الموضوع: شرم الشيخ وسمكة القرش

المشاركة الأصلية كتبت بواسطة Dr.SherifMansy

انا مش خبير احياء مائية و لاحاجة ، مجرد قارئ نهم ، و لكن فيه نقطة هى اللى انا مستغربها شوية ...

الأصابات اللى حصلت كبيرة و استلزمت البتر ، و ده معناه ان سمكة (أو أسماك) القرش حجمها كبير ، لأت لو الأحجام بتاعة 2 متر و خلافه دى صغيرة بتهجم تنهش قطعة من اللحم و تبتعد بينما تتناولها ثم تعود للهجوم و انتزاع قطعة اخرى و هكذا ، و لكن السمكة الكبيرة (4 متر مثلا) بتهجم و تعض بقوة على جزء من الجسم و تحاول سحب الضحية للأسفل للأجهاز عليها ، و نظرا لحجمها مع قوتها و مع مقاومة الضحية تنتزع الذراع او الساق فتبتعد السمكة لتبتلعها و تعود بسرعة لمتابعة الهجوم ...

اذا فالسمكة المهاجمة كبيرة ، نظرا لنوع الأصابات الحادثة ، بالأضافة الى ماقيل من انها من النوع الأبيض ، و هو عادة يتميز بضخامة حجمه اللى عادة بيكون من 4 - 5 متر و فيه اسماك منه بتوصل 6 - 8 متر ...

يبقى أكيد القرش اللى طوله 2.25 متر مش هو المطلوب...

مش كده و لا ايه ؟؟

دة رأيى الشخصى

و تحياتى

اولا كل سنة وحضرتك طيب يا دكتور شريف
نيجي بقى للموضوع بتاع السمكة
....
سيادتك عاوز توصل الى ان السمكة دي بريئة ومش هيا اللي عليها العين ؟؟؟؟
لعلم سيادتك بقى
السمكة اعترفت اعتراف كامل وتفصيلي انها هيا اللي نفذت الاعتداء الغاشم على السواحين اللي هما ضيوف عندنا وانها تعمدت استهداف النساء علشان طعمهم بيبقى أحلى من الرجالة الخناشير
وكمان انها عملت كدة بتحريض من الجماعة المحظورة علشان تؤثر سلبا على مناخ الديموقراطية الذي تنعم به البلاد وبشكل غير مسبوق
وقد اعلنت عائلة السمكة انهم تبرأوا منها وانها مختلة عقليا ولديها ميون عنيفة وريحة رجليها وحشة وزي الزفت
كما سارعت باقي عائلات السمك بشرم الشيخ الى اعلان شجبها للحادث واعربو عن ان مسألة العري والشذوذ والمجون في شرم الشيخ يأتي في سياق القانون وانه لا توجد اي تجاوزات .... واللي مش عاجبه يبقى يغمض عينه
اما بالنسبة لعملية الانتخاب وفقد صرحت مصادر سمكية ان العملية تمت في جميع اللجان البحرية بسهولة ويسر وان الحكومة كانت تقف موقف حيادي تماما
وقد ردد الجميع معا جملة واحدة وهي .... حسبنا الله ونعم الوكيل ...... طبعا يقصدو يحسبنو على الجماعة المحظورة