بخمسة جنيه تنقذ عربيتك وعربية غيرك

**mohamed hatem** · 24-03-2008 12:26 AM

سلام الله عليكم يا جماعة الخير

الموضوع بسيط جدا ..... بس تأثير كبير وخصوصا لمحبي السيارات و المحافظة عليها زينا
ولاني بشتكي منه ومعانيه واكيد انتم زي ويمكن اكتر ( ما بتستحملوش خربشة ولا ضغطة في جسم العربية)
انتم طبعا عارفين ان معظم الخربشة الجانبية اللي على جنبين العربية بتبقى من فتح ابواب العربية الللي جنبك لما بتبقى راكن .... ولان معظم البهوات بيفتح بابه براحته وبيهتمش باللي جنبه ... صدقوني بتوصل لانه بيشيل البويه و المعجون يبان .......زي لما بتبقى راكن في هايبر او كارفور

مش هطول عليكو ..... الموضوع انه في كاوتش بيركب على حرف باب العربية ... المتر بي 5 جنيه في التوفيقيه او ورا محافظة القاهره عند عابدين.... وده بيكفي الاربع ابواب لما يتقسم على اربعه وبيبقى فيه جزء بارز لبره زي اللي راكب في الباب من جوه

صدقوني انا مجربه ........بتحس براحه وانت بتفتح الباب وما بيهمكش اللي جنبك وبيحافظ على حرف بابا العربية من التجريح اللي بيجيب بارومه والاهم انه بيحافض على عربة الللي جنبك

واللي نفسي كل الناس... تبقى عندها الشعور ده

شكرا ..... وعذرا للاطالة

**shames50** · 24-03-2008 12:30 AM

جزاك الله خير يا محمد لكن وضح لنا اين يوضع وكيف
وفكرة ممتازة فعلا

**abdelaziz-waleed** · 24-03-2008 12:35 AM

فكرة ممتازة انا نفسي اركبه علشان عندي عيال صغيرة بيركبو العربية وبيفتحو الباب بغشومية كدة بس ياريت توضح لنا ازاي بيركب ونشتريه منين بالظبط

**mohamed hatem** · 24-03-2008 12:35 AM

هصوره الصبح إن شاء الله واضيفه على الموقع

**ahmedsrs** · 24-03-2008 12:36 AM

ياريت لو صورة للتوضيح

**maged** · 24-03-2008 12:38 AM

هى فكره حلوه بس متهيألى شكله مش هيكون عاطفى قوى

**mohamed hatem** · 24-03-2008 12:44 AM

في طريقة كويسة تخلي شكله حلو وسبور .... هبينها في الصور .... وعلى فكرة في منه الوان غير الاسود شوفتها على عربيات .... بس بصراحه مش عارف بتتباع فين

**SEATLOVER** · 24-03-2008 12:59 AM

الف شكر يا محمد ... ساعات الواحد بيبقى فاكر ان كل الناس عارفة الموضوع بس طلع ان فى اسئلة اهو .. جزاك الله خيراً

**DONYO** · 24-03-2008 08:14 AM

ويا ترى شكلة شيك ولا هيبوظ المنظر

**sab3aawy** · 24-03-2008 08:40 AM

هو حل ظريف وموجود من زمان لكن شكله بصراحة ............همممم ، مش اد كدة خالص،

انا عن نفسى لما بكون مزنوق بين عربيتين بفتح الباب وايدى على طرفه علشان خاطر ميخبطش فى العربية اللى جنبى، لكن طبعا باتلقى نصيبى طول الوقت من ضربات العربيات المجاورة