتيح 8-10-12-13 ومفك عادة وصليبة لفك العمة وتيل الفرامل والسبراتير
    3- كوريك ومفتاح عجل
    4-زرجينة حرف سى لكبس مكبس الفرامل
    5- مفتاح 17 لفك طبة الزيت
    6- نصف جركن قديم لتجميع الزيت القديم
    7- قمع لصب الزيت الجديد
    8- مفتاح البوجيهات الموجود ضمن عدة السيارة
    9- قماشة قديمة للتنظيف
    10- قطعة شحم للأبلاتين

    الخطوات:

    أ- تغيير الزيت وفلتر الزيت(يجب ان تكون السيارة مبطلة وباردة):
    1- يجب ان تكون السيارة باردة لتجنب الاصابة
    2-يتم فتح غطاء الزيت العلوى ووضع الجركن القديم تحت طبة الزيت ثم فك طبة الزيت باستخدام مفتاح 17 مع الحرص على عدم سقوطها فى الجركن ووضعها فى مكان امين
    3- من أسفل يمين السيارة بين الاكصدام الأمامى والردياتير يتم تهوية فلتر الزيت بستخدام بنسة الغراب، ثم اكمال فكه باليد
    4- تركيب الفلتر الجديد باستخدام عكس الخطوات السابقة والتقريط عليه بالبنسة الغراب مع عدم العنف لتجنب ثقب الفلتر
    5- بعد نهاية تفريغ الزيت اسفل السيارة يتم سحب الجركن القديم واعادة تركيب الطبة مع التقريط المعتدل دون شدة زائدة
    6- يوضع القمع مكان غطاء الزيت اعلى المحرك ويتم صب الزيت، يتم صب 3 كيلوجرامات ثم القياس باستخدام المقاس ويتم صب كمية اخرى لو احتاج الأمر لذلك
    7- يغلق غطاء الزيت ويتم تجفيف اى قطرات ساقطة حول المحرك
    8- يتم تدوير المحرك مع عدم كبس البنزين حتى انطفاء لمبة الزيت وترك المحرك دائر قليلا وملاحظة اسفل السيارة وهل يوجد اى تساقط زيت من الطبة او الفلتر والتقريط اذا لزم الأمر
    9- يفضا اعادة قياس الزيت بعد أول مشوار للتأكد من ارتفاعه بعد ملئ كل الفراغات(يتم قياس الزيت والسيارة مبطلة وباردة- يعنى بعد أول مشوار بساعة على الأقل)

    ب- تغيير فلتر الهواء:(يمكن اجراؤه اثناء الانتظار لتفريغ الزيت- يجب ان تكون السيارة مبطلة)
    1- يتم فك مسمارغطاء العمة باستخدام مفتاح 10 ، ثم فك الخراطيم المرتبطة بالعمة باليد
    2- يتم رفع الفلتر القديم باليد ووضع الفلتر الجديد مكانه مع الانتباه لعدم سفوط أى شئ داخل فتحة الكاربراتير
    3- اعادة تركيب خراطيم العمة واعادة العمة لمكانها وربطها بمسمار 10

    ج- تغيير البوجيهات:(يمكن اجراؤه اثناء الانتظار لتفريغ الزيت- يجب ان تكون السيارة مبطلة وباردة):

    1- البوجيات مكانها امام المحرك بين المحرك والردياتير ومكن معرفة مكانها بمتابعة اسلاك البوجيهات،(الخارجة من مجموعة توزيع الشرارة) حتى نقطة وصولها لكل بوجيه
    2- يتم نزع الأسلاك باليد مع الانتباه التام لمكان توصيل كل سلك حتى لا يحدث خطأ فى التركيب، يمكن استخدام اى طريقة لتعليم الاسلاك أو يمكن فك سلك البوجيه الذى يتم تغييره فقط واعادته فور تغيير البوجيه منعا للخطأ
    3- يتم دفع ماسورة مفتاح البوجيه مكان السلك وفك البوجيه عكس عقارب الساعة حتى تمام فكه، ثم رفع المفتاح والتقاط البوجيه بالأصابع، يجب ان تكون السياةر باردة تماما لمنع الاصابات والحروق، يجب الانتباه لعدم سقوط البوجيه بين فراغات فرن الشكمان وإلا سيصعب التقاطه
    4- يتم مراجعة المسافة بين سن شرارة البوجيه الجديد والأرضى، يجب ان تكون 1 مم، فى حالة انها اكثر من ذلك يمكن تضييقها بالطرق الخفيف وفى حالة انها اقل من ذلك يمكن توسيعها بسن مفك عادة
    5- فى حالة ان طرف التوصيل (البلبلة) الخاص بالبوجيه الجديد منفصل يتم ربطه فى القلاووظ الموجود فى أعلى البوجيه
    4- يتم وضع البوجيه الجديد فى فراغ مفتاح البوجيهات ودفعه بالمفتاح مكان البوجيه القديم مع الانتباه لعدم سقوطه،ثم ربطه فى اتجاه عقارب الساعة
    5-يتم تكرار الخطوات مع البوجيهات 2، و 3، الترتيب لا يهم
    6- يتم اعادة تركيب سلك البوجيه

    د- تغيير الأبلاتين والكوندنسر( يجب ان تكون السيارة مبطلة ويستحسن فك أرضى البطارية وفى حالة عدم الرغبة فى فكه يجب التأكد تماما من ان السيارة لن يتم تدويرها بطريق الخطأ لأى سبب، ويجب ترك السيارة غير معشقة، حتى لا تتغير تقسيمة المحرك)
    1-يتم فك كلبسات وش السبراتير ثم فك الوش نفسه
    2- يتم ملاحظة وضع الشاكوش (يعنى راس الشاكوش بتشاور على فين)- يمكن استخدام كاميرا الموبايل لالتقاط صورة لوضع الشاكوش لمراجعتها لاحقا
    3- يتم فك صامولة كونتر الاسبراتير والموجودة عند نقطة التقاء ساق السبراتير بجسم المحرك، الصامولة مربوطة على مشقبية(مجره) هى التى تسمح بتقديم وتأخير الكهرباء ، يتم ملاحظة وضعية الصامولة فى المشقبية قبل الفك
    4- يتم فك وصلات الكهرباء الواصلة للسبراتير مع تذكر مكان كل وصلة( لا حاجة لفك اسلاك البوجيهات من وش الاسبراتير، فقط يتم فط وصلات الجهد المنخفض المرتبطة ببدن الاسبراتير نفسه فقط)
    5- يتم رفع السبراتير من مكانه بهدوء
    6- يتم فك مسامير ربط الأبلاتين والكوندنسر
    7- يتم رفع الأبلاتين والكوندنسر
    8- يتم وضع الكوندنسر الجديد وربطه فى مكانه بالمسمار الخاص به
    9- يتم تشحيم كامة الأبلاتين الجديد (قطعة صغيرة لونها نبيتى او اسود فى جسم الابلاتين) بقطعة شحم ومثلها الجزء الملامس لها من عامود الشاكوش
    10- يتم ربط المسمار الثابت للأبلاتين بالكامل أما المسمار المربوط على مجراه فيتم ربطه نصف ربط، ويتم لف عمود الشكاوش باليد ومللاحظة هل ملامسات الأبلاتين تفتح مسافة 1 مللى وتغلق بالكامل خلال اللفة أم لا، فى حالة ان الأبلاتين مش بيفتح يتم ابعاد الملامس الثابت قليلا وفى حالة انه مش بيقفل او بيفتح اكتر من 1 مم يتم تقريب الملامس الثبت، ثم تمام ربط المسمار على المجراه
    11- يتم اعادة الاسبراتير الى مكانه كالتالى، يتم تبييت بدن الاسبراتير فى مكانه دون تبيت الشاكوش واعادة صامولة الكونتر فى مكانها مع ربطها نصف ربط وضبط بدن الاسبراتير فى مكانه الأصلى بحيث يكون مكان الصامولة بالنسبة للمجرة كما كان فى البداية، فى الخطة التالية يتم تسقيط الشاكوش الى نفس الوضع الذى كان عليه ، يمكن هنا الاستعانة بالصورة التى تم تصويرها، مع ملاحظة انه نظرا لطبيعة ترس الشاكوش اللولبية فانه لو تم ضبط الشاكوش على وضعه الأصلى قبل التسقيط فلن يسقط مكانه وانما سيقط منحرفا قليلا فى عكس التجاه عقارب الساعة، لذلك يجب تدوير الشاكوش فى اتجاه عقارب الساعة قليلا ثم محاولة تسقيطه وملاحظة وضعه بعد التسقيط بحيث يكون بعد التسقيط فى نفس وضعه الأول( أكرر هنا ممنوع منعا باتا تدورير السيارة او دفعها وهى معشقة أو اى شئ من شأنه تغيير وضعية تقسيمة الموتور منذ لحظة ما قبل فك الاسبراتير لحين اعادة كل شئ الى مكانه)
    12- يتم اعادة كل الوصلات الكهربية التى تم فكها سابقا الى مكانها
    13- يتم اعادة وش الاسبراتير الى مكانه
    14- بعد التأكد من اعادة كل شئ الى مكانه عليك بالدعاء او قراءة صلاتك ثم حاول تدوير السيارة (أول مرة مدارتش معايا وبعدين اكتشفت انى كنت ناسى السلك اللى بين البوبينة والاسبراتير)

    تغيير تيل الفرامل الأمامى:(يجب ان تكون السيارة مبطلة، ويتم تحجير العجلات فى الجهة المقابلة لجهة العمل، ممنوع تماما اى حد يدوس الفرامل منذ بدايه العمل وحتى نهايته، يمكن شد فرامل اليد):
    1- يتم تهوية مسامير العجلات باستخدام مفتاح العجل ورفع السيارة بالكوريك (يفضل الكوريك التمساح لو كنت تمتلك واحدا)
    2- لو كان لديك قورمة خشبية يفضل وضعها تحت مقص السيارة للأمان، ولو لم يكن لديك افعل مثل، اقوم بفك الاطار ووضعه تحت مقص السيارة عشان لو نزلت تنزل عليه
    3- ستجد امامك طنبورة الفرامل وفى ثلثها الأمامى توجد كتلة من الحديد ، دى دوشمة الفرامل اللى احنا هنفكها علشان نوصل للتيل وهتلاقى التيل الخارجى باين فى وسطها، كل ناحية فيها قطعتين تيل، خارجى وداخلى، والتيل الجديد بييجى 4 قطع 2 يمين و2 شمال وفى كل ناحية داخلى وخارجى
    4- الدوشمة مكونة من قطعتين ، مربوطين بمسمارين 13 طوال ماشايين موازيين للمحور العرضى للسيارة(يعنى موازيين للخط الوهمى الواصل بين العجلتين الاماميتين، واحد فى أعلى الدوشمة وواح فى اأسفلها، هنفك التحتانى ونهوى الفوقانى وبعد ما نهويه نخلى الجزء اللى ديلوقتى اصبح حر من الدوشمة يلف حوالين المسمار ده كاننا بنفتح شنطة العربية علشان نحرر الجزء ده، بعد كدة نفك المسمار ده خالص ونسحب الدوشمة ونركنها، ناخد بالنا ان الدوشمة مربوطة فى العربية بخرطوم الزيت، ممنوع منع باتا ترك الدوشمة متعلقة من خرطوم الزيت، نجيب حتة سلك ونربط الدوشمة فى مقص او مساعد علشان الخرطوم مينقطعش،

    5- ناخد لحظة تأمل ونطبع فى ذاكرتنا التيل راكب ازاى، التيل الخارجى هو اللى بيكون واضح للعين طبعا، هو بايت فى مكانه فى نص الدوشمة الثابت، وفوق منه فيه حتة صاجة رفيعة مقعداه فى مكانه وتحت منه فيه واحدة مماثلة، ساعات التيل الجديد بييجى معاه الصاجتين دول وساعات لأ، عموما هم مش بيحصل لهام حاجة ويمكن دايما استخدام القدام مع التيل الجديد، لو مش مطمنين من ذاكرتنا ممكن نصور الموضوع بالموبايل، ودايما لو الامور اتعقدت عندنا الناحية التانية ممكن ناخدها مرجع، علشان كدة يفضل نخلص ناحية الاول ونقلفها وبعدين نروح للتانية

    6- التيل بيخرج من مكانه باليد، مجرد اننا نمسكه ونشده لبرة هيطلع، لو قرر يعصلج لأى سبب يمكن نطره بمفك، ننطر التيل الخارجى وندفع الجديد مكانه مع مراعاة انه يبات بين قطعتين الصاج بنفس الطريقة اللى كان القديم بايت بيها، يكرر العمل مع التيل الداخل

    7- لو حاولنا ديلوقتى نركب الجزء الخارجى من الدوشمة اللى احنا فكيناه ،ممكن نفضل باقى عمرنا نحاول نركبه من غير ما ننجح ، علشان نركب الجزء الخارجى فيه معلومة هامة لازم نعرفها وخطوة لازم نعملها، المعلومة هى ان كل التيل القديم ما بيتاكل المكبس بتاع الدوشمة بيعوض التآكل ده انه بيخرج شوية من مكانه، بمعنى اننا لما بنفرمل المكبس مش بيرجع مشواره كله لكن بيرجع حبه لحد ما يبقى يادوبك ملامس للتيل، وبالتالى المكبس فىالوضع القديم مظبوط على سمك التيل القديم المتآكل، ولو حاولنا نركبه على التيل الجديد بأى طريقة مش هريكب، لذلك لابد من اعادة المكبس لأنه يدخل بالكامل جوة الدوشمة، وده مستحيل تماما انه يتعمل بقوة اليد، علشان كدة بنستعمل زرجينة حرف سى، اللى هى على شكل حرف سى الانجليزى وفيها عمود مقلوظ ، بتتباع عند اى محل عدد، بنحط طرفها على جسم الدوشمة وطرفها التانى فى وسط المكبس( المكبس هو الشء المدور اللى موجود فى الجزء الخارجى من الدوشمة(إللى فكيناه) وملامس للتيل الداخلى، ونفضل نربط فى قلاووظ الزرجينة، هنلاحظ ان المكبس بيدخل لجوة، لحد ما يوصل انه يدخل تماما جوة الدوشمة وبعدين نفك الزرجينة، هنا هنلاحظ ان الدوشمة بقت تركب بسهولة على التيل الجديد، هنا بكرر ان ممنوع اى حد يدوس الفرامل اثناء العمل، لأن ده لو حصل هيهد اللى عملناه فى الخطوة دى ، ولو حصل فى أوقات اخرى ممكن يسبب ان المكبس يعصر فى اى حاجة ويدمرها او يتدمر، نقوم باعادة الدوشمة لمكانها وربط المسمارين والتقريط عليهما

    8- نركب العجلة مكانها وننزل السيارة ونربط مسامير العجلة ونقرط عليها
    9- نكرر كل الخطوات مع العجلة الاخرى
    10- قبل الخروج بالسيارة ندوس فرامل كام مرة على الواقف وبعدين نتحرك بالرحة ونطمن ان العربية بتفرمل بشكل معقول
    11- تيل الفرامل يحتاج تليين، اول اسبوع نحاول منعرضش العربية لفرملة قوية قدرالامكان لحد ما التيل يطبع

    (تصميم تيل الفرامل بيختلف من سيارة لسيارة، بعض السيارات بيكون اسلوب اعادة المكبس لمكانه مختلف عن ما تم شرحه هنا، الكلام هنا على الماروتى، لو كان نوع سيارتك مختلف تأكد الاول من اسلوب اعادة المكبس لمكانه ومن تصميم دوشمة الفرامل، الأسلوب اللى انا شرحته ده يخص التيل الامامى فقط، لسة لم أجرب تغيير الخلفى)


    اتمنى ان الموضوع يكون مفيد

    تحياتى

    سبعاوى
    _______________________________________________


  2. #2

    الصورة الرمزية Ahmed.Ali

    رقم العضوية : 33269

    تاريخ التسجيل : 17Feb2009

    المشاركات : 1,622

    النوع : ذكر

    الاقامة : 6 October

    السيارة: Hyundai Getz 2005 1.3CC

    السيارة[2]: Gen2 2010

    دراجة بخارية: -

    الحالة : Ahmed.Ali غير متواجد حالياً

    افتراضي -

    بجد وحشتني و الشغل تمام التمام

    نختلف .. نتحاور و نتناقش , لكن نتبادل الاتهامات ... ده امر مرفوض نهائيــــــــــــــــــــ ــــاً
    حكمه من مهاب سعيد
    TheEgyption سابقا


  3. #3

    الصورة الرمزية أبو صلاح

    رقم العضوية : 30921

    تاريخ التسجيل : 23Jan2009

    المشاركات : 4,877

    النوع : ذكر

    الاقامة : KSA

    السيارة: kia rio 2001

    السيارة[2]: Lincoln Town Car 2001 4.6

    دراجة بخارية: لايوجد

    الحالة : أبو صلاح غير متواجد حالياً

    افتراضي -

    الله ينور يا سبعاوي باشا
    ومنور المنتدى
    وحمد لله على سلامتك


    هو ده الابداع ولا بلاش


  4. #4

    الصورة الرمزية hamaza81

    رقم العضوية : 64564

    تاريخ التسجيل : 08Mar2010

    المشاركات : 515

    النوع : ذكر

    الاقامة : Faisal - Giza

    السيارة: Gen 2 - 2013

    السيارة[2]: Suzuki Maruti 2010

    دراجة بخارية: -

    الحالة : hamaza81 غير متواجد حالياً

    افتراضي -

    الله ينور ياباشا
    بس معلش هو مش الافضل ان الواحد يجيب تيل فرامل اصلي (ياباني او هندي لأني مش عارف الاصلي صناعة ايه)
    ؟؟؟؟


  5. #5

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : dr.hazem غير متواجد حالياً

    افتراضي -

    سبعاااااااااااااااااااااا اوي
    يابشمهندس متحرمنااااااااااااش منك
    والله كنت مزنوق علشان اعملها هتخليني اعمل كل حاجه بايدي ان شاء الله

    اخلص من الامتحانات واعمل الشغل

    متنساناش الله يرضى عليك

    بالتوفيق يا حبيبنا الغائب الحاضر

    don't judge a car unless you have driven it

    hm414 سابقا


  6. #6

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    اقتباس المشاركة الأصلية كتبت بواسطة hamaza81 مشاهدة المشاركة
    الله ينور ياباشا
    بس معلش هو مش الافضل ان الواحد يجيب تيل فرامل اصلي (ياباني او هندي لأني مش عارف الاصلي صناعة ايه)
    ؟؟؟؟
    بالتاكيد افضل، لكن لما يكون الأصلى سعره 10 أضعاف سعر الموجود برة وبشكل غير منطقى خاصة انه هندى، فانا مش هفكر فى الأصلى،انا برضه كنت قلقان منه فى الأول لكن كنت شايل القيدم معايا وكان لسة فيه شوية لحمية وعدتى معايا فى العربية وقلت لو ده حصل له حاجة فى أى وقت هركب التانى لكن انا ماشى 5000 كيلومتر بالتيل الصينى ومش متضايق منه فى اى حاجة، فيعنى هى كانت مغامرة ونجحت

    سبعاوى
    _______________________________________________


  7. #7

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    مش حضرتك كان عندك نيسان صنى الشكل اللى هى الرينو سكالا دلوقتى؟

    القران الكريم بجودة صوت عاليه جدا
    http://www.nilemotors.net/Nile/230790-a.html


  8. #8

    الصورة الرمزية Michael_Lanos

    رقم العضوية : 23431

    تاريخ التسجيل : 27Oct2008

    المشاركات : 2,991

    النوع : ذكر

    الاقامة : Alexandria

    السيارة: كفايه واحده

    السيارة[2]: Daewoo Lanos '99

    دراجة بخارية: None

    الحالة : Michael_Lanos غير متواجد حالياً

    افتراضي -

    سبعاوى باشا
    الله ينور شغل منظم ومرتب

    ربنا موجود


  9. #9

    الصورة الرمزية hamaza81

    رقم العضوية : 64564

    تاريخ التسجيل : 08Mar2010

    المشاركات : 515

    النوع : ذكر

    الاقامة : Faisal - Giza

    السيارة: Gen 2 - 2013

    السيارة[2]: Suzuki Maruti 2010

    دراجة بخارية: -

    الحالة : hamaza81 غير متواجد حالياً

    افتراضي -

    اقتباس المشاركة الأصلية كتبت بواسطة sab3aawy مشاهدة المشاركة
    بالتاكيد افضل، لكن لما يكون الأصلى سعره 10 أضعاف سعر الموجود برة وبشكل غير منطقى خاصة انه هندى، فانا مش هفكر فى الأصلى،انا برضه كنت قلقان منه فى الأول لكن كنت شايل القيدم معايا وكان لسة فيه شوية لحمية وعدتى معايا فى العربية وقلت لو ده حصل له حاجة فى أى وقت هركب التانى لكن انا ماشى 5000 كيلومتر بالتيل الصينى ومش متضايق منه فى اى حاجة، فيعنى هى كانت مغامرة ونجحت
    ربنا يخليك لينا يا كبير


  10. #10

    الصورة الرمزية LORD.ADeL

    رقم العضوية : 44986

    تاريخ التسجيل : 16Aug2009

    المشاركات : 2,382

    النوع : ذكر

    الاقامة : G i z A / F i s a e L

    السيارة: (;

    السيارة[2]: Su Z z u K i Ma R u T i

    دراجة بخارية: No

    الحالة : LORD.ADeL غير متواجد حالياً

    افتراضي -

    hasad">

    الكبير هنااا يااا بجد لك وحشه وبقوله تانى وتالت
    ياريت وطلب منك بجد تجي مقابله فى يوم تحددة انت ونتجمع فيه
    كاماروتيه نتعرف عليك اكتر ونتكلم عن عربيه وتنقل لينا تجربتك عملي عليها لو سمحت وتحياتى
    داا طلب بسيط منى واعتقد انه طلب الكثير منااا هنا وشكر لك

    LORD.ADEL



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. صيانة الالف للماروتى
    بواسطة tito2020 في المنتدى سـوزوكى
    مشاركات: 9
    آخر مشاركة: 20-08-2011, 02:07 AM
  2. عملت صيانة 5000 كم للماروتى
    بواسطة pepo2711 في المنتدى سـوزوكى
    مشاركات: 0
    آخر مشاركة: 10-10-2010, 01:52 PM
  3. صيانة الـــ 30000كم للماروتى
    بواسطة خالد في المنتدى سـوزوكى
    مشاركات: 5
    آخر مشاركة: 20-08-2010, 10:56 AM
  4. صيانة ال5000 قبل معادها للماروتى
    بواسطة spider_amrdiab في المنتدى سـوزوكى
    مشاركات: 6
    آخر مشاركة: 06-08-2010, 04:19 PM
  5. العاصافير دخلت مدخل البيت و الجراج و مبهدلة المدخل و العربية
    بواسطة M.Osman في المنتدى المنتــــــدى الاجتمــاعى
    مشاركات: 31
    آخر مشاركة: 14-05-2010, 02:09 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2