مشكلة علبة الدركسيون

**ahmedfair** · 05-12-2010 11:30 PM

السلام عليكم
أنا عندي مشكلة في علبة الدركسيون ،بس هي مش زي الي المشكلة الشهيرة إلي حصلت للسادة الأعضاء ، في الأول ٌ،المشكلة أنه قبل صيانة الألف بفترة لاحظت إن لما باحود بالدركسيون في صوت كأنه تدفق سائل باسمعة ،المهم في الصيانة المهندس قالي مافيش تسريب بس العربية جايه ناقصة زيت باور ... قولت ماشي ، بعد كده وجدت الصوت إبتدي يرجع تاني ،و بصيت علي العلبة لائتها ناقصة ، قولت حاجيب زيت باور أمشي بيه لحد صيانة ال 5000 ، بعد فترة لإيت الباور مش شغال خالص و الدركسيون ثقيل جدا كأني مش مشغل العربية بالضبط ، كلمت المشمهندس محمد عبد الهادي فقالي في تعديل كده حانعمله فقولت عاوز أغير العلبة فقالي شوف مع الأستاذ عبد الباسط كلمته قالي حاتيجي بعد أسبوعين وخد نمرتي ، السؤال هل حد كان عنده الباور باظ خالص كده ، وهل صح إني أمشي و الدركسيون تقيل كده ،أنا حاسس إني راكب عربية نقل؟

**spiderloking** · 05-12-2010 11:53 PM

انا حصلت معايا لما الزيت قل خالص لازم تغير علبة الدركسيون و حاول مشيك كلوا بالعربيه و الزيت يكون علي ال max في العلبه مش اقل من كدا انا غيرت علبة الدركسيون في التوكيل و العربيه بقت ميت فل و عشره لازم تفضل وراهم و تكلمهم او تروح كمان بنفسك لو قدرت علشان الموضوع يخلص بأسرع وقت و متقلقش طول ما زيت الباور تمام حط زيت توتال الاحمر هوه ده اللي بيحطوه في التوكيل

**gebreel** · 06-12-2010 12:15 AM

هو ايه موضوع علبة الدريكسون في الساجا هو منتشر قوي كدة ولا فلتات؟

**sayed911** · 06-12-2010 01:12 AM

اعتقد هي بالضبط كما قلت اخي فلتات لأنها مش حاجة قاتلة ولكن هيا حاجة موجودة ورصدت ولكن مثلا تقدر تقول كنسبة اعتقد ضعيفة يعني مثلا 5 من كل 100 سيارة والله اعلم ده انا بضرب رقم جزافي لأنو احنا تقريبا 63 مالك للساجا في المنتدى اللي اتكلموا في الموضوع ده مش اكتر من 10 ولو وسعت دائرة البحث ها تلاقيها مش عيب ولكن هي ظاهرة موجودة ...

**ahmedfair** · 06-12-2010 09:11 AM

المشاركة الأصلية كتبت بواسطة spiderloking

انا حصلت معايا لما الزيت قل خالص لازم تغير علبة الدركسيون و حاول مشيك كلوا بالعربيه و الزيت يكون علي ال max في العلبه مش اقل من كدا انا غيرت علبة الدركسيون في التوكيل و العربيه بقت ميت فل و عشره لازم تفضل وراهم و تكلمهم او تروح كمان بنفسك لو قدرت علشان الموضوع يخلص بأسرع وقت و متقلقش طول ما زيت الباور تمام حط زيت توتال الاحمر هوه ده اللي بيحطوه في التوكيل

هو أنا باتابع كل شوية بس الغريب إن الدركسيون من ساعة ما بقي تقيل كده و مفيش تسريب هل كان عند حضرتك كده؟

**gebreel** · 06-12-2010 10:01 AM

طيب هو ليه بروتون من بعد مشكلة العلبة الي كانت في الجين 2 مظبطتش الموضوع في باقي العربيات، انا بحترم الشركة دي جدا و بحترم عربياتها بس فعلا مش فاهم ليه لو فيه عيب صناعة في العربية يبقى في علبة الدريكسون بالذات =)

**spiderloking** · 06-12-2010 10:56 PM

بالظبط كدا هوه المشكله بتحصل فعلا في العربيات بس اللي بتنزل هنا مصر او الدول اللي الدركسيون فيها شمال مش يمين بس الموضوع يا جماعه ليه حل و الحمد لله و علي فكره زي ما قال سيد هيه مش في كل العربيات فعلا و معلومه كل الموديلات الليه تنزل مصر 2011 مش بس الساجا اتحل فيها الموضوع ده نهائيا و الحمد لله اطمنوا

**gebreel** · 06-12-2010 11:01 PM

المشاركة الأصلية كتبت بواسطة spiderloking

بالظبط كدا هوه المشكله بتحصل فعلا في العربيات بس اللي بتنزل هنا مصر او الدول اللي الدركسيون فيها شمال مش يمين بس الموضوع يا جماعه ليه حل و الحمد لله و علي فكره زي ما قال سيد هيه مش في كل العربيات فعلا و معلومه كل الموديلات الليه تنزل مصر 2011 مش بس الساجا اتحل فيها الموضوع ده نهائيا و الحمد لله اطمنوا

طيب الحمد لله ربنا يطمنك يا شيخ =)

-

الموضوع: مشكلة علبة الدركسيون

LinkBack

أدوات الموضوع

عرض

-

-

-

-

-

-

المواضيع المتشابهه

مشكلة في قواتيش علبة الدركسيون و بارات الدركسيون

مشكلة في علبة الدركسيون

مشكلة علبة الدركسيون

مشكلة في علبة الدركسيون

الكلمات الدلالية لهذا الموضوع

المفضلات

المفضلات

ضوابط المشاركة