صوت تكتكة من الماتور بعد ما العربية سخنت و غيرت الجوان .. الحقوني

السلام عليكم و رحمة الله و بركاته ...
ياجماعة الرجاء المساعدة انا عندي عربية سويفت 96 كان فيها مشكلة ان الحرارة بتزيد و كانت المشكلة في الراديتير و طبة المروحة انا عرفت سبب المشكلة بس بعد اللي حصل ما حصل http://forum............com/images/s..._10%5B1%5D.gif العربية رفعت حرارة جامد و المكنة دخنت و الردتير كان مفهموش مية ... المهم سبتها لما بردت وزودت ميه ... و دارت الحمد لله بس لقيت بقى الموتور و انا ماشي في صوت تكتكة غريب كانه صوت تاكيهات بس عالي ...
رحت للمكانيكي شفنا الميه في الرادتير فقاقيع ... جوان سلندر .. كان يوم غيرت الجوان و طرمبة الميه و البوجيهات و السيور .. الحمد لله على كل حال...
قلت بقى صوت التكتكة هيروح ... مرحش برده
المشكلة اللي عندي الوقتي ان و انا بدوس بنزين الموتور صوته خشن قوي و كمان على الاول و التاني صوت تكتكتكتكتكتكتكتكتكتكتكتكت كتكتك تكتكة بيزيد لما ادوس بنزين بس بيروح بعد سرعة ال 40 .... الرجاء حد يفهمني ايه اللي حصل؟؟؟

وهل صةت التكلتة ده من البساتم ولا من ايه بالظبط ... انا حاسس كمان ان سحب العربية قل بشكل كبير .. ياترى ايه اللي حصل هل ساحتاج عمرة للموتور و لا دي حاجة بسيطة يارب ان شاء الله
الرجاء المساعدة و في انتظار الردود و لكم جزيل الشكر

جرب تظبط التاكيهات وبعدين تحكم

اظبط تكيهات الاول لو مرحش يبقي الصوت من الكرنك

هو الميكانيكي قالي ان التكيهات هتظبط تاني يعد اسبوع و انا هروح للميكانيكي بكرة ان شاء الله بس هو قالي ان التكيهات كويسه الصوت ده مش منها بس بصراحة مريحنيش و مافدنيش ان الصوت ده من ايه ؟؟؟

طب يا جماعة و صوت الوتور اللي بقى خشن ده من ايه ؟؟؟

و هل لارتفاع الحرارة سبب اللي حصل ده ؟

شكرا الاهتمامكم

بص موضوع خشونة فى الصوت والسحب يقل دة حصلى من فترة وطلع ان انا نسيت اغير الزييت

اللى بليين بية العربية وفضلت ماشى علية لمدة ييجى شهر وكان صوت الموتور عالى وفى صوت

تكتكة على السلانسية كدة واول ما غيرت زيت الصوت هدى والسحب رجع تانى زى الاول

بس فى حالتك انت لازم تظبط تاكيهات الاول عشان تعرف العيب منين بالظبط

اقتباس:

---

المشاركة الأصلية كتبت بواسطة Silenty

بس فى حالتك انت لازم تظبط تاكيهات الاول عشان تعرف العيب منين بالظبط

---

شكرا على الاهتمام يا silenty يارب ان شاء الله يكون ده الحل لان انا قلقان قوي

بس انا كنت عاوز استغسر هو عدم ظبط التاكيهات بيعمل اعراض ايه ؟؟

يعيني ممكن التاكيهات لو مش مظبوطة تعمل الصوت ده على السرعة البطيئة بس

و شكرا للاهتمام

بص ياباشا على حد علمى او تجربتى ان عدم ظبط التاكيهات بيعمل 3 حاجات

1-صوت تكتكة وبتروح لو زودت بنزين بس برضو بتحس ان المكنة صوتها عالى
2-العربية تسخن معاك
3-ودى مش متاكد منها اوى بتأثر فى السحب لان السحب عندى اختلف قبل وبعد تظبيط التاكيهات للافضل

اقتباس:

---

المشاركة الأصلية كتبت بواسطة silenty

بص ياباشا على حد علمى او تجربتى ان عدم ظبط التاكيهات بيعمل 3 حاجات

1-صوت تكتكة وبتروح لو زودت بنزين بس برضو بتحس ان المكنة صوتها عالى
2-العربية تسخن معاك
3-ودى مش متاكد منها اوى بتأثر فى السحب لان السحب عندى اختلف قبل وبعد تظبيط التاكيهات للافضل

---

من تجربتي مع التاكيهات فمشاكلها فعلا زي ما انت قلت واحب اوضح شوية
* التاكيهات ليها خلوص بيتظبط على مقاس معين حسب نوع وموديل كل عربية وبيكون موجود في كتيب الصيانة بتاعها اللي في التوكيل والميكانيكي - غالبا بس مش دايما - بيكون عارفه وماينفعش تظبط التاكيهات على مقاس اكبر او اقل من ده، ولو حصل:
1- ظبط تاكيهات على مقاس اكبر من الستاندرد لعربيتك هاتسمع صوت تكتكة هايبان معاك اكتر وانت ماشي وهاتلاحظ ان صوت الموتور على.
2- لو اتظبطت على مقاس اقل من الطبيعي لعربيتك - بيقولوا تاكيهات محملة - العربية هاتتخنق وسحبها هايقل وده عن تجربة واستهلاك البنزين هايزيد علشان تعوض السحب اللي قل ودرجة الحرارة هاتزيد.

النصيحة: اظبط تاكيهات عن ميكانيكي او اخصائي تاكيهات يكون فاهم في عربيتك وعارف خلوص تاكيهاتها بيتظبط على كم

[OVERLINE]يا جماعة شكرا على الاهتمام .... بجد مش عارف اقولك ايه ..

بس انا جالي احباط فظيع .. امبارح فضلت طول اليوم مع الميكانيكي

فتح غطاء التاكيهات و ربط الوش كويس علاشن لازم كان يتحرق عليه

و ظبط التاكيهات ... بس كانت المفاجاة

صوت المتور وطى شويه عن الاول

بس صوت التكتكتكتكتكتكتة زي ما هو زي ما هو زي ماهو :120146b

صوت تكتكتكتكتكتكتكتة في بدايه النقلة الاولى و التانية و التالتة

رجعتله تاني قالي ده صوت البساتم بتخبط في الشميز من الحرارة اللي حصلت في العربية :120146b

يا جماعة هو كلامه صح ولا ايه ... طب و ايه الحل

و جزاكم الله خير


تكتكتمتكتكتكتكتكتكتكتكتكت ك ده صوت عربيتي :U_thin1[1]:

[/OVERLINE]

طيب انت عندك التكيهات شاكوش و مسمار بيانو يعني و لا كوستبان ؟؟
و عاوزك الاول تنزل تدور العربية لحد ما تسخن المروحة تشتغل و تفصل
تبداء تزود بنزين وحدة وحدة و تتابع الصوت بيروح ولا مستمر لو بيروح مع السرعة يبقي ده عيب تكيهات لو مش بيروح يبقي موتور