سؤال بخصوص الزيرو باور (اخوكم لايص)

معلش استحملوا معايا شويه انا زى اخوكم :)

> انا عندى سى دى بيونير 2050 طبعا هو على قده مش جامد اوى ولا حاجة ومش عاوز اغيره لان حالته حلوة جديد ومش عاوز امكانيات جامده اوى
بس دلوقتى لما جبت امبليفاير كينوود اكتشفت ان خرج السى دى عندى ضعيف 2 فولت ودول متقسمين على 3 جى ام يعنى هو الكينوود اللى فيهم بس التانيين صوتهم اعلى واجمد
دلوقتى انا فكرت اجيب زيرو باور وسؤالى هو
هل الزيرو باور هيعلى الصوت لو جبت سيمفونى مثلا ب 175 جنيه مش حاجة يعنى (لان خرجه 9 فولت) علما بان الصب السيمفونى شغال وقوى لكن الكينوود اللى مش حاسس بقوته فالزيرو باور هيديله فولت اعلى وهيقوم احسن :049:مش كده؟
---------------------------------------------------
السيمفونى بيبقى صوته جامد من اول 5 لغاية 30والبيز بيكون صفر
الكينوود بيبدا يبقى جامد من اول 20 لغاية 40 وبقيت العده بتكون بتهرتل ساعتها
---------------------------------------------------
هل الزيرو باور هيحللى المشكلة دى ولا انا مش محتاجه ومحتاج انى أضبط الجى امات من الاول
امضاء : متعقد من الكينوود واللى جابوه :b4_611:

انت مشغل الكينوود على ايه ؟؟ والسيمفونى على ايه ومقسم التوصيلات ازاى ؟
الزيرو باور مش هيعلى هو هيزود التنغيم بس

لأ فعلا الزيرو باور السيمفوني بالذات فيه أمبليفاير بلت إن بيرفع الخرج يخليه 9 فولت
والكلام ده عن تجربة لأن كان عندي واحد منه
ولما غيرته وجبت الكلاريون لقيت الكلاريون بينغم بس بدون رفع الفولت

المهم اجابة لسؤالك.. آه السيمفوني بيرفع الخرج
ولكن الأهم من كده انك ممكن تعوض الكلام ده بضبط الجي ام وزيادة الGain بدل تكلفة الزيرو باور

اه فعلا حاول تتغلب ع الحوار ده بالجين.في حاجه كمان بدل ما تشتري زيرو باور بيع الكاسيت ال عندك و زود عليه ال كنت هتدفعه ف الزيرو باور و هات حاجه فيها 3 آر سي إيه

اقتباس:

---

المشاركة الأصلية كتبت بواسطة m7mda7md

اه فعلا حاول تتغلب ع الحوار ده بالجين.في حاجه كمان بدل ما تشتري زيرو باور بيع الكاسيت ال عندك و زود عليه ال كنت هتدفعه ف الزيرو باور و هات حاجه فيها 3 آر سي إيه

---

الله ينور عليك كنت هقوله كده :S_thum1[1]:
من رايي بيع الكاسيت اللي عندك وكمل عليه
وهات حاجه 3 ار سي ايه وفيها زيرو باور محترم
للاسف دلوقتى مقدمكش غير ال 5250 عامل 1000 جنيه
لكن 5 باند بس مش 7
وجرافيك وحركات :wink:
وبالنسبه لانك بتعلي الصوت :الكينود بيبقى حلو والباقي بيهرتل
اعتقد ان الجين بتاع السيمفوني اعلى من اللازم او الجين بتاع الكينود اوطى من اللازم

اقتباس:

---

المشاركة الأصلية كتبت بواسطة KoDaK_Gti

انت مشغل الكينوود على ايه ؟؟ والسيمفونى على ايه ومقسم التوصيلات ازاى ؟
الزيرو باور مش هيعلى هو هيزود التنغيم بس

---

RCA من الكاسيت على الكينوود ومنه RCA اوت على السيمفونى ومنه RCA اوت على ثالث جى ام
والكهرباء سلك 6 مللى للكينوود وزيه للارضى وسلك تانى 3 مللى للسيمفونى وزيه للارضى والجى ام الثالث اخد بريدج من السيمفونى

اقتباس:

---

المشاركة الأصلية كتبت بواسطة Salamonti

لأ فعلا الزيرو باور السيمفوني بالذات فيه أمبليفاير بلت إن بيرفع الخرج يخليه 9 فولت
والكلام ده عن تجربة لأن كان عندي واحد منه
ولما غيرته وجبت الكلاريون لقيت الكلاريون بينغم بس بدون رفع الفولت

المهم اجابة لسؤالك.. آه السيمفوني بيرفع الخرج
ولكن الأهم من كده انك ممكن تعوض الكلام ده بضبط الجي ام وزيادة الGain بدل تكلفة الزيرو باور

---

تمام انا محتاجه فعلا عشان الفولت العالى زى مقولتلى قبل كده
ولاحظت لما بشغل الجى ام عن طريق عمل كوبرى بين الكهرباء والريموت بيبقى الصوت اجمد فى الكينوود والسيمفونى برضه ولما اعلى الصوت شويى السيمفونى يهرتل

اقتباس:

---

المشاركة الأصلية كتبت بواسطة m7mda7md

اه فعلا حاول تتغلب ع الحوار ده بالجين.في حاجه كمان بدل ما تشتري زيرو باور بيع الكاسيت ال عندك و زود عليه ال كنت هتدفعه ف الزيرو باور و هات حاجه فيها 3 آر سي إيه

---

تمام يا دكتور بس لو بعت الكاسيت هيجيب بالميت 350 اخره وهزود كتير اوى كده اقل حاجة ب 1000 جنيه :U_thin1[1]: هفكر اجيب واحد جديد قسط وده احطه فى اللانوس

اقتباس:

---

المشاركة الأصلية كتبت بواسطة amrfranca

الله ينور عليك كنت هقوله كده :S_thum1[1]:
من رايي بيع الكاسيت اللي عندك وكمل عليه
وهات حاجه 3 ار سي ايه وفيها زيرو باور محترم
للاسف دلوقتى مقدمكش غير ال 5250 عامل 1000 جنيه
لكن 5 باند بس مش 7
وجرافيك وحركات :wink:
وبالنسبه لانك بتعلي الصوت :الكينود بيبقى حلو والباقي بيهرتل
اعتقد ان الجين بتاع السيمفوني اعلى من اللازم او الجين بتاع الكينود اوطى من اللازم

---

يا فاهمنى انت يا لذيذ يا رايق حبيبى يا عموره فعلا هجرب اظبط جين السيمفونى وامرى لله :S_thum1[1]:
بس كده هوصل جى ام السماعات على rear والسيمفونى والكينوود على subwoofer out صح ولا فى حاجة تانية؟

طيب ما فى زيرو باور للبيع تشترى ياباشا

اعتقد ال ب 1000 ده عشان اكواليزر 5 باند
عندك البايونيير ال 3250 فيه 3 آر سي إيه و اقل من ألف بكتير بس مش عارف كام بالظبط

اعتقد الطريقه ال انت موصل بيها مش فارق فيها الفولت,اعتقد الامب مش هياخد من الاشاره و يطلع الزايد من الآوت....اكيد بيقويها زي ما كانت داخله في الإن.....واضح ان في فرق في السرعات سيدي الرئيس بين نسبه خرج كل أمب...يعني امب قوي متوصل علي حاجه ضعيفه و جايب آخرها و امب تاني متوصل علي حاجه قويه جدا ف مش بيجيب آخرها بدري و بالتالي لما تعلي عشان تجيب آخرها باقي المكونات تهرتل......

اقتباس:

---

المشاركة الأصلية كتبت بواسطة m7mda7md

اعتقد الطريقه ال انت موصل بيها مش فارق فيها الفولت,اعتقد الامب مش هياخد من الاشاره و يطلع الزايد من الآوت....اكيد بيقويها زي ما كانت داخله في الإن.....واضح ان في فرق في السرعات سيدي الرئيس بين نسبه خرج كل أمب...يعني امب قوي متوصل علي حاجه ضعيفه و جايب آخرها و امب تاني متوصل علي حاجه قويه جدا ف مش بيجيب آخرها بدري و بالتالي لما تعلي عشان تجيب آخرها باقي المكونات تهرتل......

---

متفق معك لكن فى توضيح احب اقوله
السيمفونى فعلا أسد على الصب السيمفونى وبيعمل دوشه جامده حتى لو مش مداه بعيد فهو فى حدود 15 متر بيعمل صدى حلو اوى فى المكان
لكن ايضا الكينوود مش ضعيف ده 1000 وات و500 rms والصب كينوود 400 rms فمش ضعيف ابدا بالعكس ده اوفر لود
فمش عارف ايه السبب انا ظبطته الجى ام وحاولت اخرج اقصى بيز ممكن واقوى حاجة بس هو البازوكا صوتها مش قوى وهو اصلا مش متصمم لبازوكا بس لكن اللى هيجننى تعالى اتفرج الصب بيتنفض ازاى وهو شغال والمرايات بتفضل تتنفض والكراسى ببترجرج بيا هل كده كويس ولا ضعيف؟ (ممكن يكون انا ودانى باظت من السيمفونى لانه فعلا ازعاج عامل زى ده :beatdeadhorse5: عمال على بطال وحاجة هدد) هل هو ده اللى حضراتكم بتسمعوه ولا ايه؟

آآآآآآآآآآآسف على الازعاج لانى فعلا مدايقكم معايا ومحيركم بالصب بتاعى ده :ma: معلش بقى اخوات ولازم نساعد بعض - شكرا

موضوع محير بصراحه هههههه
معنديش غير مساعده واحده بس ودي كل ما امتلك من معلومات في موضوعك الغريب ده
اتاكد من الاقطاب الموجب والسالب
لان ظاهرة ان الصب او السماعه تتشقلب وتتنطط ومفيش صوت يناسب التنطيط ده
بيبقى الاقطاب مقلوبه
ربنا معاك يا برازار يعني يا شقيق هههه

اقتباس:

---

المشاركة الأصلية كتبت بواسطة m7mda7md

اعتقد ال ب 1000 ده عشان اكواليزر 5 باند
عندك البايونيير ال 3250 فيه 3 آر سي إيه و اقل من ألف بكتير بس مش عارف كام بالظبط

---

ال3250 فيه 2 بس يا بوب بس مش مهم انا مقدرش ادفع فلوس تانى فى العده وهحاول اظبطها وربنا معانا جميعا :satelite:

اقتباس:

---

المشاركة الأصلية كتبت بواسطة amrfranca

موضوع محير بصراحه هههههه
معنديش غير مساعده واحده بس ودي كل ما امتلك من معلومات في موضوعك الغريب ده
اتاكد من الاقطاب الموجب والسالب
لان ظاهرة ان الصب او السماعه تتشقلب وتتنطط ومفيش صوت يناسب التنطيط ده
بيبقى الاقطاب مقلوبه
ربنا معاك يا برازار يعني يا شقيق هههه

---

ونعم بالله كلنا ماشيين بفضله الحمد لله
متأكد من الاقطاب ده حتى انا جايب كل سلك من السماعه لغاية الجى ام معروف ومتعلم بشكيرتون الموجب والسالب بدون شكيرتون ولما بقلبهم البيز بيروح خالص
بس انا مشكلة النفض دى (نفض مع خروشه) حلتها بانى خفضت البيز بوست بدل من 18 خليته 5 زى الصورة بالظبط والتنطيط قل بس البيز وضح - تفتكر ال custom box هو الحل اعمل واحد زى الكتالوج وخلاص انا متردد الصراحة

http://img251.imageshack.us/img251/6875/kenwood7204.jpg

ثواني عايز افهم حاجه
انت عامل الفلتر على اوف؟؟؟

اقتباس:

---

المشاركة الأصلية كتبت بواسطة amrfranca

ثواني عايز افهم حاجه
انت عامل الفلتر على اوف؟؟؟

---

أكيد لا يا عمرو ودى حاجة تفوت عليا برضه :ma: جل من لا يسهو
بس الصورة من كتالوج الموديل 7205 وده مفيهوش hpf انما اللى عندى 7204 وده فيه hpf - lpf - off بس مش لاقى الكتالوج قدامى والزرار بتاع التقليب مختلف عن اللى عندى بس معمول على lpf طبعا

تصدق طول عمري فاكره 3 آر سي إيه و اتصدمت بصراحه لما عرفت انه 2 بس!!!!!!!!!!!!!!

باذن الله قدام شوية بفكر أغيره بس مش هعلى اوى يعنى حاجة كده على قدى 800 - 1000 ولن أتنازل بعد كده عن تحكمات صب و5 او 7 باند جرافيك ايكولايزر رشحولى حاجة فى الحدود دى وتكون 3 rca مش شرط بيونير ممكن كينوود برضح حلو