الموضوع: شرم الشيخ وسمكة القرش

المشاركة الأصلية كتبت بواسطة dr.sherifmansy

انا مش خبير احياء مائية و لاحاجة ، مجرد قارئ نهم ، و لكن فيه نقطة هى اللى انا مستغربها شوية ...

الأصابات اللى حصلت كبيرة و استلزمت البتر ، و ده معناه ان سمكة (أو أسماك) القرش حجمها كبير ، لأت لو الأحجام بتاعة 2 متر و خلافه دى صغيرة بتهجم تنهش قطعة من اللحم و تبتعد بينما تتناولها ثم تعود للهجوم و انتزاع قطعة اخرى و هكذا ، و لكن السمكة الكبيرة (4 متر مثلا) بتهجم و تعض بقوة على جزء من الجسم و تحاول سحب الضحية للأسفل للأجهاز عليها ، و نظرا لحجمها مع قوتها و مع مقاومة الضحية تنتزع الذراع او الساق فتبتعد السمكة لتبتلعها و تعود بسرعة لمتابعة الهجوم ...

اذا فالسمكة المهاجمة كبيرة ، نظرا لنوع الأصابات الحادثة ، بالأضافة الى ماقيل من انها من النوع الأبيض ، و هو عادة يتميز بضخامة حجمه اللى عادة بيكون من 4 - 5 متر و فيه اسماك منه بتوصل 6 - 8 متر ...

يبقى أكيد القرش اللى طوله 2.25 متر مش هو المطلوب...

مش كده و لا ايه ؟؟

دة رأيى الشخصى

و تحياتى

أحيك و القرش الابيض دة من أكبر الانواع و أنواع سمك القرش المتعارف عليها هى القرش الابيض و القرش الليمونى و القرش الثور و القرش الحيدى و القرش النمر و القرش المطرقة و بصراحة اول مرة اعرف ان القرش الابيض فية منة أنواع فى البحر الاحمر لان معظم القرش الابيض بيبقى فى المحيطات و المياة العميقة و القرش لما بيهاجم بيقطم مرة واحدة الاول بيكون فية عضة و دى أسمها عضة أستكشافية كأن الانسان بيمسك شيىء أو بيتحسسة و لكن لو هاجم بيقطم مرة واحدة و بيسبب بتر و دة لو حجمة كبير نسبيا

و دى صور لشكل أسماك القرش

و دة القرش الابيض دة ضخم جدا جدا بالمناسبة ووزنة بيوصل ل طن تقريبا

دى معلومة عن القرش الابيض مش عارف بقى اية القرش الابيض الى اصطادوة دة اية فى شرم الشيخ .................

القرش الابيض(The Great White Shark)

من اشرس أنواع القروش وأشهرها
وهو بطل فلم الفك المفترس الشهير

الحجم :- 16 - 36 قدم طولاً

الغذاء :- الأسماك , القروش الصغيرة ,الفرائس الكبيرة مثل ,أسد البحر أو كلب البحر,الحيتان ذات الأسنان المثلمة , ثعلب الماء, وكذلك الحيوانت الميتة والطافية على سطح البحر , ومخلفات السفن والمواني

الموطن أو البيئة : - قرب الشواطئ والسواحل المعتدلة في كل المحيطات

التكاثر : - تلد الأنثى من 2 - 14 مولود يبلغ طول المولود حال الولادة (5) أقدام ,وهو مثل كل القروش يتم تخصيب البويضة داخل الأنثى وعند الولادة فإن الصغار يذهبون بعيداً عن أمهم مباشرة للبحث عن الطعام
يوجد في كل المحيطات المعتدلة ويتغذى على السلمون , التونه , الأسقمري , السلاحف , القروش الصغيرة , طيور البحر , والثديات التي تلقى من السفن أو المراسي

يصل طوله إلى 21 قدم وقد يصل الى 36 قدم ويزن (4000) رطل ويعتبر من اكبر الأسماك المفترسة , ولكن مهاجمته للإنسان قليلة جداً , ويعرف بضخامة جسمه ودكانة لونه من المؤخرة

ومن خصائصه الهامة سرعته في السباحة , ويسبح بسرعة ما يقارب 80 كيلو متر في الساعة , ويستطيع القفز والتنقل من الأعلى للأسفل وبالعكس وبسرعة كبيرة عند ملاحقته لفريسته

عندي سؤال عبيط شوية.........
هو سمك القرش بيتعمله تشريح.؟؟؟؟؟؟؟؟؟؟
بمعنى ان لو تم فتح بطنه اقدر اعرف هل هذا القرش اللي هجم على السائحتين والسائحة الالمانية.؟؟؟؟؟ (يعني الايدين والرجلين بيتهضموا ولا بيفضلوا زي ما هما)
اصل انا شوفت دا في فيلم الفك المفترس لما شرحوا القرش.؟؟؟؟؟

الاهرام : 6 ديسمبر
القرش يعاود الهجوم في شرم الشيخ ويقتل المانية.