لسه ماغيرتش السيور

**mailo** · 05-12-2010 03:36 PM

السلام عليكم
انا عامل 46000 لحد دلوقتي بس لسه ماغيرتش السيور فكنت عايز اعرف هيا بتتغير على كام فية ناس بيقولو 30000و 40000و50000 بس الاكيد يعني ان في 1 صاحبي السير اتقطع منه على 70000
و كمان عايز اعرف اية اللي بيتغير مع السيور و هما كاتينا و تكييف و دينامو بس ولا في قطع تانية بتتغير معاهم

و شكرا مقدما على المساعدات

**shaky** · 05-12-2010 05:00 PM

اولا الصح والامان تغير سير الكاتينة والدينامو على 40000 وسير التكييف بيغير لما ينقطع لوحدة وتشوف الزيت بتاع الموتور وزيت الباور والفرامل وبالمرة ربط عفشة

**ahmed_mido1889** · 05-12-2010 05:07 PM

المشاركة الأصلية كتبت بواسطة mailo

السلام عليكم
انا عامل 46000 لحد دلوقتي بس لسه ماغيرتش السيور فكنت عايز اعرف هيا بتتغير على كام فية ناس بيقولو 30000و 40000و50000 بس الاكيد يعني ان في 1 صاحبي السير اتقطع منه على 70000
و كمان عايز اعرف اية اللي بيتغير مع السيور و هما كاتينا و تكييف و دينامو بس ولا في قطع تانية بتتغير معاهم

و شكرا مقدما على المساعدات

بتغير
1- بليه كاتينه وبتجيبها كندي
2-طقم سيور جيتس انجليزي(دينامو +كاتينه+تكيف )
3-تغيير زيت الفرامل+ زيت الموتور
4-تغيير فلاتر هواء وزيت وبنزين
5-تغيير بوجيهات و يفضل سلوكها
6- تربيط عفشه
7-الكشف علي تيل الفرامل
دي تعتبر صيانه ال 40000

**mailo** · 05-12-2010 10:42 PM

المشاركة الأصلية كتبت بواسطة shaky

اولا الصح والامان تغير سير الكاتينة والدينامو على 40000 وسير التكييف بيغير لما ينقطع لوحدة وتشوف الزيت بتاع الموتور وزيت الباور والفرامل وبالمرة ربط عفشة

الف شكر على الرد و الافادة

المشاركة الأصلية كتبت بواسطة ahmed_mido1889

بتغير
1- بليه كاتينه وبتجيبها كندي
2-طقم سيور جيتس انجليزي(دينامو +كاتينه+تكيف )
3-تغيير زيت الفرامل+ زيت الموتور
4-تغيير فلاتر هواء وزيت وبنزين
5-تغيير بوجيهات و يفضل سلوكها
6- تربيط عفشه
7-الكشف علي تيل الفرامل
دي تعتبر صيانه ال 40000

ياباشا انا تعبتك معايا اوي بس شكلك هاتتعب تاني :)
انا لسة مغير زيت موتور من 100 ك و التيل وفلتر الهوا و الزيت والبنزين و البوجيهات و السلوك و مربط العفشة كول دول من 2000 ك
كدا بقى لازم اغير زيت الموتور تاني ؟
وزيت الفرال كامل مانقصش اغيرو؟
ولو عندك معلومات عن اسعار البلية و السيور و اشمعنى الكندي و الانجليزي ياريت تفيدني
و الف شكر ياباشا على تعبك معايا

**ahmed_mido1889** · 06-12-2010 12:48 AM

المشاركة الأصلية كتبت بواسطة mailo

الف شكر على الرد و الافادة

ياباشا انا تعبتك معايا اوي بس شكلك هاتتعب تاني :) يا باشا مفيش اي تعب حضرتك تأمر
انا لسة مغير زيت موتور من 100 ك و التيل وفلتر الهوا و الزيت والبنزين و البوجيهات و السلوك و مربط العفشة كول دول من 2000 ك
يبقي مش لازم تغير الحاجات اللي اتغيرت انا بحسب حضرتك مغيرتش الحاجات دي

كدا بقى لازم اغير زيت الموتور تاني ؟لأ
وزيت الفرال كامل مانقصش اغيرو؟ غيرته قبل كده ولا لأ لو متغيرش قبل كده غيره من غير لما ينقص لانه المفروض يتغير كل 30000 كيلو متر نظرا لتغير خواصه وده بياثر بالسلب علي مساتر الفرامل غير كده درجه اشتعاله بتقل تقريبا من 265 درجه الي 160 درجه
ولو عندك معلومات عن اسعار البلية و السيور و اشمعنى الكندي و الانجليزي ياريت تفيدني

البليه الكندي بتعمرعن نظيرتها الكوري يعني الكوري يدوب 30000 كيلو والكندي ممكن تقعد لحد 40000 كيلو وسعر البليه الكندي 150 جنيه عند ابو الحسن وسعر البليه الكوري 65 جنيه فرق شاسع بس أامن
وبالنسبه للسيور تقريا في حدود95 جنيه الأنجليزي افضل لأن السيور دي نضيفه وبتعمر عكس السيور التانيه ممكن تتقطع علي 15000كيلو لأنها مضروبه وطبعا سير الكاتينه لو قطع دي مشكله فيها صبابات تتعوج وممكن وش سلندر يبقي نجيب الغالي بس الآمن
و الف شكر ياباشا على تعبك معايا
لا شكر علي واجب

وانا من رايي حضرتك تروح تجيب الحاجات دي من ابو الحسن اللي في بين السرايات او سرور اللي في شارع شمبليون
وحضرتك بتجيب الحاجه وانت متطمن بدل المضروب اللي مالي السوق اللي انا شبعت منه في الاول

**ahmed_mido1889** · 06-12-2010 01:04 AM

سوال بس هو جضرتك ساكن فين في المعادي

**mailo** · 06-12-2010 11:29 AM

اولا جزاك الله خيرا

انا ساكن المعادي الجديدة عند جابكو "تقاطع الاوتوستراد مع الدائري"
يعني جنبى العرب و صقر قريش بالنسبالي دقايق
انا اعرف واحد هناك بتاع قكع غيار اسمة المصرية جنب القسم بس هوا اغلى من واحد تاني وراه في وسط الورش كدا هاسألو لو عندو القطع دي و لو تعرف حد تاني ياريت تفيدني
وكمان ميكانيكي يكون بيفهم عشان انا اخر 10000 كنت برة التوكيل و اتشليت من المكانيكية اللي على ماتفرج دا غير النصب الرسمي بتاعهم
و لو تقدر تقولي المصنعية بتاعة السيور دي كام تقريبان يبقى تمام اوي

**ahmed_mido1889** · 06-12-2010 12:14 PM

المشاركة الأصلية كتبت بواسطة mailo

اولا جزاك الله خيرا

انا ساكن المعادي الجديدة عند جابكو "تقاطع الاوتوستراد مع الدائري"
يعني جنبى العرب و صقر قريش بالنسبالي دقايق
انا اعرف واحد هناك بتاع قكع غيار اسمة المصرية جنب القسم بس هوا اغلى من واحد تاني وراه في وسط الورش كدا هاسألو لو عندو القطع دي و لو تعرف حد تاني ياريت تفيدني
وكمان ميكانيكي يكون بيفهم عشان انا اخر 10000 كنت برة التوكيل و اتشليت من المكانيكية اللي على ماتفرج دا غير النصب الرسمي بتاعهم
و لو تقدر تقولي المصنعية بتاعة السيور دي كام تقريبان يبقى تمام اوي

انا ساكن جنبك في دار السلام
بنزل اجيب قطع الغيار من ابو احسن في بين السرايات في شارع المرور جنب جامعه القاهره الصراحه قطع غيار نظيفه جدا
وسيبك من بتوع المعادي وشارع احمد زكي كلهم حراميه وقطع غيار مضروبه واسال مجرب اذا كان الهاني ولا السلام
والميكانيكي اللي انا بتعامل معاه دلوقتي محمد عبده اللي في فيصل في شارع العشرين
هو شغال في التوكيل و الصراحه فاهم العربيه وحافظها بس هو تحس انه غالي في المصنعيه شويه بس احسن من الفتايين اللي بيالفوا
ومن جهه المصنعيه ممكن تبقي 150 جنيه تقريبا
مقدرش احدد بالظبط علشان ساعتها كنت مغير عنده (طقم دبرياج كامل+بليه كاتينه +طقم سيور كامل+بوجيهات واسلاكها +طلمبه مياه+طقم فلاتر+ زيت فيتيس + اويل سيل عقربه)وخد مني ساعتها 350 جنيه
وحضرتك لو عاوز تروحله قولي ابعت لحضرتك العنوان

**mailo** · 06-12-2010 04:03 PM

ياريت العنوان او ممكن اكلمك و توصفهولي عشان انا ماليش ف فيصل خااالص
او لو معاك رقمو و انا اكلمو
انا ناوي على جمعة او سبت اعمل كل دا
و انا بانزل دار السلام ش الفيوم كتير ف اكيد هانتكعبل فبعض فيوم من الايام (:
وشكرا ياباشا علي المساعدات الجامدة دي
انا عندي اسئلة تانية كتير في حاجات تانية بس هافتح بيها مواضيع تانية
ياريت تشرفني بالمشاركة
شكرا

**ahmed_mido1889** · 06-12-2010 07:23 PM

المشاركة الأصلية كتبت بواسطة [COLOR=Black

mailo;3873125884][/COLOR]ياريت العنوان او ممكن اكلمك و توصفهولي عشان انا ماليش ف فيصل خااالص
ده انا اتشرف باتصالك
او لو معاك رقمو و انا اكلمو
0121573559/0114543448 ده محمد عبده
0123138169 ده حسن مساعد محمد عبده
انا ناوي على جمعة او سبت اعمل كل دا
و انا بانزل دار السلام ش الفيوم كتير ف اكيد هانتكعبل فبعض فيوم من الايام (
: حضرتك لو نازل شارع الفيو كلمني وانا انزل لحضرتك انا ساكن عند ابو اشرف
وشكرا ياباشا علي المساعدات الجامدة دي
يا باشا لا شكر علي واجب
انا عندي اسئلة تانية كتير في حاجات تانية بس هافتح بيها مواضيع تانية
ياريت تشرفني بالمشاركة ان شاء الله احاول لو حاجه اعرفها لكن لو معرفهاش اعذرني
شكرا
العفو يا باشا

المشاركة الأصلية كتبت بواسطة popahly

اكيد طبعا عارف شارع فيصل .... تانى محطة على طول بعد متنزل الكوبرى شارع اسمه العشرين هتلاقى يافطة كبيرة مكتوب عليها اسم الشارع وهتلاقى العشوائيات اللى عمرك فى حياتك مشوفتها قبل كدا بظة من الشارع هتدخل الشارع بعد تقاطع الملكة فى بنزينة كالتكس هو بعدها هتلاقى تقاطع كدا هناك على ناصيته سوبر ماركت العبد ممكن اما تكلم عبده هيقولك هو اسمه ايه المهم ودا رقمه 0114543448