الدبرياج فصل وتسريب زيت تحت العربية ؟؟

**tarektop** · 05-12-2010 07:20 PM

السلام عليكم ورحمة الله وبركاتة

انا النهاردة العربية الصبح كانت سليمة مفهاش اى حاجة

من شوية وانا ماشى بيه لقيت ان الدبرياج فصل خالص وبقى خفيف ومش شغال

بصيت على الزيت لقيتو ناقص كملتو اتحسن شوية وراح تانى

لقيت تحت العربية الزيت بينزل

والنهاردة الاحد مفيش حد فاتح

اية تفسير اللى حصل

كبل الدبرياج اتقطع ولا الماستر ؟

ياريت التوضيح

وشكرا ليكم مقدما

**yaserbasha2000** · 05-12-2010 07:27 PM

الدبرياج واضح انه باكم مش واير
المحتمل ان خزنه الزيت او الماسوره الصغيرة اللي مربوطه فيها حصل فيها مشكله فبتسرب الزيت

كمان ياريت تبص في الدواسه فيه زيت ولا لأ

**tarektop** · 05-12-2010 07:44 PM

تقصد دواسة الدبرياج نفسها نازل منها زيت يعنى

عموما هبص واقولك

**tarektop** · 05-12-2010 08:07 PM

لا مفيش اى زيت عند الدواسة هو الزيت نازل من عند الكابوت تحت

**mely** · 05-12-2010 08:42 PM

ماستر الدبرياج مثبت فى الفتيس بأتجاه الريداتير بص عليه وعلى الخرطوم بتاعه واللاكور وجرب تربط المسمار الى ماسك اللاكور لو جاب معاك يبقى زود زيت الباكم وافتح اللاكور شويه واقفله وادخل جوه العربيه حضر زيت الدبرياج ويفضل بايدك مش رجلك تدوس وتشيل مرتين ثلاثه وارجع افتح مسمار اللاكور شويه يخرج الهواء واقفل المسمار وجرب الدبرياج برجلك شوفه ضغط معاك شويه ولا لأ لو ضغط ورجع لطبيعته يبقى تمام لو قرب من الطبيعى بس مش قوى اعد المحاوله لحد مايظبط بس احذر انك تنزل بمستوى زيت الباكم فى الخزنه عن الحد الادنى اما لو الخرطوم مقطوع يبقى هتغيره وتعمل زى ماقولت لك بس انا باكد عليك خلى عينك على مستوى الزيت فى خزنة الباكم

**bondjames** · 05-12-2010 10:23 PM

المشاركة الأصلية كتبت بواسطة tarektop

تقصد دواسة الدبرياج نفسها نازل منها زيت يعنى

عموما هبص واقولك

بص على الموتور من الأمام ضهر الردياتير
هاتلاقى الماستر الأمامى ضرب - له طقم إصلاح يعمل 30 ج لكن نصيحة إشترى ماستر كامل جديد أحسن لأن طقم اإصلاح مش هايعيش أكتر من سنة