الموضوع: زلموكة ولا اكتافيا a5 2007

اللي خلى الزلمكة موجودة من سنة 85 ولسة زي الفل يبقى دي ممكن تعيش قدهم وبصراحة الزلمكة دي عربية بجد بس انا افضل موديل حديث بصراحة يعني الاوكتافيا هتكون احسن بشرط الحالة الحلوة

الصراحة الزلموكة عربية حكاية رغم انها قديمة بس تحفة بس يعيبها انا ممكن أستهلاكها للبنزين يكون عالى شوية

الزلموكة أفضل في رأي فئة تانية حتي لو قديمة
وقطع غيارها في الأغلب أحن من الأوكتافيا

السلام عليكم و رحمة الله و بركاته

انا من رأيى انك تجيب الزلمكة, بس المهم أنها تكون موديل فوق ال91 و تكون بحالة ممتازة و بيتى و من صاحبها و مش من تاجر و تكون مش متهانة .

و ربنا يكرمك و تلاقى اللى أنت بتدور عليه, بس فعلا العربيات دى لا تعوض على الاطلاق و صعب أن ينتج عربيات تانى بنفس المتانة و الثبات الا بأسعار خرافية جدا .

أنا عن نفسى , بفكر أجيب مرسيدس معدلة مو1984-1985 , بس صعب ألاقيها .

مازيراتى كواتروبورتيه

المشاركة الأصلية كتبت بواسطة m_anass

طبعا زلموكه علشان الماني اولا وثانيا قطع الغيار للمرسيدس بتكون ارخص من اكتافيا وفي ام دبليو ويمكن ارخص كمان من الاوبل

يعنى تجيب عربيه موديل 85 ولا 90 حتى ولا عربيه موديل 2007
و لا عربيه عامله 120.000 او اكتر كيلو متر و لا حوالى 60 70 الف كيلو
و مفيش حاجه اسمها زلموكه المانى عشان الاوكتافيا بردو المانى و متقفله فى التشيك
هل معنى كده هنقول S class من مرسيدس و 7 series من بى ام مصرى !!! ولا المانى متقفل فى مصر !!

الزلموكة كانت مع قريب ليا . هي عربية ثابتة جدا . موتورها قوي . وانت واقف جنبها تحس ليها هيبة غير اي عربية تانية . قطع غيارها قالي انها كويسة جدا وتقدر تقول رخيصة .
عيوبها شكل التابلوة قديم . التكيف مش حلو زي العربيات الجديدة . بلاعة بنزين (كان بيقولي عاوزا راجل يصرف عليها )
الاوكتافيا عربية جديدة . ثابتة . موتور قوي. صالون جميل . شكلها جميل . هدؤ اكثر .
عيوبها قطع غيار غالية ( بس بتعيش )

بالنسبالي ارشحلك الاوكتافيا