الموضوع: ترتيب علبة الفيوزات فليشيا 95

طيب بما ان الموضوع هيطول على ما حد يرد اسال سؤال تاني بالمرة
عندي اضاءة العربية بتبقى ضعيفة ولما ازود بنزين بتشد مع الزيادة وتقل لما اشيل رجلي من على البنزين ده يبقى عيب ايه البطارية ضعيفة ولا الدينامو مش بيشحن كويس ولا ايه النظام
للعلم انا فتحت البطارية من يومين ولقيتها ناقصة ميه كتير وزوت ميه نار وميه مقطرة لغايه الاخر ده صح ولا غلط وهل قلة الميه ممكن تبوظ البطارية وعمر البطارية اد ايه

المشاركة الأصلية كتبت بواسطة engahmedsayed

ان شاء الله باليل


هرفعالك صوره علبة فيوزات و فيها الترتيب الفيوز على حسب كل امبير فيوز و انتا هتركبها لوحدك لانها سهله جداا

شكرا لرد حضرتك يابشمهندس احمد ومنتظر الصورة

المشاركة الأصلية كتبت بواسطة engahmedsayed

انا متاسف انى مرفعتلكش الصوره باليل لانى كنت راجع من الشغل بالليل تعبان و مرهق

بس اول ما صحيت من النوم رفعتهالك و ان شاء الله بالتوفيق
و الصوره

الصوره هنا شرحها نفسها
انتا كل قلى هتعمله هتشيل كل الفيوز القديمه و تنزل كده تشترى خمس علب فيوزات دى بجنيه و نص رخيصه مش غاليه و ترتب حسب كل امبير علشان دى دوائر الحمايه و لازم تلتزم بكل امبير علشان الفيوز اول ما يحس
بحاجه فى ارتفاع سحب الكهرباء يقطع على طول و سيبك من الكلام الناس قلى مش فاهمه يعنى انتا عندك مثلا فيوز 10 امبير لا ياعم حط20 امبير يجى تحصل المشكله لا قدر الله تلقى الفيوز مفصلش ايه بقى قلى هيحصل
اى حاجه بعد الفيوز بتبوظ فورا
نصيحه ابقى خلى معاك باقى الفيوز فى تابلوه العربيه للضروره

وشكرا

الف الف الف شكر ياباشمهندس احمد الف شكر بجد انا قولت ما حدش هنا هيعرف يرد عليا لان قسم الاسكودا هنا بعافيه شوية جزاك الله خيراً وان شاء الله اظبط الفيوزات عشان فعلا عندي مشاكل كتير بتحصل فى العربية بسبب الكهربه

المشاركة الأصلية كتبت بواسطة ayman20100

طيب بما ان الموضوع هيطول على ما حد يرد اسال سؤال تاني بالمرة
عندي اضاءة العربية بتبقى ضعيفة ولما ازود بنزين بتشد مع الزيادة وتقل لما اشيل رجلي من على البنزين ده يبقى عيب ايه البطارية ضعيفة ولا الدينامو مش بيشحن كويس ولا ايه النظام
للعلم انا فتحت البطارية من يومين ولقيتها ناقصة ميه كتير وزوت ميه نار وميه مقطرة لغايه الاخر ده صح ولا غلط وهل قلة الميه ممكن تبوظ البطارية وعمر البطارية اد ايه

انا كانت عندي نفس المشكله و البطريه كانت خلصت ميه ومش حطيت فيها ميه والنور كان ضعف جداا وكنت لما بزود بنزين بيزيد وبعدها بيضعف زي الي حصل معاك تمام وده بيدل ان الدينمو بتاع العربيه كويس وسليم
بس البطريه حضرتك هتروح تغيرها من عند اي حد بتاع بطريات هياخد القديمه منك بـ 50-70 جنيه وهتاخد الجديده 55 امبير ويستحسن مش تجيب الجافه (ده من وجهة نظري) لا الجافه مع ناس جراني معاهم عربيات مش بتدور العربيه الصبح في الشبوره
وانا عربيتي فيها بطريه عاديه وبتقعد 3 ايام مشغلش العربيه ولما اشغله بتشتغل ولي كان في اي حاجه حصلت انما العربيات التانيه لو سبها الساعه 10 بليل وتاني يوم الساعه 8 بيدورها مش بتدور

جزاك الله خيرا اخى الكريم على الصوره