السلام عليكم
الموضوع ده شاغلنى من زمان ومش عارف هل هى كيميا بين الانسان فى مكان معين وبين نوع عربيه معين...يعنى ايه اللى انا بقوله ده ؟
اقصد ان فيه عربيات معينه بلاقيها منتشره فى محافظه معينه او عده محافظات وملهاش اثر فى باقى المحافظات ...طبعا نستثنى القاهره عشان دى ام الدنيا وبتلم كل الحبايب ومفيش اى حاجه تعدىمن تحت ايديها
هاقول على الامثله اللى انا شايفها امامى :
عندنا فى دمياط عربيه زى السوزوكى سويفت من كترها تحس ان لكل مواطن دمياطى عربيه سويفت او ان شركه سوزوكى كانت بتصنعها عشان دمياط مخصوص منتشره بصوره رهيبه والميكانيكيه بيفهموا اى حاجه فيها وهى العربيه رقم 1 فى التاكسى واللى عايز يتشرى سويفت عليه وعلى دمياط
بالرغم من انتشار اللنسر الرهيب فى كل انحاء مصر بس مش زى دمياط كان فى حنفيه لانسر فتحت على دمياط وبالاخص الكريستاله موديل 98-99 والموديل من2004 وانت جاى
العربيه الجيتا من ساعه ما طلعت وهى بتنتشر برضه باعداد كتيره جدا عندنا ويسبقها من ابنااء ماركتها البولو99والبولو2001 مش بشوفهم فى القاهره زى دمياط ..
الجديد بقى ان الماليزى هو اللى شارخ بقوه والجين 2 والكليسيا بيتباعوا زى الرز فى دمياط ومن ساعه ما البرودوا كانشيا طلعت من 99 او 2000 وهى برضه مش بشوفها غير عندنا
اسكندريه .لادا كتييييييير........ .ليه معرفش
مثال تانى ...انا لاحظت فى السويس وانا قعدت فيها فتره ان فيها حوالى 3 انواع مسيطرين عليها بشكل متوحش وال3 انواع دول من عند معرض وموزع واحد مفيش غيره التلات انواع هم الهيونداى بانواعها والبروتون بانواعها والشاهين الناس هناك عندهم هوس بالانواع دى ..انا فاكر لما النيو اكسنت غبور اعلن على نزولها للسوق المصرى بعدها بيومين شفتها راكنه فى احد الشوارع الجانبيه بالسويس مع انى ماشفتهاش فى دمياط الا بعدها بحوالى 6 شهور والبروتون انا عرفتها من هناك مش من اى حته تانيه
ارجوكم يا جماعه قولولى ارائكم فى الموضوع ده يمكن اكون غلطان
وتحياتى لكل الاعضاء المحترمين بالمنتدى
..mokhtar..
المفضلات