عرض للطباعة
السلام عليكم ....
اخوانى و اعزائي السادة رواد المنتدى الكرام .....
معلش ... انا بعتذر عن تحرير موضوعات جديدة او حتى المشاركة لمرورى بمشاكل نفسيه عصيبه و اسألكم الدعاء
بصراحه انا حاسس انى مفتقدكم و الله ... بس اعذرونى ... حاسس انى دمي هيبقى تقيل شويه .....
معلش انا بفضفض معاكم بكلمتين و رجاء لكل من قرأ لى موضوع و ساهمت فى رسم البسمه على وجهه الا ينسانى من الدعاء ......
السلام عليكم و رحمه الله و بركاته ...
اخوكم : حسام سيف
خير يا استاذ حسام فى اية بس ؟
ربنا يقويك ويعينك على اللى انت فية
ويارب الايام دى تعدى بسرعة وتطلع منها على خير ان شاء الله
لو تحب تفضفض واقدر اساعدك باى حاجة انا مش هتأخر
ربنا يعديها علي خير ويفرج كربك يااستاذ حسام والله متعرفش الناس كلها الايام دي مالها
حالتها النفسية بقت في الحضيض وانا واحدة منهم ولو شوفت موضوعات المنتدي هتلاقي انها ظاهرة شبة عامة
ربنا معاك و يقويك
تمام كده يا تضحكنا يا تبطل تشارك
!
لا طبعا ما كلنا بنكتئب عادي وبنفضل موجودين علي الأقل نفضفض بدل من الإستسلام للكأبه
ربنا يفرج همك و خليك معانا بلاش تستسهل وتستسلم
ربنا يفرج همك وهمنا
انا عايز اشوفك في مقابلة يوم الخميس ايه رأيك ؟
يا نهار أزرق ! عمو حسام متدايق ؟! ليه كده بس ياعم حسام خير؟ عموما خلينى افكرك بحاجة صغيرة .. أي ابتلاء بيصيبنا ده بيبقا اختبار من ربنا لقوة إيماننا .. إوعى تفقد ثقتك ف نفسك أو ف تصاريف ربنا ودايما ارادة ربنا بتصب ف مصلحتنا ودايما خير لينا .. خليك انت بس اقوى من كده وربنا يديك الصحة و الحكمةوتعدي من الازمة دي وترجعلنا بالسلامة وحشتنا مواضيعك ..
خير بس يا حسام روق ولو عايز تحكي احكي
احنا هنا كلنا اخوات
روق ياحسام ماحدش واخد منها حاجه
وكلنا فى الهم سواء وانت عارف
ربنا يفك كربك
وترجع احسن من الاول ان شاء الله
ما ضاقت الا فرجت
وكلما استحكمت حلقاتها ايقنت انها ستنفرج
كل مشكلة لها حل وكل مشكلة تبدا كبيرة وتتصاعد الى ان تنتهي
وربنا ينهي كل مشاكلك ان شاء الله
ربنا يقويك علي مشاكلك و ترجعلنا تاني
يا أخي ده انت اللي كنت بتضحكني في وسط الكآبه اللي والواحد بيعاني منها في حياته
ربنا يفك كربك و يفرج عنك كل الهموم يا أستاذ حسام و ترجع لنا مواضيعك الفكاهية من جديد
حسام من أصحاب البسمة الجميلة بموضوعاتو الجميلة برده
ده إنت كنت هاترفدني كذا مرة وال ناس الفي الشغل افتكروني مجنون
بص يا باشا ,,,,انشاء الله تزول الايام الوحشة من حياتك وترجع تاني نفسيتك أحسن من الأول
ولا تنسى دعاء فك الكرب وصلي ركعتين واسأل ربنا ان يصلحلك الحال ,,,,
ربنا يفك كربك يا استاذ حسام
يا حسام
انت كده هتزعلنا منك بجد
ياراجل ده انا كنت بستنى موضوعك كل يوم الصبح
ده انت حتى في المواقف المحرجة او المؤذية للغير كنت بتضحك
تحرمنا ليه من وجودك معانا يا معلم
ألف سلامة عليك ياحسام من الهم
وهاكلمك اطمن عليك
ان شاء الله خير
وربنا يفك كربك يا استاذ حسام
ربنا معاك يا حسام
يارب يفك كربك ياحسام
زى ماكنت بترسم البهجه على وجوهنا كل يوم
وترجع بألف سلامه
علشان منشاش حد ...
و الله بشكر من كل قلبى الناس اللى ردت على كلامى ... و انا و الله بحس ان المنتدى ده بيتى التاني و الواحد بيحس انه وسط اهله بجد لما بكون معاكم بس ادعولى ... ده اول مرة ازعل كده من فترة طويله ....
و ان شاء المولى هحاول اجيلكم يوم الخميس ....
ربنا يفك كربك و همك بسرعة..علشان ترجع ترسم البسمة على وجوهنا :-))