الموضوع: خلاصة القول في البونتو كلاسيك

هى صفقة خاسرة فعلا بالنسبة للانوس علشان فرق سعر قطع الغيار الرهيب اللى بيعدى الضعف أحيانا
اللى يجيبها لازم يكون معجب بشكلها و بإسم فيات و يكون غاوى هاتشباك بالتحديد

رأيى تخلص فى لانوس و تريح دماغك, خصوصا أنا شايف ان حضرتك من كفر الشيخ و أعتقد قطع غيار البونتو هاتبقى نادرة هناك

بصراحة أنا مش شايف ان البونتو اللى بتنزل مصر "فاضية" و فيها موتور 60 حصان أحسن بكتير من اللانوس

مميزاتها عن الانوس:
1- الصاج و المتانة فى البونتو أحسن شوية
2- استهلاك البنزين أحسن بكتير
3- الشكل "أذواق" بس أغلب الناس متفقة ان البونتو أحلى بكتير
4- الثبات أحسن حاجة بسيطة أو نفسه
5- الأمان أعلى سنة بوجود الأيرباجز و علشان ضخ البنزين بيفصل أوتوماتيك فى الحوادث الجامدة
6- الباور أنعم بكتيييير مع زرار السيتى

نيجى للعيوب بقى بالنسبة اللنوس:
1- قطع الغيار برة التوكيل أغلى بكتر من اللانوس (مثلا الفانوس التيوانى ب 470 جنية فى البونتو, فانوس اللانوس الأصلى أرخص من كدة بكتير, نفس الكلام بقى فى الاكصدامات و المرايات و المقص و قواعد الموتور و .......)
2- مراكز صيانة الدايو فى كل حتة و أى ميكانيكى يفهم فيها و كذلك قطع غيارها , مثلا عربيتى عملت 40,000 قريب و أنا الأيام دى فى طنطا و عندى امتحانات و مش فاضى أنزل مصر و أضرب مشوار لحد الكيلانى فى وسط البلد علشان أجيب قطع الغيار بتاعتها !!
3- الخامات الداخلية و التصميم الداخلى و الوسع أحسن شوية من الانوس بس الفرق مش فظيع يعنى, لأن البونتو كلاسيك ببساطة أرخص عربية من فيات كانت بتتصنع فى ايطاليا, فهى معمولة علشان تقضى الغرض و خلاص زى اللانوس
4- قوة التسارع قريبة جدا فى العربيتين, بس اللانوس تسبق البونتو بعد ال100 لحد 175, بعكس البونتو اللى أخرها فى العادى 155
5- البونتو محتاجة بنزين 92 على الأقل و كمان لو مش نظيف العربية بتكركر
6- الشنطة أصغر من الانوس بس دى ميزة و عيب فى نفس الوقت علشان البونتو أسهل فى السواقة و الركن
7- الكونترول يونت بتاعة البونتو غالية جدا, المشكلة انك تخاف تركب جهاز انزار أو وحدات رفع تضرب الكونترول !!

انا راى الفيرنا احسن لو انت فى كفر الشيخ اولا الموتور احسن والعفشه انعم واكيد قطع الغيار بتجبها من كل حته
لو عايز ركوبه نضيفه بنفس السعر وتخش فى اى حته ميهمكش
لوجان مع صاحبى بقالها 7 شهور وهريها سفر من السادات ل6 اكتوبر والعكس ولا بتقول لا
بس اسال على قطع الغيار والصيانه قبل متشترى لو رخمة
يبقى خليك فى الفيرنا

انا معايا الفيات بونتو تقريبا من سنه ونصف فى المجمل العربية حلوه بس انا بشتكى من كذا حاجه
1- الخشونه وده انا مش لاقى حل ليها وفى المطبات انا مش هقولك
2- السرعة من سنه ونصف وانا نفسى اجيب 140 كم ومش عارف لو حد عنده حل يقولى التوكيل بيقول ان العربيه زى الفل مش عارف ازاى
ما عدا هذا العربيه مفهاش عيوب اخرى استهلاك البنزين ممتاز ثبات ...الخ
ارجو المساعده لو حد يعرف حد يفيدنى فى المشكله ده
شكرا